Éxodo 26:31 - Li Santil hu

³¹ Te̱yi̱b ajcuiꞌ jun li nimla tꞌicr riqꞌuin li nokꞌ azul, joꞌ ajcuiꞌ púrpura ut cak ut riqꞌuin li bakbil nokꞌ lino. Ut chokꞌ xsahob ru li tꞌicr aꞌan, te̱qꞌue li querubines chiru chi cha̱bil xyi̱banquil.

Q'eqchi Bible

³¹ “Taayiib' jun li t'ikr rik'in kaqinoq' ut moraad, rik'in kaqjorinkil noq' ut b'aqb'il liin li jwal chaab'il; ut taayiib' chi pikb'il wiib' kerubín li te'wanq chiru.

Éxodo 26:31 ပူးပေါင်းရင်းမြစ်များ

San Mateo 27:51

Ut li tꞌicr li cuan chokꞌ tas saꞌ li Santil Naꞌajej saꞌ li rochoch li Dios quikꞌicheꞌ saꞌ xyi. Quiticla chak takecꞌ ut toj takꞌa coxrakeꞌ lix kꞌichilal. Caꞌ jachal qui-el. Qui-ecꞌan li chꞌochꞌ ut eb li sako̱nac quilajeꞌitzꞌeꞌ.

2 Crónicas 3:14

Ut quixyi̱b ajcuiꞌ li nimla tꞌicr li ta̱ramok re lix Lokꞌlaj Santil Naꞌajej riqꞌuin li nokꞌ azul, joꞌ ajcuiꞌ púrpura ut cak. Yi̱banbil riqꞌuin li bakbil nokꞌ lino. Chokꞌ xsahob ru quixqꞌue retalil li querubines chiru.

Éxodo 36:35

Ut queꞌxyi̱b li tꞌicr li ta̱oc chokꞌ tas. Queꞌxyi̱b riqꞌuin li nokꞌ azul, li nokꞌ púrpura ut li nokꞌ cak, ut riqꞌuin li bakbil nokꞌ lino. Ut chokꞌ xsahob ru li tꞌicr aꞌan, queꞌxqꞌue li querubines chiru chi cha̱bil xyi̱banquil.

Levítico 16:2

Li Dios quixye re laj Moisés: —Ye re laj Aarón la̱ cuas nak incꞌaꞌ naru ta̱oc yalak jokꞌe cuan cuiꞌ li Lokꞌlaj Ca̱x. Cui na-oc yalak jokꞌe, naru nacam xban nak aran ninhilan la̱in saꞌ li chanchan chok saꞌ xbe̱n lix tzꞌapbal re li Lokꞌlaj Ca̱x li nacuyeꞌ cuiꞌ li ma̱c.

Éxodo 36:8

Ut eb li nequeꞌxnau yi̱ba̱nc tꞌicr chi us saꞌ xya̱nkeb li yo̱queb chi cꞌanjelac queꞌxyi̱b li tabernáculo riqꞌuin laje̱b chi tꞌicr. Queꞌxyi̱b riqꞌuin li cha̱bil bakbil nokꞌ lino ut riqꞌuin li nokꞌ azul, li nokꞌ púrpura ut li nokꞌ cak. Ut queꞌxqꞌue li querubines chiru li tꞌicr aꞌan chokꞌ xsahob ru chi cha̱bil xyi̱banquil.

Éxodo 26:1

Ta̱yi̱b li laje̱b li ni̱nki tꞌicr re xtzꞌapbal ru li tabernáculo riqꞌuin li bakbil nokꞌ lino, li nokꞌ azul, joꞌ ajcuiꞌ púrpura ut cak. Ut te̱qꞌue querubines chiru li tꞌicr aꞌan chokꞌ xsahob ru chi cha̱bil xyi̱banquil.

Efesios 2:14

Li Cristo, aꞌan li naqꞌuehoc ke li tuktu̱quil usilal. Xban li Cristo junaj chic ku la̱o aj judío e̱riqꞌuin la̱ex li ma̱cuaꞌex aj judío. Xban nak quixmayeja rib saꞌ kacꞌabaꞌ, li Cristo quirisi li kajoskꞌil li naramoc re chiku li cua̱nc saꞌ xya̱lal chi kibil kib.

