Éxodo 27:21 - Li Santil hu

²¹ Laj Aarón rochbeneb li ralal, aꞌaneb li teꞌilok re li candelero li cuan saꞌ li Santil Naꞌajej, li cuan chiru li tas li naramoc re li Lokꞌlaj Santil Naꞌajej, li cuan cuiꞌ li Lokꞌlaj Ca̱x. Teꞌril nak junelic lochlo̱k chiru li Ka̱cuaꞌ lix xamlel li candelero. Li chakꞌrab aꞌin tenebanbil saꞌ xbe̱neb laj Israel joꞌqueb ajcuiꞌ li ralal xcꞌajoleb re nak joꞌcan teꞌxba̱nu junelic.

Q'eqchi Bible

²¹ Laj Aharón rochb'eeneb' li ralal te'iloq re chiru li Qaawa', sa' xMuheb'aal li ch'utam, junpak'al li t'ilkem li wank chi xk'atq li xLoq'laj Kaaxil li Sumwank, chalen ewu toj eq'la. A'in jun chaq'rab' xaqxooq xwankil chi junelik cho'q reheb' li ralal xk'ajol laj Israel.

Éxodo 27:21 ပူးပေါင်းရင်းမြစ်များ

Números 19:21

Aꞌin jun li chakꞌrab tento te̱ba̱nu chalen anakcuan ut chi junelic. Ut li ani narachrachin li haꞌ re santobresi̱c, tento nak tixpuchꞌ li rakꞌ. Ut li ani ta̱chꞌeꞌok re li haꞌ re santobresi̱c muxbilak chic ru ta̱cana̱k toj ta̱ecuu̱k.

Números 18:23

Eb laj levita, aꞌaneb li teꞌba̱nu̱nk li cꞌanjel saꞌ li tabernáculo. Cui junak tixmux ru li tabernáculo, ta̱cana̱k saꞌ xbe̱neb aꞌan li ma̱c. Aꞌin jun li chakꞌrab teꞌxba̱nu eb aꞌan ut teꞌxba̱nu ajcuiꞌ li ralal xcꞌajol li teꞌcua̱nk mokon. Incꞌaꞌ teꞌxcꞌul xchꞌochꞌeb laj levita saꞌ xya̱nkeb laj Israel.

2 Crónicas 13:11

Rajlal ekꞌela ut rajlal ecuu nequeꞌxqꞌue li cꞌatbil mayej chiru li Ka̱cuaꞌ joꞌ ajcuiꞌ li incienso li sunu̱nc. Ut nequeꞌxqꞌue li caxlan cua chiru li me̱x li kꞌaxtesinbil re li Dios. Ut nalochman rajlal ecuu li candil li cuan saꞌ xbe̱neb li candelero li yi̱banbil riqꞌuin oro. La̱o yo̱co chixba̱nunquil joꞌ taklanbilo cuiꞌ xban li Ka̱cuaꞌ li kaDios. Abanan la̱ex xetzꞌekta̱na li Ka̱cuaꞌ Dios.

1 Samuel 3:3

Ut laj Samuel yo̱ chi cua̱rc saꞌ li tabernáculo bar cuan cuiꞌ li Lokꞌlaj Ca̱x. Lix lámpara li Ka̱cuaꞌ toj lochlo.

Levítico 16:34

Aꞌan aꞌin li chakꞌrab xinqꞌue e̱re. Joꞌcaꞌin te̱ba̱nu rajlal chihab re xtojbal rix li ma̱c queba̱nu la̱ex aj Israel, chan li Dios. Ut laj Aarón quixba̱nu joꞌ quiyeheꞌ re laj Moisés xban li Dios.

Levítico 3:17

Incꞌaꞌ te̱tzaca lix xe̱bul li xul chi moco lix quiqꞌuel. Aꞌin jun li chakꞌrab cua̱nk xcuanquil junelic. Yalak bar cua̱nkex la̱ex li naꞌbej yucuaꞌbej te̱ba̱nu li chakꞌrab aꞌin, joꞌ eb ajcuiꞌ le̱ ralal e̱cꞌajol li teꞌcua̱nk mokon.

