Éxodo 28:2 - Li Santil hu

² Ta̱yi̱b li rakꞌ laj Aarón la̱ cuas chi cha̱bil xyi̱banquil. Riqꞌuin li rakꞌ aꞌan ta̱cꞌutu̱nk nak aꞌan laj tij ut lokꞌ lix cꞌanjel.

Q'eqchi Bible

² Taayiib' chi chaab'il li raq' laj Aharón laawas, re naq chik'utunq li xloq'al ut li xwankilal.

Éxodo 28:2 ပူးပေါင်းရင်းမြစ်များ

Levítico 8:30

Chirix aꞌan laj Moisés quixchap caꞌchꞌin li quicꞌ li cuan saꞌ li artal ut quixchap ajcuiꞌ caꞌchꞌin li aceite ut quixrachrachi saꞌ xbe̱n laj Aarón ut chiru li rakꞌ. Quixrachrachi ajcuiꞌ saꞌ xbe̱neb li ralal ut chiru li rakꞌeb. Joꞌcaꞌin nak quixkꞌaxtesi re li Ka̱cuaꞌ laj Aarón ut eb li ralal ut quixkꞌaxtesi re li Ka̱cuaꞌ li rakꞌeb.

Éxodo 31:10

Teꞌxyi̱b li rakꞌ laj Aarón li xbe̱nil aj tij. Ut teꞌxyi̱b ajcuiꞌ li rakꞌeb li ralal li teꞌrocsi nak teꞌoc chi cꞌanjelac chokꞌ aj tij.

Apocalipsis 19:8

Quiqꞌueheꞌ li cha̱bil lino re xtikibanquil rib. Sak ru li rakꞌ ut nalemtzꞌun. Li saki lino aꞌan retalil lix ti̱quilal xchꞌo̱leb li ralal xcꞌajol li Dios.

Hebreos 7:26

Li Ka̱cuaꞌ Jesucristo, aꞌan li tzꞌakal xyucuaꞌil aj tij. Ut aꞌan li natenkꞌan ke chi tzꞌakal. Moco juntakꞌe̱t ta lix yuꞌam riqꞌuineb laj ma̱c. Li Jesucristo santo ut ma̱cꞌaꞌ xma̱c. Aꞌan co̱ saꞌ choxa ut aran quiqꞌueheꞌ xnimal xlokꞌal.

Li xHu LAJ JOB 40:10

Cui ya̱l nak joꞌcan, cꞌutbesi la̱ cuanquil ut la̱ lokꞌal.

Éxodo 28:40

Ut te̱yi̱b ajcuiꞌ li túnica ut lix bacꞌbal saꞌ joꞌ ajcuiꞌ li mitra reheb li ralal laj Aarón re xcꞌutbal xlokꞌal li cꞌanjel teꞌxba̱nu.

Apocalipsis 5:10

Xaqꞌueheb xcuanquil chi cꞌanjelac chiru li kaDios joꞌ aj tij, ut ta̱qꞌueheb ajcuiꞌ chi takla̱nc saꞌ ruchichꞌochꞌ.

1 Juan 3:2

Ex inherma̱n, anakcuan la̱o ralal xcꞌajol li Dios. Abanan ma̱jiꞌ nakanau joꞌ qꞌuial chic li usilal takacꞌul mokon. Caꞌaj cuiꞌ nakanau nak tol-e̱lk li Jesucristo, chanchanako chic aꞌan xban nak takil ru chi tzꞌakal.

2 Pedro 1:17

La̱o xkil riqꞌuin xnakꞌ ku nak li Ka̱cuaꞌ Jesucristo quixcꞌul lix nimanquil ru ut lix lokꞌal riqꞌuin li Dios Acuabej. Ut quikabi xya̱b xcux li Dios nak quixye chak saꞌ lix nimajcual lokꞌal, aꞌan aꞌin li cualal kꞌaxal raro inban. Ut cꞌojcꞌo inchꞌo̱l riqꞌuin, chan.

Hebreos 2:9

Abanan nakaqꞌue retal chanru nak li Jesucristo quinima̱c ru ut quiqꞌueheꞌ xlokꞌal. Usta quicubsi̱c xcuanquil jarubak cutan chiruheb li ángel, nak quitzꞌejcualoꞌ, quiqꞌueheꞌ xlokꞌal xban li raylal quixcꞌul nak quicam saꞌ kacꞌabaꞌ la̱o. Xban lix nimal rusilal li Dios, li Jesucristo quicam re xcolbal chixjunileb li cuanqueb saꞌ ruchichꞌochꞌ.

