Éxodo 28:17 - Li Santil hu

¹⁷ Ut ca̱hib tzol li terto̱quil pec te̱letz chiru. Saꞌ li xbe̱n tzol li cha̱bil pec li te̱qꞌue, aꞌan jun li sárdica, jun li topacio ut jun li carbunclo.

Q'eqchi Bible

¹⁷ Taab'ut' xsa' rik'in kaahib'aq tzol chi kok' pek: sa' li xb'een tzol taawanq jun sardio, jun topacio ut jun esmeralda;

Éxodo 28:17 ပူးပေါင်းရင်းမြစ်များ

Ezequiel 28:13

Chanchan cuancat saꞌ li naꞌajej Edén saꞌ xnaꞌaj li racui̱mk li Dios. Re xqꞌuebal a̱chꞌinaꞌusal cuan li terto̱quil pec joꞌ li cornerina, li topacio, li jaspe, li crisólito, li berilo, li ónice joꞌ ajcuiꞌ li zafiro ut li carbunclo, li esmeralda, joꞌ ajcuiꞌ li oro. Ac cauresinbileb li pandero ut li xo̱lb re li cutan nak cat-oc saꞌ la̱ cuanquil.

Proverbios 8:11

Kꞌaxal us xsicꞌbal li cha̱bil naꞌleb chiru li terto̱quil pec li chꞌinaꞌus. Li cha̱bil naꞌleb ma̱ jokꞌe naru xjuntakꞌe̱tanquil riqꞌuin li cꞌaꞌru nakara ru arin saꞌ ruchichꞌochꞌ.

Malaquías 3:17

Li nimajcual Dios quixye: —Saꞌ li cutan nak tinchꞌutub ruheb lin tenamit, kꞌaxal lokꞌakeb chicuu. Joꞌ jun yucuaꞌbej naril xtokꞌoba̱l ru li ralal li nacꞌanjelac chiru, joꞌcan ajcuiꞌ nak tincuil xtokꞌoba̱l ruheb lin tenamit la̱in.

Lamentaciones 4:7

Eb li queꞌcꞌamoc be chiku kꞌaxal ti̱queb xchꞌo̱l junxil. Chanchaneb xsakal li nieve ut li leche xban nak kꞌaxal ti̱queb xchꞌo̱l. Kꞌaxal cauheb rib ut cꞌajoꞌ xchakꞌal ruheb. Chanchaneb li terto̱quil pec coral ut zafiro.

Proverbios 31:10

Junak ixakilbej cha̱bil xnaꞌleb kꞌaxal chꞌaꞌaj xtaubal. Kꞌaxal lokꞌ ut kꞌaxal terto xtzꞌak chiru li cha̱bil pec perla.

Proverbios 20:15

Li ani naxnau xqꞌuebal cha̱bil naꞌleb kꞌaxal cuiꞌchic lokꞌ chiru li oro ut li terto̱quil pec.

Proverbios 3:15

Li naꞌleb kꞌaxal cuiꞌchic terto xtzꞌak chiru li terto̱quil pec. Ma̱cꞌaꞌ naru xjuntakꞌe̱tanquil cuiꞌ.

Éxodo 28:11

Nak ta̱tzꞌi̱ba lix cꞌabaꞌeb chiru li pec aꞌan, juchꞌbil te̱ba̱nu joꞌ nequeꞌxba̱nu nak nequeꞌxyi̱b li chꞌi̱chꞌ re li sello. Ut li pec aꞌin li tzꞌi̱banbil cuiꞌ lix cꞌabaꞌeb, te̱letz chiru li oro.

Éxodo 28:9

Ta̱sicꞌ cuib li pec ónice ut chiru li pec aꞌan ta̱tzꞌi̱ba xcꞌabaꞌeb li cablaju chi ralal laj Israel.

Éxodo 28:16

Te̱yi̱b chi ca̱ xucu̱t, cuib xcaꞌcꞌa̱l centímetro saꞌ xca̱ pacꞌalil. Basbo li re te̱qꞌue.

Éxodo 28:18

Saꞌ li xcab tzol te̱qꞌue li cha̱bil pec esmeralda, zafiro ut diamante.