Éxodo 27:9 - Li Santil hu

⁹ Te̱yi̱b ajcuiꞌ lix neba̱l li tabernáculo. Te̱sut li neba̱l riqꞌuin tꞌicr yi̱banbil riqꞌuin li bakbil nokꞌ lino. Saꞌ li jun pacꞌal li nacana saꞌ li sur o̱b roxcꞌa̱l metro xnimal rok li tꞌicr te̱qꞌue.

Q'eqchi Bible

⁹ “Taayiib' ajwi' xneb'aal li Loq'laj Muheb'aal. Sa' xjayal Nejeb, sa' rokeb'l li iq', taawanq xt'ilkem li neb'aal yiib'anb'ilaq rik'in b'aqb'il liin li jwal chaab'il, kach'in chik maa waqxaqib' xka'k'aal moqoj xnimal li roq.

Éxodo 27:9 ပူးပေါင်းရင်းမြစ်များ

Ezequiel 42:3

Li jun pacꞌal li cocꞌ naꞌajej na-iloc cuan cuiꞌ li neba̱l li cuan chi saꞌ, aꞌan laje̱b metro xnimal ru, ut li jun pacꞌal chic na-iloc cuan cuiꞌ li neba̱l li cuan chirix, li tusbil xan chiru. Li cocꞌ naꞌajej aꞌin oxib tasaleb.

Ezequiel 40:44

Chirix chic aꞌan li cui̱nk quinrocsi saꞌ li neba̱l li cuan toj chi saꞌ. Cuan cuib li naꞌajej li nequeꞌiloc saꞌ li neba̱l. Jun cuan chixcꞌatk li oqueba̱l li cuan saꞌ li norte ut li jun chic cuan chixcꞌatk li oqueba̱l li cuan saꞌ li sur. Li naꞌajej jun cuan saꞌ xcaꞌyaba̱l li naꞌajej jun chic. Aꞌaneb lix naꞌajeb laj tij li nequeꞌcꞌanjelac chiru li Dios.

Ezequiel 40:32

Chirix aꞌan li cui̱nk quinixcꞌam saꞌ li oqueba̱l li naxic saꞌ li neba̱l li cuan toj chi saꞌ, li cuan saꞌ li este. Quixbis li oqueba̱l. Juntakꞌe̱t xbisbal riqꞌuineb li jun chꞌol chic.

Ezequiel 40:28

Chirix aꞌan li cui̱nk quinixcꞌam saꞌ li oqueba̱l li naxic saꞌ li neba̱l li cuan toj chi saꞌ, saꞌ li pacꞌal li cuan saꞌ li sur. Quixbis li oqueba̱l. Juntakꞌe̱t xbisbal riqꞌuineb li oqueba̱l jun chꞌol chic.

Ezequiel 40:23

Ut quixbis li xya̱nk li oqueba̱l li cuan saꞌ li norte saꞌ xjayal li oqueba̱l re li neba̱l li cuan toj chi saꞌ. Ut cuan laje̱b roxcꞌa̱l metro xnajtil rok.

Ezequiel 40:20

Li cui̱nk quixbis li oqueba̱l re li neba̱l li cuan saꞌ li norte li cuan chirix. Quixbis li rok ut li ru.

Ezequiel 40:14

Quixbis ajcuiꞌ li okech re li oqueba̱l li cuan saꞌ xmu cab. Aꞌan laje̱b metro xni̱nkal rok li junju̱nk chi okech.

Salmos 116:19

Aran Jerusalén chiru lix templo li nimajcual Dios, tinqꞌue li cꞌaꞌru xinyechiꞌi re li Ka̱cuaꞌ. ¡Lokꞌoninbil taxak li Ka̱cuaꞌ!

Salmos 100:4

Chex-oc saꞌ lix templo li Dios re xbantioxinquil chiru. Chex-oc saꞌ li rochoch li Dios ut chelokꞌoni riqꞌuin le̱ bich. Chebantioxi re li Ka̱cuaꞌ ut chenima ru.

Salmos 92:13

Chanchanakeb li cheꞌ li aubil cuan cuiꞌ lix templo li Dios, li yo̱queb chi atzꞌumac.

Salmos 84:10

Kꞌaxal lokꞌ li cua̱nc saꞌ la̱ templo usta jun cutan ajcuiꞌ chiru li cua̱nc jun mil cutan saꞌ jalan naꞌajej. Kꞌaxal us chokꞌ cue la̱in cua̱nc saꞌ la̱ cuochoch, usta caꞌaj cuiꞌ rilbal li oqueba̱l tinba̱nu, chiru li cua̱nc saꞌ jun cha̱bil naꞌajej li nequeꞌxba̱nu cuiꞌ li ma̱usilal.

2 Crónicas 33:5

Ut quixyi̱beb ajcuiꞌ li artal saꞌ li cuib chi neba̱l re li templo re teꞌxlokꞌoni cuiꞌ li chahim joꞌ ajcuiꞌ li po ut li sakꞌe.

