Éxodo 27:16 - Li Santil hu

¹⁶ Ut saꞌ li oqueba̱l re li neba̱l te̱qꞌue bele̱b metro li tꞌicr yi̱banbil riqꞌuin li nokꞌ azul, li nokꞌ púrpura ut li nokꞌ cak ut riqꞌuin li bakbil nokꞌ lino. Cha̱bil xyi̱banquil lix sahob ru te̱qꞌue. Ut te̱yi̱b ca̱hib li okech ut ca̱hib lix naꞌaj li te̱qꞌue cuiꞌ.

Q'eqchi Bible

¹⁶ Li rokeb'aal li neb'aal taawanq xt'ikrul wan xwaq moqoj xnimal li roq, pik'b'ilaq rik'in kaqinoq' ut moraad, rik'in kaqjorinkil noq' ut b'aqb'il liin li jwal chaab'il; taawanq kaahib'aq roqechal ut kaahib'aq xna'ajeb' te'ok wi'.

Éxodo 27:16 ပူးပေါင်းရင်းမြစ်များ

Éxodo 26:36

Ut te̱yi̱b jun chic li nimla tꞌicr li ta̱cꞌanjelak chokꞌ xpuertil li tabernáculo. Te̱yi̱b li tꞌicr aꞌan riqꞌuin li nokꞌ azul, púrpura ut cak ut riqꞌuin li bakbil nokꞌ lino. Te̱qꞌue xsahob ru chi cha̱bil xyi̱banquil.

Salmos 45:14

Cꞌajoꞌ xchꞌinaꞌusal li rakꞌ nak yo̱ chi xic saꞌ li palacio. Eb li sa̱j ixk yo̱queb chi ochbeni̱nc re nak yo̱ chi xic riqꞌuin li rey.

Jueces 5:30

Queꞌxye re, “¿Ma incꞌaꞌ ta biꞌ yo̱queb chixjeqꞌuinquil chi ribileb rib li queꞌre̱chani saꞌ li ple̱t? Jun malaj cuib chi ixk li teꞌxcꞌul li junju̱nk chi soldado. Laj Sísara tixcꞌul li cha̱bil tꞌicr li cuan xsahob ru li nabal xbonol. Teꞌxcꞌul li tꞌicr li yi̱banbil chi us saꞌ xcaꞌ pacꞌalil eb li queꞌtaklan saꞌ xbe̱neb li soldados saꞌ li ple̱t.”

Éxodo 39:29

Queꞌxyi̱b lix bacꞌbal xsaꞌ riqꞌuin li bakbil nokꞌ lino, li nokꞌ azul, li nokꞌ púrpura, li nokꞌ cak ut queꞌxqꞌue lix sahob ru joꞌ quiyeheꞌ re laj Moisés xban li Ka̱cuaꞌ.

Éxodo 36:37

Ut queꞌxyi̱b ajcuiꞌ jun li nimla tꞌicr li teꞌxqꞌue saꞌ li oqueba̱l re li tabernáculo. Queꞌxyi̱b li tꞌicr aꞌan riqꞌuin li nokꞌ azul, li nokꞌ púrpura, ut li nokꞌ cak ut riqꞌuin li bakbil nokꞌ lino. Queꞌxqꞌue xsahob ru chi cha̱bil xyi̱banquil.

Éxodo 28:39

Li túnica te̱yi̱b riqꞌuin li cha̱bil nokꞌ lino. Joꞌcan ajcuiꞌ li mitra te̱yi̱b riqꞌuin lino. Ut te̱yi̱b ajcuiꞌ lix bacꞌbal xsaꞌ ut te̱qꞌue xsahob ru cha̱bil xyi̱banquil.

Éxodo 26:31

Te̱yi̱b ajcuiꞌ jun li nimla tꞌicr riqꞌuin li nokꞌ azul, joꞌ ajcuiꞌ púrpura ut cak ut riqꞌuin li bakbil nokꞌ lino. Ut chokꞌ xsahob ru li tꞌicr aꞌan, te̱qꞌue li querubines chiru chi cha̱bil xyi̱banquil.

Éxodo 27:15

Ut saꞌ li jun pacꞌal chic re li oqueba̱l te̱qꞌue li oxib chi okech ut oxib lix naꞌaj li te̱qꞌue cuiꞌ ut te̱letz chiru li okech aꞌan cuukub metro li tꞌicr.

Éxodo 27:17

Chixjunil li okech li te̱sut cuiꞌ li neba̱l cua̱nk lix argolla ut lix gancho yi̱banbil riqꞌuin plata ut yi̱banbilakeb riqꞌuin bronce lix naꞌajeb li teꞌqꞌuehekꞌ cuiꞌ li okech.

Números 3:26

Aꞌaneb ajcuiꞌ li teꞌilok re li tꞌicr li cuan saꞌ li neba̱l li cuan chi xjun sutam li tabernáculo ut teꞌilok re li artal, joꞌ ajcuiꞌ li tꞌicr li cuan saꞌ li oqueba̱l re li neba̱l, joꞌ eb ajcuiꞌ li cꞌa̱m ut chixjunil li cꞌaꞌak re ru li ta̱cꞌanjelak saꞌ li cꞌanjel aꞌan.