Éxodo 26:36 - Li Santil hu

³⁶ Ut te̱yi̱b jun chic li nimla tꞌicr li ta̱cꞌanjelak chokꞌ xpuertil li tabernáculo. Te̱yi̱b li tꞌicr aꞌan riqꞌuin li nokꞌ azul, púrpura ut cak ut riqꞌuin li bakbil nokꞌ lino. Te̱qꞌue xsahob ru chi cha̱bil xyi̱banquil.

Q'eqchi Bible

³⁶ “Taayiib' ajwi' chi pikb'il jun li t'ikr rik'in kaqinoq' jo'wi' moraad, rik'in kaqjorinkil noq' ut b'aqb'il liin li jwal chaab'il cho'q re rokeb'aal li Muheb'aal.

Éxodo 26:36 ပူးပေါင်းရင်းမြစ်များ

Éxodo 36:37

Ut queꞌxyi̱b ajcuiꞌ jun li nimla tꞌicr li teꞌxqꞌue saꞌ li oqueba̱l re li tabernáculo. Queꞌxyi̱b li tꞌicr aꞌan riqꞌuin li nokꞌ azul, li nokꞌ púrpura, ut li nokꞌ cak ut riqꞌuin li bakbil nokꞌ lino. Queꞌxqꞌue xsahob ru chi cha̱bil xyi̱banquil.

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

San Juan 10:9

La̱in li oqueba̱l. Chixjunileb li nequeꞌpa̱ban cue la̱in, teꞌcolekꞌ ut la̱in tin-ilok reheb. Chanchaneb li carner li nequeꞌoc ut nequeꞌel ut nequeꞌxtau lix cuaheb.

Salmos 78:60

Ut quixtzꞌekta̱na ajcuiꞌ li tabernáculo li quixakaba̱c aran Silo, li naꞌajej li quiqꞌueheꞌ cuiꞌ xlokꞌal xbaneb laj Israel.

2 Samuel 7:6

Relic chi ya̱l nak la̱in incꞌaꞌ xincuan saꞌ junak cha̱bil cab chalen saꞌ li cutan nak quicuisiheb lin tenamit aran Egipto toj chalen anakcuan. Nincuan ban saꞌ li tabernáculo, li muheba̱l yi̱banbil riqꞌuin tꞌicr.

Números 9:15

Saꞌ li cutan nak quixakaba̱c li tabernáculo, quitzꞌapeꞌ xban jun li chok. Chalen saꞌ li ecuu toj nasake̱u li chok cuan saꞌ xbe̱n. Ut li chok chanchan xam.

Números 3:25

Eb li ralal xcꞌajol laj Gersón, aꞌaneb li teꞌilok re li tabernáculo ut li tzꞌu̱m li natzꞌapoc re, joꞌ ajcuiꞌ li tꞌicr li cuan saꞌ li oqueba̱l.

Éxodo 39:33

Ut queꞌxkꞌaxtesi re laj Moisés chixjunil li cꞌaꞌru ta̱cꞌanjelak re xyi̱banquil li tabernáculo. Queꞌxkꞌaxtesi re chixjunil li ta̱cꞌanjelak saꞌ li tabernáculo joꞌ li gancho, joꞌqueb ajcuiꞌ li tzꞌalam cheꞌ ut li cheꞌ li teꞌxqꞌue chi kꞌekꞌo, joꞌ ajcuiꞌ li okech ut lix naꞌajeb li teꞌxqꞌue cuiꞌ.

Éxodo 35:11

Teꞌxyi̱b chixjunil li ta̱cꞌanjelak re li tabernáculo. Teꞌxyi̱b li lokꞌlaj muheba̱l joꞌ ajcuiꞌ li ta̱oc saꞌ xbe̱n. Teꞌxyi̱b li ganchos ut li tzꞌalam cheꞌ ut li cheꞌ li na-oc chi kꞌekꞌo, joꞌ ajcuiꞌ li okech ut lix naꞌajeb li teꞌqꞌuehekꞌ cuiꞌ.

