Éxodo 27:3 - Li Santil hu

³ Chixjunil li cꞌaꞌak re ru li ta̱cꞌanjelak saꞌ li artal re li mayej, aꞌan yi̱banbilak riqꞌuin bronce. Te̱yi̱b li chꞌi̱chꞌ re xxocbal li cha, ut te̱yi̱b li pala, joꞌ ajcuiꞌ li ni̱nki secꞌ re xxocbal li quicꞌ, ut li ganchos re xchapbal li tib joꞌ ajcuiꞌ lix naꞌaj li ru xam.

Q'eqchi Bible

³ Taayiib' xna'aj li cha; taayiib' ajwi' eb' li xokleb', li k'uuleb'aal kik', li chapleb' ut xna'aj ru xam: chixjunileb' li k'anjelob'aal a'in taayiib' rik'in q'anch'iich'.

Éxodo 27:3 ပူးပေါင်းရင်းမြစ်များ

1 Reyes 7:45

Ut quixyi̱b ajcuiꞌ li ucꞌal ut li ni̱nki secꞌ joꞌ eb ajcuiꞌ li chꞌi̱chꞌ re xchapbal li ru xam. Aꞌan aꞌin chixjunil li cꞌanjeleba̱l li quiqꞌueheꞌ chixyi̱b laj Hiram xban li rey Salomón re teꞌcꞌanjelak saꞌ lix templo li Dios. Chixjunil yi̱banbil riqꞌuin li cha̱bil bronce.

2 Crónicas 4:16

Ut quixyi̱b ajcuiꞌ eb li ucꞌal, li pala ut eb li chꞌi̱chꞌ li queꞌxchap cuiꞌ li tib. Chixjunil li cꞌaꞌak re ru li ta̱cꞌanjelak saꞌ lix templo li Dios li quixyi̱b laj Hiram-abi re li rey Salomón, aꞌan yi̱banbil riqꞌuin li cha̱bil bronce.

2 Crónicas 4:11

Laj Hiram quixyi̱beb ajcuiꞌ li ucꞌal ut eb li pala joꞌ eb ajcuiꞌ li ni̱nki secꞌ. Joꞌcan nak laj Hiram quixchoy li cꞌanjel li quixba̱nu re li rey Salomón chokꞌ re lix templo li Ka̱cuaꞌ.

1 Crónicas 28:17

Quixqꞌue ajcuiꞌ re li cha̱bil oro ut li plata li ta̱cꞌanjelak re xyi̱banquil li chapleb chꞌi̱chꞌ, li secꞌ ut li ucꞌal.

2 Reyes 25:15

Laj Nabuzaradán, li nataklan saꞌ xbe̱neb li soldados li nequeꞌcꞌacꞌalen re li rey, quixcꞌam chixjunil li cꞌaꞌak re ru yi̱banbil riqꞌuin oro ut plata joꞌ li secꞌ ut li ucꞌal li quicꞌanjelac re li ru xam.

1 Reyes 7:40

Laj Hiram quixyi̱beb ajcuiꞌ li ucꞌal, ut li chꞌi̱chꞌ li nequeꞌxchap cuiꞌ li ru xam, ut li ni̱nki secꞌ. Joꞌcaꞌin nak quixchoy li cꞌanjel quiqꞌueheꞌ chixyi̱b xban laj Salomón. Aꞌaneb aꞌin li quixyi̱b laj Hiram re lix templo li Dios:

Números 4:14

Teꞌxqꞌue saꞌ xbe̱n li artal chixjunil li cꞌaꞌak re ru li nacꞌanjelac nak nequeꞌmayejac chiru li artal joꞌ lix naꞌaj li xam, li chꞌi̱chꞌ li nequeꞌxchap cuiꞌ li tib, li pala chꞌi̱chꞌ ut li ucꞌal. Ut teꞌxtzꞌap xbe̱n riqꞌuin li rix li tzꞌiꞌ haꞌ ut teꞌxqꞌue saꞌ xnaꞌajeb li cheꞌ li nequeꞌxpako cuiꞌ.

Levítico 16:12

Tixchap li ru xam saꞌ lix artal li Ka̱cuaꞌ ut tixqꞌue saꞌ lix sansar. Tixchap cuib mo̱chꞌ li queꞌbil incienso li sunu̱nc ut tixcꞌam saꞌ rukꞌ nak ta̱xic jun pacꞌal li nimla tꞌicr saꞌ li naꞌajej li cuan cuiꞌ li Lokꞌlaj Ca̱x.

Éxodo 38:3

Queꞌxyi̱b ajcuiꞌ riqꞌuin bronce chixjunil li cꞌaꞌak re ru li ta̱cꞌanjelak saꞌ li artal re li mayejac. Queꞌxyi̱b li chꞌi̱chꞌ re xxocbal li cha ut li pala. Queꞌxyi̱b ajcuiꞌ li ni̱nki secꞌ re xxocbal li quicꞌ joꞌ ajcuiꞌ li gancho re xchapbal li tib joꞌ ajcuiꞌ lix naꞌaj li ru xam.

Éxodo 24:6

Laj Moisés quixxoc lix quiqꞌuel li bo̱yx. Yijach quixxoc saꞌ eb li ucꞌal ut li yijach chic quixqꞌue chiru li artal.

Éxodo 27:2

Te̱yi̱b ca̱hib li xucub ut te̱qꞌue saꞌ lix ca̱ xucu̱til li artal. Chixjunil li artal rochben li xucub junaj ru nak te̱yi̱b ut te̱letz bronce chiru.

Éxodo 27:4

Ut te̱yi̱b ajcuiꞌ riqꞌuin bronce lix naꞌaj li xam ut hopox ru te̱qꞌue. Te̱yi̱b ajcuiꞌ ca̱hib li argollas bronce ut te̱qꞌue saꞌ xca̱ xucu̱til li tusbil chꞌi̱chꞌ.

1 Reyes 7:50

Quixyi̱b li secꞌ ut li ucꞌal, ut li chꞌi̱chꞌ re xchupbal lix xamlel li candil joꞌ eb ajcuiꞌ li chꞌi̱chꞌ re xchapbal li ru xam. Ut quixyi̱b ajcuiꞌ li sansar re xcꞌatbal li pom. Joꞌcaneb ajcuiꞌ li bisagras re lix puertil li Lokꞌlaj Santil Naꞌajej ut eb li bisagras re lix puertil li templo yi̱banbileb riqꞌuin oro.

2 Reyes 25:14

Queꞌxcꞌam ajcuiꞌ li ni̱nki ucꞌal. Ut queꞌxcꞌam ajcuiꞌ li pala li queꞌcꞌanjelac saꞌ li artal joꞌqueb ajcuiꞌ lix naꞌajeb li cha ut li chꞌi̱chꞌ li quicꞌanjelac re xyi̱banquil li lámpara, joꞌ ajcuiꞌ li quicꞌateꞌ cuiꞌ li incienso. Chixjunil li cꞌaꞌak re ru yi̱banbil riqꞌuin bronce li quicꞌanjelac saꞌ li templo, quilajeꞌxcꞌam Babilonia.

Éxodo 27:19

Chixjunil li cꞌaꞌak re ru ta̱cꞌanjelak re lokꞌoni̱nc saꞌ li tabernáculo, te̱yi̱b riqꞌuin bronce. Ut te̱yi̱b ajcuiꞌ riqꞌuin bronce chixjunil li chꞌi̱chꞌ li ta̱chapok re li cꞌa̱m saꞌ chꞌochꞌ.