Gálatas 3:27

La̱ex xecꞌul li cubi haꞌ ut rehex chic li Cristo. Jalbil chic le̱ yuꞌam ut cha̱bil chic le̱ naꞌleb saꞌ xcꞌabaꞌ li Jesucristo.

Romanos 13:14

Kakꞌaxtesihak ban kib chi tzꞌakal rubel rok rukꞌ li Ka̱cuaꞌ Jesucristo re nak aꞌan chic ta̱tenkꞌa̱nk ke riqꞌuin lix nimal xcuanquil. Ut incꞌaꞌ chic takaba̱nu li ma̱usilal li naxrahi ru li kachꞌo̱l nak toj ma̱jiꞌ nakapa̱b li Cristo.

Romanos 3:22

Ta̱ti̱cobresi̱k ban li kachꞌo̱l chiru li Dios riqꞌuin xpa̱banquil li Ka̱cuaꞌ Jesucristo. Chixjunileb li teꞌpa̱ba̱nk re, li Dios tixti̱cobresi lix chꞌo̱leb. Moco jalan ta li junju̱nk chiru li Dios.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

Isaías 64:6

Chikajunilo xoma̱cob cha̱cuu. Li kati̱quilal, aꞌan chanchan jun li tꞌicr tzꞌaj ru. To-osokꞌ joꞌ nak nachakic li xak kꞌe̱n. Aꞌ ajcuiꞌ li ma̱usilal li nakaba̱nu ta̱sachok ke joꞌ nak nacꞌameꞌ li chaki xak kꞌe̱n xban ikꞌ.

Isaías 61:10

Cꞌajoꞌ xsahil saꞌ xchꞌo̱leb laj Jerusalén xban li cꞌaꞌru quixba̱nu li Ka̱cuaꞌ. Xcoleb ut xqꞌueheb xti̱quilal xchꞌo̱leb. Chanchan jun li cui̱nk xtikib rib chi us re ta̱sumla̱k ut chanchan li ixk li naxtikib rib chi cha̱bil nak ta̱xic chi sumla̱c.

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Isaías 4:2

Ta̱cuulak xkꞌehil nak li Dios tixqꞌue chi yoꞌla̱c jun li chꞌina al chanchan xtux jun li cheꞌ. Cꞌajoꞌak xchakꞌal ru ut cꞌajoꞌak xlokꞌal. Ut kꞌaxal nabal li acui̱mk ta̱e̱lk saꞌ lix chꞌochꞌeb laj Israel li incꞌaꞌ teꞌsachekꞌ ru re xqꞌuebal xlokꞌaleb ut xcuanquilaleb.

Salmos 149:4

Li Ka̱cuaꞌ sa saꞌ xchꞌo̱l riqꞌuineb lix tenamit ut naxqꞌueheb xlokꞌal li tu̱laneb.

Salmos 132:16

La̱in tincolok reheb laj tij. Ut japjo̱keb re xban xsahil xchꞌo̱leb lin tenamit li ti̱queb xchꞌo̱l.

Salmos 132:9

Junelic ta cheꞌcua̱nk saꞌ ti̱quilal laj tij ut cheꞌxjap ta reheb la̱ tenamit xban xsahil xchꞌo̱leb.

Salmos 96:6

Cꞌajoꞌ xlokꞌal li Ka̱cuaꞌ ut kꞌaxal nim xcuanquil. Li ralal xcꞌajol nequeꞌxqꞌue xlokꞌal ut nequerecꞌa lix cuanquil saꞌ li templo.

Éxodo 40:13

Ta̱qꞌue li rakꞌ laj Aarón chirix, li sicꞌbil ru inban. Ta̱yul li aceite saꞌ xjolom ut ta̱kꞌaxtesi saꞌ cuukꞌ re nak naru ta̱cꞌanjelak chicuu chokꞌ aj tij.

Isaías 52:1

Chi-ajk e̱ru la̱ex li cuanquex Sión. Cacuubresihomak e̱chꞌo̱l. Qꞌuehomak le̱ cha̱bil akꞌ che̱rix xban nak eb li incꞌaꞌ useb xnaꞌleb li ma̱jiꞌ nequeꞌxcꞌul li circuncisión, incꞌaꞌ chic teꞌoc saꞌ li santil tenamit Jerusalén.

Éxodo 29:28

Aꞌan jun chakꞌrab tenebanbil saꞌ xbe̱neb laj Israel nak lix tibel li carner li teꞌxtaksi chicuu la̱in li Ka̱cuaꞌ, aꞌan li teꞌxqꞌue re laj Aarón ut reheb li ralal. Aꞌin teꞌxba̱nu eb laj Israel re xcꞌambaleb rib saꞌ usilal cuiqꞌuin la̱in li Dios.