Éxodo 27:1 - Li Santil hu

¹ Ut te̱yi̱b ajcuiꞌ jun li artal riqꞌuin li cheꞌ acacia. Te̱yi̱b chi ca̱ xucu̱t. Cuib metro riqꞌuin o̱b xcaꞌcꞌa̱l centímetro xnimal li ru ut cuib metro riqꞌuin o̱b xcaꞌcꞌa̱l centímetro xnimal li rok. Ut o̱b xcaꞌcꞌa̱l centímetro li xteram.

Q'eqchi Bible

¹ “Taayiib' li artal rik'in akasya, lajeeb' k'utub' xnimal li roq ut lajeeb' k'utub' xnimal li ru; kaaxukuutaq li xq'e'am ut wan xwaq k'utub' li xteram.

Éxodo 27:1 ပူးပေါင်းရင်းမြစ်များ

Hebreos 13:10

La̱o cuan jun ka-artal. Aꞌan nak quixmayeja rib li Ka̱cuaꞌ Jesucristo chiru li cruz. Eb laj tij incꞌaꞌ naru teꞌxtzaca li mayej aꞌan joꞌ queꞌxba̱nu chak najter saꞌ li tabernáculo nak queꞌxmayeja li xul. (Naraj naxye nak li colba-ib incꞌaꞌ natauman riqꞌuin xba̱nunquil li chakꞌrab. Natauman ban riqꞌuin xpa̱banquil li Cristo.)

2 Crónicas 4:1

Ut quixyi̱b ajcuiꞌ jun li artal bronce. Bele̱b metro xnajtil rok, bele̱b metro xnajtil ru, ut ca̱hib metro riqꞌuin media metro lix najtil xteram.

2 Samuel 24:18

Saꞌ ajcuiꞌ li cutan aꞌan laj Gad quicuulac riqꞌuin laj David ut quixye re: —Tatxic saꞌ li naꞌajej li narisi cuiꞌ rix lix trigo laj Arauna laj jebuseo. Ut aran ta̱yi̱b jun li artal re xlokꞌoninquil li Ka̱cuaꞌ, chan.

Éxodo 40:29

Ut quixqꞌue li artal re li cꞌatbil mayej chiru li oqueba̱l re li tabernáculo. Ut aran quixcꞌat li mayej ut quixmayeja ajcuiꞌ li ru li acui̱mk joꞌ quiyeheꞌ re xban li Dios.

Éxodo 40:10

Ta̱yul li aceite chiru li artal re li cꞌatbil mayej. Ut ta̱yul ajcuiꞌ chiru chixjunil li nacꞌanjelac re li artal. Ta̱kꞌaxtesiheb saꞌ cuukꞌ re nak santobresinbilak chic.

Éxodo 24:4

Ut chixjunil li cꞌaꞌru quixye li Dios, quixtzꞌi̱ba retalil saꞌ jun li hu laj Moisés. Joꞌ cuulajak chic nak toj ekꞌela laj Moisés quicuacli ut quixyi̱b jun li artal saꞌ xto̱n li tzu̱l. Quixyi̱b ajcuiꞌ riqꞌuin pec cablaju li okech ut quixxakab aran. Li cablaju chi okech, aꞌan retalil li cablaju xte̱paleb aj Israel.

Éxodo 35:16

Ut teꞌxyi̱b li artal li ta̱cꞌatma̱nk cuiꞌ li mayej rochben li chꞌi̱chꞌ bronce li hopox ru. Ut teꞌxyi̱b li cheꞌ re xpakonquil, joꞌ ajcuiꞌ chixjunil li ta̱cꞌanjelak saꞌ li artal. Ut teꞌxyi̱b ajcuiꞌ li pila rochben lix cꞌochleba̱l.

Números 3:31

Saꞌ xcue̱nteb aꞌan kꞌaxtesinbil li Lokꞌlaj Ca̱x, li me̱x, lix naꞌaj li candil, eb li artal, ut li cꞌaꞌak re ru li nacꞌanjelac saꞌ li tabernáculo, joꞌ ajcuiꞌ li nimla tꞌicr li naramoc re li Lokꞌlaj Santil Naꞌajej, ut chixjunil li nacꞌanjelac saꞌ li Santil Naꞌajej.