Éxodo 30:8

Ut tixcꞌat ajcuiꞌ rajlal ecuu nak ta̱oc chixlochbal li candil. Joꞌcan nak chalen anakcuan le̱ ralal e̱cꞌajol li teꞌcua̱nk mokon teꞌxcꞌat li incienso chicuu.

2 Pedro 1:19

Riqꞌuin aꞌin nakanau nak relic chi ya̱l na-uxman li cꞌaꞌru tzꞌi̱banbil chak najter xbaneb li profeta. Us cui te̱qꞌue retal li quilajeꞌxtzꞌi̱ba chak li profeta. Aꞌan naxcutanobresi chiku joꞌ junak xam nacutanobresin saꞌ junak naꞌajej kꞌojyi̱n ru. Li Ka̱cuaꞌ Jesucristo naxcutanobresi saꞌ li ka̱m joꞌ nak naxcutanobresi ru li kꞌojyi̱n li cak chahim nak sake̱uc re.

San Juan 5:35

Laj Juan chanchan jun li xam quixcutanobresi e̱be nak quixchꞌolob lix ya̱lal che̱ru. Ut quisahoꞌ jun cꞌamoc saꞌ e̱chꞌo̱l chirabinquil li quixye.

1 Samuel 30:25

Chalen saꞌ li cutan aꞌan toj anakcuan, joꞌcan nequeꞌxba̱nu eb laj Israel.

Éxodo 28:43

Rajlal teꞌxqꞌue li rakꞌeb aꞌan chirixeb nak teꞌoc saꞌ li tabernáculo ut nak teꞌoc chi cꞌanjelac saꞌ li artal li cuan saꞌ li Santil Naꞌajej re nak incꞌaꞌ teꞌpaltok chicuu la̱in li Ka̱cuaꞌ. Tento teꞌxba̱nu aꞌan re nak incꞌaꞌ teꞌca̱mk laj Aarón rochbeneb li ralal. Li chakꞌrab aꞌan tenebanbil chi junelic saꞌ xbe̱neb laj Aarón ut eb li ralal xcꞌajol li teꞌcua̱nk mokon.

Apocalipsis 2:1

Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Éfeso ut ta̱ye re chi joꞌcaꞌin: —Li cuan cuukub chi chahim saꞌ xnim ukꞌ, li yo̱ chi be̱c saꞌ xya̱nkeb li cuukub chi candelero yo̱ chixyebal e̱re chi joꞌcaꞌin:

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

San Lucas 12:35

Checauresihak e̱rib. Yo̱kex chiroybeninquil li Ka̱cuaꞌ. Chanchanakex li mo̱s li lochlo xxam ut yo̱ chiroybeninquil lix patrón.

San Mateo 4:16

li tenamit chanchan li cuanqueb saꞌ kꞌojyi̱n xban nak incꞌaꞌ nequeꞌxnau lix ya̱lal. Chanchan quicutanoꞌ nak queꞌril nak queꞌxtau li colba-ib. Chanchan nak cuanqueb saꞌ jun naꞌajej re ca̱mc xban lix ma̱queb nak quicuulac li cutan saꞌ xya̱nkeb. (Isa. 9:1-2)

Malaquías 2:7

Lix cꞌanjel eb laj tij, aꞌan xcꞌutbal lix ya̱lal chiruheb li tenamit. Riqꞌuineb aꞌan teꞌxic li cristian chirabinquil lix chakꞌrabinquileb inban la̱in xban nak eb laj tij, aꞌan eb lin takl, chan li nimajcual Dios.

Salmos 134:1

Chelokꞌonihak li nimajcual Dios che̱junilex la̱ex li nequexcꞌanjelac chiru. Cheqꞌue xlokꞌal li Ka̱cuaꞌ che̱junilex la̱ex li nequexcꞌanjelac saꞌ lix templo chiru kꞌojyi̱n.

Números 8:9

Ta̱ye reheb laj levitas nak teꞌjilok chiru li tabernáculo ut ta̱chꞌutubeb ajcuiꞌ chixjunileb laj Israel aran.