San Marcos 15:38

Ut lix tꞌicrul li rochoch li Dios quikꞌicheꞌ, ut lix pejelal quiticla chak takecꞌ ut toj takꞌa coxrakeꞌ. Caꞌ jachal qui-el.

Cantares 7:1

At cuixakil, cꞌajoꞌ xchꞌinaꞌusal la̱ cuok saꞌ la̱ xa̱b. Ut la̱ cuaꞌ chꞌinaꞌuseb. Chanchaneb li terto̱quil pec yi̱banbil chi cha̱bil xbaneb li tzolbileb chixcꞌanjelanquil li cha̱bil pec.

Salmos 137:5

Cui ta̱sachk saꞌ inchꞌo̱l li tenamit Jerusalén, kꞌaxal us raj chokꞌ cue nak ta̱chakik lin nim ukꞌ re nak incꞌaꞌ chic tinchꞌeꞌ li arpa.

Levítico 16:15

Ut chirix aꞌan ta̱xic chixcamsinquil li te̱lom chiba̱t re xtzꞌa̱manquil xcuybal lix ma̱queb li tenamit. Tixcꞌam lix quiqꞌuel ut ta̱xic cuiꞌchic jun pacꞌal li nimla tꞌicr saꞌ li naꞌajej li cuan cuiꞌ li Lokꞌlaj Ca̱x. Tixrachrachi li quicꞌ saꞌ xbe̱n lix tzꞌapbal re li Lokꞌlaj Ca̱x joꞌ ajcuiꞌ chiru. Tixba̱nu joꞌ quixba̱nu riqꞌuin lix quiqꞌuel li toro.

Éxodo 40:21

Laj Moisés quirocsi li Lokꞌlaj Ca̱x chi saꞌ li tabernáculo ut quixqꞌue jun li nimal tꞌicr re xrambal li Lokꞌlaj Ca̱x. Quixba̱nu joꞌ quixye li Dios.

Éxodo 40:3

Chi saꞌ li tabernáculo te̱qꞌue li Lokꞌlaj Ca̱x li cꞌu̱lanbil cuiꞌ li laje̱b chi chakꞌrab. Ut te̱tas xsaꞌ riqꞌuin jun li tꞌicr re xrambal li Lokꞌlaj Ca̱x.

Éxodo 38:23

Laj Aholiab, aꞌan li quitenkꞌan re laj Bezaleel. Laj Aholiab, aꞌan li ralal laj Ahisamac xcomoneb li ralal xcꞌajol laj Dan. Aꞌan aj tenol chꞌi̱chꞌ ut naxnau ajcuiꞌ quemoc tꞌicr. Ut naxnau xqꞌuebal xsahob ru li tꞌicr riqꞌuin li cha̱bil lino, ut li nokꞌ azul, li nokꞌ púrpura ut li nokꞌ cak.

Éxodo 35:35

Quixqꞌue xnaꞌlebeb chixba̱nunquil chixjunil li cꞌanjel chi cha̱bil ut chi chꞌinaꞌus ut quixqꞌue ajcuiꞌ xnaꞌlebeb re xcꞌoxlanquil chanru teꞌxba̱nu. Nequeꞌxnau xyi̱banquil lix sahob ru li tꞌicr riqꞌuin li nokꞌ azul, li nokꞌ púrpura ut li nokꞌ cak joꞌ ajcuiꞌ li cha̱bil nokꞌ lino. Nequeꞌxnau ajcuiꞌ quemoc ut xcꞌoxlanquil chanru xqꞌuebal lix sahob ru.

Éxodo 35:25

Ut chixjunileb li ixk li queꞌxnau quemoc, queꞌxquem li tꞌicr riqꞌuin li nokꞌ azul, li nokꞌ púrpura ut li nokꞌ cak ut li cha̱bil nokꞌ lino ut queꞌxqꞌue chokꞌ xmayejeb.

Éxodo 35:6

li tꞌicr azul, li tꞌicr púrpura, ut li tꞌicr cak joꞌ ajcuiꞌ li cha̱bil tꞌicr lino ut li tꞌicr yi̱banbil riqꞌuin li rismal li chiba̱t.