Números 4:13

Teꞌrisi li cha saꞌ li artal li yi̱banbil riqꞌuin bronce ut teꞌxqꞌue saꞌ xbe̱n li artal jun li tꞌicr púrpura.

2 Reyes 16:14

Quirisi saꞌ xnaꞌaj li artal li yi̱banbil riqꞌuin bronce li cuan chiru lix templo li Ka̱cuaꞌ ut quixqꞌue chixcꞌatk li artal li toj quixyi̱b laj Urías saꞌ li norte. Li artal bronce quicana saꞌ xyi li acꞌ artal ut lix templo li Ka̱cuaꞌ.

1 Crónicas 6:49

Laj Aarón ut eb li ralal xcꞌajol queꞌxcꞌat li incienso ut queꞌxcꞌat ajcuiꞌ li mayej saꞌ xbe̱n li artal li quicꞌateꞌ cuiꞌ li cꞌatbil mayej. Aꞌaneb li queꞌcꞌanjelac saꞌ li Lokꞌlaj Santil Naꞌajej. Queꞌxqꞌue li mayej re xtzꞌa̱manquil xcuybal xma̱queb laj Israel chiru li Ka̱cuaꞌ. Queꞌxba̱nu chixjunil joꞌ chanru quiyeheꞌ re laj Moisés xban li Ka̱cuaꞌ.

Esdras 3:2

Ut laj Jesúa, li ralal laj Josadac, ut eb laj tij, lix comoneb, ut laj Zorobabel ralal laj Salatiel rochbeneb lix comoneb queꞌoc chixyi̱banquil lix artal li Ka̱cuaꞌ lix Dioseb laj Israel re teꞌxmayeja cuiꞌ li xul joꞌ tzꞌi̱banbil saꞌ li chakꞌrab li quiqꞌueheꞌ re laj Moisés laj cꞌanjel chiru li Dios.

Éxodo 17:15

Laj Moisés quixyi̱b jun li artal ut quixqꞌue chokꞌ xcꞌabaꞌ Jehová-nisi. Li cꞌabaꞌej aꞌan naraj naxye: “li Ka̱cuaꞌ Dios naxqꞌue kacuanquil”.

Éxodo 31:9

Ut teꞌxyi̱b li artal li teꞌxcꞌat cuiꞌ li xul li teꞌxmayeja. Teꞌxyi̱b ajcuiꞌ chixjunil li ta̱cꞌanjelak saꞌ li artal. Ut teꞌxyi̱b ajcuiꞌ li pila joꞌ ajcuiꞌ li xnaꞌaj li teꞌxqꞌue cuiꞌ.

Éxodo 39:39

Queꞌxkꞌaxtesi ajcuiꞌ li artal yi̱banbil riqꞌuin bronce, rochben li chꞌi̱chꞌ li hopox ru li yi̱banbil riqꞌuin bronce joꞌ ajcuiꞌ li cheꞌ re xpakonquil, joꞌ ajcuiꞌ chixjunil li ta̱cꞌanjelak saꞌ li artal, joꞌ ajcuiꞌ li pila ut lix naꞌaj li teꞌxqꞌue cuiꞌ.

Éxodo 40:6

Li artal re xcꞌatbal li mayej te̱qꞌue chiru li oqueba̱l re li tabernáculo.

Números 4:14

Teꞌxqꞌue saꞌ xbe̱n li artal chixjunil li cꞌaꞌak re ru li nacꞌanjelac nak nequeꞌmayejac chiru li artal joꞌ lix naꞌaj li xam, li chꞌi̱chꞌ li nequeꞌxchap cuiꞌ li tib, li pala chꞌi̱chꞌ ut li ucꞌal. Ut teꞌxtzꞌap xbe̱n riqꞌuin li rix li tzꞌiꞌ haꞌ ut teꞌxqꞌue saꞌ xnaꞌajeb li cheꞌ li nequeꞌxpako cuiꞌ.