Éxodo 28:12 - Li Santil hu

¹² Te̱letz li pec aꞌan, saꞌ xbe̱n xtel li rakꞌ efod li naxcꞌul cuiꞌ rib li cuib pere̱l retalil li ralal xcꞌajol laj Israel. Chi joꞌcan li pec aꞌan junelic ta̱cua̱nk saꞌ xbe̱n xtel laj Aarón re xjulticanquil chiru li Ka̱cuaꞌ li ralal xcꞌajoleb laj Israel.

Q'eqchi Bible

¹² Chirix chik a'an taak'e xkab'ichaleb' li pek sa' xb'een xteleb' li efod, re inpatz'b'al xb'aaneb' li ralal xk'ajol laj Israel; chi jo'kan laj Aharón tixk'am xk'ab'a'eb' sa' xb'een xkab'ichaleb' li xtel, re xpatz'b'aleb' chiwu laa'in li Qaawa'.

Éxodo 28:12 ပူးပေါင်းရင်းမြစ်များ

Éxodo 28:29

Chi joꞌcaꞌin tixcꞌam chire xchꞌo̱l laj Aarón li pectoral retalil li ti̱quilal, li tzꞌi̱banbil cuiꞌ lix cꞌabaꞌeb li cablaju xte̱paleb li ralal xcꞌajol laj Israel. Tixcꞌam chire xchꞌo̱l li pectoral rajlal nak ta̱oc saꞌ li Santil Naꞌajej ut laj Aarón junelic tixjultica chiru li Ka̱cuaꞌ eb li ralal xcꞌajol laj Israel.

Josué 4:7

Ut la̱ex texchakꞌok ut te̱ye reheb, “Li pec aꞌin, aꞌan retalil nak quixakli li nimaꞌ Jordán ut incꞌaꞌ chic quibe̱c nak yo̱queb chixnumsinquil jun pacꞌal li nimaꞌ li Lokꞌlaj Ca̱x li xocxo cuiꞌ lix contrato li Dios. Eb li pec aꞌin, aꞌan retalil chiruheb laj Israel re nak julticak reheb chi junelic li cꞌaꞌru quixba̱nu li Dios,” chan laj Josué.

Números 31:54

Laj Moisés ut laj Eleazar laj tij queꞌxcꞌul li oro li queꞌxsi re li Ka̱cuaꞌ eb li nequeꞌtaklan saꞌ xbe̱neb li junju̱nk chꞌu̱tal li soldados, Queꞌxcꞌam saꞌ li tabernáculo ut queꞌxqꞌue re li Ka̱cuaꞌ saꞌ xcꞌabaꞌeb laj Israel.

Números 16:40

Quixba̱nu laj Eleazar joꞌ quixye li Ka̱cuaꞌ re laj Moisés. Aꞌan jun retalil chiruheb laj Israel nak juneseb li ralal xcꞌajol laj Aarón naru nequeꞌxcꞌat li pom chiru li Ka̱cuaꞌ. Jalan incꞌaꞌ naru ma̱re anchal tixcꞌul joꞌ queꞌxcꞌul laj Coré ut eb li queꞌoquen chirix.

Levítico 24:7

Ta̱qꞌue ajcuiꞌ li cha̱bil incienso saꞌ xbe̱n li ju̱nk tzol chi caxlan cua. Ut aꞌanak jun sununquil cꞌatbil mayej chiru li Ka̱cuaꞌ.

Hechos 10:4

Laj Cornelio ta̱xucuak nak quiril li ángel ut quixye: —Cꞌaꞌru ta̱cuaj tinba̱nu, Ka̱cuaꞌ.— Li ángel quixye: —Li Dios xrabi la̱ tij. Nacuulac chiru li cꞌaꞌru nacaba̱nu re xtenkꞌanquileb li nebaꞌ.

San Lucas 1:72

Quixye nak ta̱ruxta̱na ruheb li kaxeꞌto̱nil yucuaꞌ xban nak jultic re li quixye saꞌ li santil contrato.

San Lucas 1:54

Aꞌan junelic quixtenkꞌaheb laj Israel lix tenamit ut incꞌaꞌ quisach saꞌ xchꞌo̱l ruxta̱nanquil ruheb,

Isaías 62:6

La̱in xinxakaban aj cꞌacꞌalenel saꞌ xbe̱n li tzꞌac li sutsu cuiꞌ li tenamit Jerusalén. Chi kꞌek chi cutan incꞌaꞌ teꞌxcanab xtzꞌa̱manquil xtenkꞌanquileb chiru li Dios.

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Salmos 89:19

La̱at xacꞌutbesi jun li visión chiruheb la̱ tenamit ut xaye reheb: —La̱in xinqꞌue xcuanquil jun li cui̱nk cau rib. La̱in xinxakaban re chi takla̱nc saꞌ xbe̱n lin tenamit.

Éxodo 28:7

Cuib pere̱l ru te̱qꞌue, jun pere̱l chiru ut jun pere̱l chirix. Saꞌ xbe̱n xtel teꞌxcꞌul rib.

Éxodo 13:9

Li ninkꞌe aꞌin ta̱cꞌanjelak chokꞌ e̱re re xjulticanquil nak junelic cua̱nk saꞌ e̱chꞌo̱l li ra̱tin li Dios. Te̱serakꞌi ajcuiꞌ li ra̱tin li Dios xban nak riqꞌuin lix nimal xcuanquilal, li Dios quexrisi chak saꞌ li tenamit Egipto.

Éxodo 12:14

Chalen anakcuan rajlal chihab texninkꞌei̱k saꞌ incꞌabaꞌ saꞌ li ca̱laju xbe li xbe̱n po. Li ninkꞌe aꞌin, aꞌan re xjulticanquil chanru nak xexincol.

1 Corintios 11:24

Ut nak quixbantioxi chiru li Dios, quixjachi li caxlan cua ut quixye reheb: Tzacahomak. Aꞌan aꞌin lin tibel rahobtesinbil saꞌ e̱cꞌabaꞌ la̱ex. Cheba̱nuhak li caxlan cua aꞌin re xjulticanquil li usilal xinba̱nu e̱re, chan.

Éxodo 28:11

Nak ta̱tzꞌi̱ba lix cꞌabaꞌeb chiru li pec aꞌan, juchꞌbil te̱ba̱nu joꞌ nequeꞌxba̱nu nak nequeꞌxyi̱b li chꞌi̱chꞌ re li sello. Ut li pec aꞌin li tzꞌi̱banbil cuiꞌ lix cꞌabaꞌeb, te̱letz chiru li oro.

Deuteronomio 33:12

Laj Moisés quixye chirixeb li ralal xcꞌajol laj Benjamín: Cheꞌcua̱nk chi cꞌojcꞌo xchꞌo̱leb li ralal xcꞌajol laj Benjamín li raro̱queb xban li Ka̱cuaꞌ. Li Ka̱cuaꞌ, aꞌan junelic nacoloc reheb ut nacuan riqꞌuineb ut na-iloc reheb.

Li xHu LAJ JOB 31:36

Cui ta ya̱l li yo̱queb chixyebal chicuix, la̱in tincꞌu̱luban raj saꞌ inbe̱n li cꞌaꞌru teꞌxye chicuix. Incꞌaꞌ raj tinxuta̱na̱k chixcꞌulbal. Chanchan nak cuan jun corona saꞌ injolom.