Éxodo 28:15

Ut te̱yi̱b ajcuiꞌ li pectoral li nequeꞌxqꞌue chire xchꞌo̱l retalil li ti̱quilal. Te̱yi̱b chi cha̱bil xyi̱banquil joꞌ nak te̱yi̱b li efod. Yi̱banbilak riqꞌuin oro, ut riqꞌuin li nokꞌ azul, li nokꞌ púrpura ut li nokꞌ cak ut li bakbil nokꞌ lino.

Éxodo 25:18

Ut te̱yi̱b cuib li querubines chanchaneb li ángel riqꞌuin oro tenbil riqꞌuin martillo. Ut te̱qꞌue saꞌ xbe̱n lix tzꞌapbal re li ca̱x, junju̱nk saꞌ li ju̱nk pacꞌal.

Éxodo 25:4

li tꞌicr azul, li tꞌicr púrpura, li tꞌicr cak, li cha̱bil tꞌicr lino, joꞌ ajcuiꞌ li tꞌicr yi̱banbil riqꞌuin li rismal li chiba̱t,

San Lucas 23:45

Nak quikꞌojyi̱noꞌ ru li sakꞌe, lix tꞌicrul li templo quikꞌicheꞌ saꞌ xyi.

Éxodo 26:32

Te̱letz ca̱hib li gancho oro chiru li okech ca̱hib yi̱banbil riqꞌuin li cheꞌ acacia. Ut chiru li gancho aꞌan te̱qꞌue li nimla tꞌicr. Te̱letz li oro chirixeb li okech. Ut te̱yi̱b ajcuiꞌ riqꞌuin plata ca̱hib xnaꞌaj li okech.

Éxodo 27:21

Laj Aarón rochbeneb li ralal, aꞌaneb li teꞌilok re li candelero li cuan saꞌ li Santil Naꞌajej, li cuan chiru li tas li naramoc re li Lokꞌlaj Santil Naꞌajej, li cuan cuiꞌ li Lokꞌlaj Ca̱x. Teꞌril nak junelic lochlo̱k chiru li Ka̱cuaꞌ lix xamlel li candelero. Li chakꞌrab aꞌin tenebanbil saꞌ xbe̱neb laj Israel joꞌqueb ajcuiꞌ li ralal xcꞌajoleb re nak joꞌcan teꞌxba̱nu junelic.

Éxodo 36:36

Ut queꞌxyi̱b ca̱hib li okech riqꞌuin li cheꞌ acacia ut queꞌxqꞌue oro chirix. Queꞌxletz ca̱hib li gancho oro chiru li okech ca̱hib. Chiru li gancho aꞌan teꞌxqꞌue li nimla tꞌicr. Ut queꞌxyi̱b ajcuiꞌ riqꞌuin plata ca̱hib xnaꞌaj li okech.

Éxodo 27:16

Ut saꞌ li oqueba̱l re li neba̱l te̱qꞌue bele̱b metro li tꞌicr yi̱banbil riqꞌuin li nokꞌ azul, li nokꞌ púrpura ut li nokꞌ cak ut riqꞌuin li bakbil nokꞌ lino. Cha̱bil xyi̱banquil lix sahob ru te̱qꞌue. Ut te̱yi̱b ca̱hib li okech ut ca̱hib lix naꞌaj li te̱qꞌue cuiꞌ.

Éxodo 35:12

Teꞌxyi̱b li Lokꞌlaj Ca̱x ut li cheꞌ re xpakonquil ut teꞌxyi̱b ajcuiꞌ lix tzꞌapbal re joꞌ ajcuiꞌ li tꞌicr li ta̱cꞌanjelak chokꞌ tas.

Números 4:5

Nak oqueb re chixjalbal lix naꞌajeb laj Israel, laj Aarón ut eb li ralal teꞌoc chi saꞌ li tabernáculo ut teꞌrisi li nimla tꞌicr. Riqꞌuin aꞌan teꞌxtzꞌap li Lokꞌlaj Ca̱x li cuan cuiꞌ lix contrato li Ka̱cuaꞌ.