Levítico 24:9

Li caxlan cua aꞌin, aꞌan li teꞌxcꞌul laj Aarón ut eb li ralal. Teꞌxcuaꞌ li caxlan cua saꞌ junak santil naꞌajej xban nak aꞌin jun mayej kꞌaxal santo saꞌ xya̱nkeb li cꞌatbil mayej li naqꞌueheꞌ re li Dios. Aꞌin jun chakꞌrab junelic teꞌxba̱nu.

Levítico 24:3

Rajlal ecuu laj Aarón tixlocheb li candil ut lochlo̱keb toj nak ta̱sake̱uk. Aꞌaneb li candil li cuanqueb saꞌ li tabernáculo chiru li tꞌicr li naramoc re li Lokꞌlaj Ca̱x li cuan cuiꞌ lix contrato li Ka̱cuaꞌ. Aꞌan jun li chakꞌrab tento teꞌxba̱nu chi junelic eb aꞌan joꞌ eb ajcuiꞌ li ralal xcꞌajol li teꞌcua̱nk mokon.

Levítico 3:8

Tixqꞌue li rukꞌ saꞌ lix jolom li xul ut tixcamsi chiru li oqueba̱l re li tabernáculo. Ut laj tij tixrachrachi lix quiqꞌuel saꞌ xbe̱n li artal ut chixjun sutam.

Éxodo 40:3

Chi saꞌ li tabernáculo te̱qꞌue li Lokꞌlaj Ca̱x li cꞌu̱lanbil cuiꞌ li laje̱b chi chakꞌrab. Ut te̱tas xsaꞌ riqꞌuin jun li tꞌicr re xrambal li Lokꞌlaj Ca̱x.

Éxodo 30:36

Ta̱queꞌ chi kꞌun yijachak ut ta̱qꞌue chiru li Lokꞌlaj Ca̱x, li cuan saꞌ li tabernáculo li tincua̱nk cuiꞌ e̱riqꞌuin. Li incienso aꞌin, aꞌan kꞌaxal lokꞌak che̱ru.

Éxodo 29:44

La̱in tinsantobresi li tabernáculo ut tinsantobresi li artal. Tinsantobresi laj Aarón joꞌqueb ajcuiꞌ li ralal re nak teꞌcꞌanjelak chicuu chokꞌ aj tij.

Éxodo 29:42

Ut chalen anakcuan junelic tatmayejak chicuu la̱at joꞌqueb ajcuiꞌ la̱ cualal a̱cꞌajol. Texmayejak chire li oqueba̱l re li tabernáculo. Ut la̱in tina̱tinak a̱cuiqꞌuin ut tincua̱nk a̱cuiqꞌuin.

Éxodo 29:28

Aꞌan jun chakꞌrab tenebanbil saꞌ xbe̱neb laj Israel nak lix tibel li carner li teꞌxtaksi chicuu la̱in li Ka̱cuaꞌ, aꞌan li teꞌxqꞌue re laj Aarón ut reheb li ralal. Aꞌin teꞌxba̱nu eb laj Israel re xcꞌambaleb rib saꞌ usilal cuiqꞌuin la̱in li Dios.

Éxodo 25:16

Ut saꞌ li ca̱x aꞌan te̱xoc li chakꞌrab li tinqꞌue e̱re.

Éxodo 16:34

Laj Aarón quixba̱nu joꞌ quiyeheꞌ re laj Moisés xban li Ka̱cuaꞌ Dios. Quixcꞌu̱la li maná re nak mokon tixqꞌue saꞌ li naꞌajej ta̱cꞌu̱la̱k cuiꞌ li pec li tzꞌi̱banbil cuiꞌ li laje̱b chi chakꞌrab.

Génesis 1:8

Li choxa li quijachoc re li haꞌ chi ribil quixqꞌue chokꞌ xcꞌabaꞌ choxa. Qui-oc li kꞌojyi̱n ut quisake̱u. Aꞌan li xcab li cutan.

Génesis 1:5

Ut li cutan quixqꞌue ajcuiꞌ cutan chokꞌ xcꞌabaꞌ. Ut li kꞌojyi̱n, kꞌojyi̱n ajcuiꞌ quixqꞌue chokꞌ xcꞌabaꞌ. Ut qui-oc li kꞌojyi̱n ut quisake̱u. Aꞌan li xbe̱n li cutan.