1 Reyes 8:64

Saꞌ ajcuiꞌ li cutan aꞌan li rey quixkꞌaxtesi saꞌ rukꞌ li Dios li neba̱l li cuan chiru lix templo li Dios. Aran quixqꞌue chak li cꞌatbil mayej ut lix xe̱bul li xul li queꞌcꞌateꞌ chokꞌ xmayejeb re xcꞌambaleb rib saꞌ usilal riqꞌuin li Dios. Ut aran ajcuiꞌ queꞌxqꞌue li cꞌaꞌak chic re ru chi mayejil. Aran quixqꞌue li mayej xban nak incꞌaꞌ qui-oc chixjunil saꞌ xbe̱n li artal yi̱banbil riqꞌuin bronce, li cuan chiru li naꞌajej li nahilan cuiꞌ li Ka̱cuaꞌ xban nak caꞌchꞌin li artal aꞌan.

1 Reyes 6:36

Ut queꞌxyi̱b li neba̱l li cuan chiru li templo. Queꞌxyi̱b li tzꞌac riqꞌuin li pec ti̱cobresinbil ru chi us. Oxib tzol li pec ut jun tzol li cheꞌ chacalteꞌ queꞌxqꞌue saꞌ xbe̱n li pec.

Éxodo 40:8

Te̱qꞌue li cheꞌ chiru li ruꞌuj neba̱l ut te̱sut saꞌ tꞌicr ut te̱tzꞌap li oqueba̱l riqꞌuin junak nimla tꞌicr.

Éxodo 39:40

Ut queꞌxkꞌaxtesi ajcuiꞌ li tꞌicr li ta̱cꞌanjelak re xtzꞌapbal li neba̱l joꞌ ajcuiꞌ li okech ut lix naꞌajeb li teꞌxqꞌue cuiꞌ, joꞌ ajcuiꞌ li tꞌicr li teꞌxqꞌue saꞌ li oqueba̱l re li neba̱l, joꞌqueb ajcuiꞌ li cꞌa̱m ut li chꞌi̱chꞌ li ta̱chapok re li cꞌa̱m saꞌ chꞌochꞌ. Queꞌxkꞌaxtesi chixjunil li cꞌaꞌru ta̱cꞌanjelak saꞌ li tabernáculo.

Éxodo 36:17

Ut queꞌxyi̱b mero ciento li xchapbal li gancho chire li junju̱nk. Mero ciento re li jun ut mero ciento cuiꞌchic chire li jun chic.

Éxodo 27:10

Te̱yi̱b junmay li okech riqꞌuin bronce ut te̱yi̱b ajcuiꞌ riqꞌuin bronce junmay xnaꞌajeb li okech re te̱qꞌue cuiꞌ. Li ganchos joꞌ ajcuiꞌ li argollas li te̱chap cuiꞌ li tꞌicr yi̱banbilak riqꞌuin plata.

Éxodo 35:17

Teꞌxyi̱b li tꞌicr li te̱sut cuiꞌ li neba̱l re li tabernáculo, joꞌqueb ajcuiꞌ li okech rochbeneb lix naꞌajeb li teꞌqꞌuehekꞌ cuiꞌ. Ut teꞌxyi̱b li nimla tꞌicr li ta̱qꞌuehekꞌ chiru li oqueba̱l re li neba̱l.

Éxodo 40:33

Quixqꞌue li cheꞌ chiru li ruꞌuj neba̱l li tabernáculo joꞌ ajcuiꞌ li artal ut quixsut saꞌ tꞌicr. Quixtzꞌap li oqueba̱l riqꞌuin jun nimla tꞌicr. Joꞌcaꞌin nak quixchoy lix cꞌanjel laj Moisés.

Números 3:26

Aꞌaneb ajcuiꞌ li teꞌilok re li tꞌicr li cuan saꞌ li neba̱l li cuan chi xjun sutam li tabernáculo ut teꞌilok re li artal, joꞌ ajcuiꞌ li tꞌicr li cuan saꞌ li oqueba̱l re li neba̱l, joꞌ eb ajcuiꞌ li cꞌa̱m ut chixjunil li cꞌaꞌak re ru li ta̱cꞌanjelak saꞌ li cꞌanjel aꞌan.

Números 4:26

Aꞌaneb li teꞌcꞌamok re li tꞌicr li najelman chi xjun sutam li neba̱l re li tabernáculo ut li artal, ut li tꞌicr li cuan saꞌ li oqueba̱l re li neba̱l. Ut teꞌxcꞌam ajcuiꞌ chixjunil li nacꞌanjelac saꞌ li tabernáculo. Eb li ralal xcꞌajol laj Gersón, aꞌaneb li teꞌba̱nu̱nk re li cꞌanjel aꞌin.

Números 4:32

Ut teꞌxpako ajcuiꞌ li okech li nacuan chi xjun sutam li neba̱l rochbeneb li rok, li cheꞌ li nachapoc re saꞌ chꞌochꞌ lix cꞌa̱mal li tabernáculo, lix cꞌa̱mal ut chixjunil li nacꞌanjelac re xxakabanquil li tabernáculo. Ta̱ye re li junju̱nk chi cui̱nk cꞌaꞌru li tixpako.

2 Crónicas 4:9

Quixyi̱b ajcuiꞌ li neba̱l reheb laj tij ut li nimla neba̱l joꞌ eb ajcuiꞌ lix puertas. Ut quixletz li bronce chiruheb li puertas.

Ezequiel 40:17

Chirix aꞌan li cui̱nk quinixcꞌam saꞌ li neba̱l li cuan chirix. Aran chiru li tzꞌac yi̱banbil laje̱b xcaꞌcꞌa̱l li cocꞌ naꞌajej chixjun sutam li neba̱l. Ut tusbil li xan saꞌ li neba̱l.