Éxodo 26:31

Te̱yi̱b ajcuiꞌ jun li nimla tꞌicr riqꞌuin li nokꞌ azul, joꞌ ajcuiꞌ púrpura ut cak ut riqꞌuin li bakbil nokꞌ lino. Ut chokꞌ xsahob ru li tꞌicr aꞌan, te̱qꞌue li querubines chiru chi cha̱bil xyi̱banquil.

Éxodo 27:16

Ut saꞌ li oqueba̱l re li neba̱l te̱qꞌue bele̱b metro li tꞌicr yi̱banbil riqꞌuin li nokꞌ azul, li nokꞌ púrpura ut li nokꞌ cak ut riqꞌuin li bakbil nokꞌ lino. Cha̱bil xyi̱banquil lix sahob ru te̱qꞌue. Ut te̱yi̱b ca̱hib li okech ut ca̱hib lix naꞌaj li te̱qꞌue cuiꞌ.

Éxodo 28:39

Li túnica te̱yi̱b riqꞌuin li cha̱bil nokꞌ lino. Joꞌcan ajcuiꞌ li mitra te̱yi̱b riqꞌuin lino. Ut te̱yi̱b ajcuiꞌ lix bacꞌbal xsaꞌ ut te̱qꞌue xsahob ru cha̱bil xyi̱banquil.

Éxodo 38:18

Cha̱bil xyi̱banquil li tꞌicr li teꞌxqꞌue saꞌ li oqueba̱l re li neba̱l. Queꞌxyi̱b riqꞌuin li nokꞌ azul, li nokꞌ púrpura ut li nokꞌ cak, joꞌ ajcuiꞌ li bakbil nokꞌ lino. Bele̱b metro xnimal rok li tꞌicr ut cuib metro riqꞌuin o̱b xcaꞌcꞌa̱l (25) centímetro lix teram. Juntakꞌe̱t xteram riqꞌuin li tꞌicr re li neba̱l.

Éxodo 39:29

Queꞌxyi̱b lix bacꞌbal xsaꞌ riqꞌuin li bakbil nokꞌ lino, li nokꞌ azul, li nokꞌ púrpura, li nokꞌ cak ut queꞌxqꞌue lix sahob ru joꞌ quiyeheꞌ re laj Moisés xban li Ka̱cuaꞌ.

Ezequiel 16:10

La̱in quinqꞌue la̱ cuakꞌ li qꞌuebil xsahob ru ut quinqꞌue la̱ xa̱b cha̱bil. Ut quinqꞌue jun xcꞌa̱mal a̱saꞌ yi̱banbil riqꞌuin li tꞌicr lino. Catintikib riqꞌuin li cha̱bil akꞌej terto xtzꞌak.

Éxodo 28:15

Ut te̱yi̱b ajcuiꞌ li pectoral li nequeꞌxqꞌue chire xchꞌo̱l retalil li ti̱quilal. Te̱yi̱b chi cha̱bil xyi̱banquil joꞌ nak te̱yi̱b li efod. Yi̱banbilak riqꞌuin oro, ut riqꞌuin li nokꞌ azul, li nokꞌ púrpura ut li nokꞌ cak ut li bakbil nokꞌ lino.

Éxodo 35:15

Teꞌxyi̱b li artal li teꞌxcꞌat cuiꞌ li incienso joꞌ ajcuiꞌ li cheꞌ re xpakonquil. Teꞌxyi̱b li aceite li teꞌxqꞌue saꞌ xbe̱neb li teꞌkꞌaxtesi̱k chi cꞌanjelac chicuu ut teꞌxyi̱b ajcuiꞌ li sununquil incienso ut li tꞌicr li ta̱qꞌuehekꞌ chiru li oqueba̱l re li tabernáculo.

Éxodo 40:5

Li artal oro, li re cꞌatoc pom, te̱qꞌue chiru li tꞌicr li naramoc re li Lokꞌlaj Ca̱x. Ut te̱tzꞌap li oqueba̱l re li tabernáculo riqꞌuin junak nimla tꞌicr.