Levítico 24:2

—Ta̱ye reheb laj Israel nak teꞌxcꞌam chak li cha̱bil aceite oliva re li candil re nak lochlo̱k chi junelic.

Números 18:5

Caꞌaj cuiꞌ la̱at ut eb la̱ cualal naru te̱ba̱nu li cꞌanjel saꞌ li Santil Naꞌajej ut saꞌ li artal re nak incꞌaꞌ chic tinjoskꞌokꞌ saꞌ xbe̱neb laj Israel.

Éxodo 12:14

Chalen anakcuan rajlal chihab texninkꞌei̱k saꞌ incꞌabaꞌ saꞌ li ca̱laju xbe li xbe̱n po. Li ninkꞌe aꞌin, aꞌan re xjulticanquil chanru nak xexincol.

Éxodo 30:21

Tento teꞌxchꞌaj li rukꞌeb ut li rokeb re nak incꞌaꞌ teꞌca̱mk. Chalen anakcuan ut chi junelic li chakꞌrab aꞌan tenebanbil saꞌ xbe̱neb laj tij joꞌ ajcuiꞌ saꞌ xbe̱neb li ralal xcꞌajol li teꞌcua̱nk mokon.

Levítico 6:15

Laj tij tixqꞌue jun mo̱chꞌak li cha̱bil cꞌaj li ac qꞌuebil chokꞌ mayej. Tixqꞌue ajcuiꞌ li aceite ut li incienso li na-oc saꞌ xbe̱n li mayej. Tixcꞌat saꞌ xbe̱n li artal chokꞌ retalil nak kꞌaxtesinbil re li Ka̱cuaꞌ lix comon li mayej. Ut li mayej aꞌan, aꞌan jun sununquil mayej nacuulac chiru li Ka̱cuaꞌ.

Levítico 7:36

Saꞌ li cutan nak li Ka̱cuaꞌ quixsiqꞌueb ru chi cꞌanjelac chokꞌ aj tij, li Ka̱cuaꞌ quixye nak eb laj Israel junelic teꞌxqꞌue li tib aꞌan reheb laj tij.

Levítico 10:9

—La̱at ut eb la̱ cualal incꞌaꞌ ta̱ru̱k tex-oc saꞌ li tabernáculo cui yo̱quex chi ucꞌac vino malaj ut li haꞌ li nacaltesin re nak incꞌaꞌ texca̱mk. Aꞌin jun li chakꞌrab tento te̱ba̱nu la̱ex ut tento ajcuiꞌ teꞌxba̱nu eb le̱ ralal e̱cꞌajol li teꞌcua̱nk mokon.

Levítico 17:7

Incꞌaꞌ chic teꞌxmayeja li xul yalak bar chiruheb li ma̱us aj musikꞌej li queꞌxlokꞌoni chak. Aꞌin jun li chakꞌrab cua̱nk chi junelic. Tento nak te̱ba̱nu la̱ex aj Israel ut tento ajcuiꞌ nak teꞌxba̱nu eb le̱ ralal e̱cꞌajol li teꞌcua̱nk mokon.

Levítico 23:14

Nak te̱qꞌue le̱ mayej acui̱mk re li Dios, incꞌaꞌ naru te̱cuaꞌ li caxlan cua yi̱banbil riqꞌuin trigo, chi moco te̱tzaca li trigo chi rax, chi moco chi qꞌuilinbil. Nak acak xeqꞌue le̱ mayej, naru te̱tzaca aꞌan. Li chakꞌrab aꞌin reheb le̱ ralal e̱cꞌajol anakcuan ut chi junelic kꞌe cutan aꞌ yal bar cua̱nkex.

Levítico 23:21

Saꞌ li cutan aꞌan te̱chꞌutub e̱rib ut texninkꞌei̱k re xlokꞌoninquil li Ka̱cuaꞌ. Ut ma̱ jun li cꞌanjel te̱ba̱nu. Eb le̱ ralal e̱cꞌajol teꞌxba̱nu li chakꞌrab aꞌin chalen anakcuan ut chi junelic aꞌ yal bar cua̱nkex.

Números 35:29

Eb li chakꞌrab aꞌin e̱re la̱ex ut reheb le̱ ralal e̱cꞌajol yalak bar cua̱nkex.