Éxodo 26:1 - Li Santil hu

¹ Ta̱yi̱b li laje̱b li ni̱nki tꞌicr re xtzꞌapbal ru li tabernáculo riqꞌuin li bakbil nokꞌ lino, li nokꞌ azul, joꞌ ajcuiꞌ púrpura ut cak. Ut te̱qꞌue querubines chiru li tꞌicr aꞌan chokꞌ xsahob ru chi cha̱bil xyi̱banquil.

Q'eqchi Bible

¹ “Taayiib' li Loq'laj Muheb'aal rik'in lajeeb' chi ninqi t'ikr kemb'ileb' rik'in b'aqb'il liin li jwal chaab'il, rik'in kaqinoq' ut moraad, ut rik'in kaqjorinkil noq'; ut taayiib' chi pikb'il wiib' kerubín chiruheb'.

Éxodo 26:1 ပူးပေါင်းရင်းမြစ်များ

Éxodo 26:36

Ut te̱yi̱b jun chic li nimla tꞌicr li ta̱cꞌanjelak chokꞌ xpuertil li tabernáculo. Te̱yi̱b li tꞌicr aꞌan riqꞌuin li nokꞌ azul, púrpura ut cak ut riqꞌuin li bakbil nokꞌ lino. Te̱qꞌue xsahob ru chi cha̱bil xyi̱banquil.

Éxodo 36:35

Ut queꞌxyi̱b li tꞌicr li ta̱oc chokꞌ tas. Queꞌxyi̱b riqꞌuin li nokꞌ azul, li nokꞌ púrpura ut li nokꞌ cak, ut riqꞌuin li bakbil nokꞌ lino. Ut chokꞌ xsahob ru li tꞌicr aꞌan, queꞌxqꞌue li querubines chiru chi cha̱bil xyi̱banquil.

Éxodo 26:31

Te̱yi̱b ajcuiꞌ jun li nimla tꞌicr riqꞌuin li nokꞌ azul, joꞌ ajcuiꞌ púrpura ut cak ut riqꞌuin li bakbil nokꞌ lino. Ut chokꞌ xsahob ru li tꞌicr aꞌan, te̱qꞌue li querubines chiru chi cha̱bil xyi̱banquil.

Éxodo 25:18

Ut te̱yi̱b cuib li querubines chanchaneb li ángel riqꞌuin oro tenbil riqꞌuin martillo. Ut te̱qꞌue saꞌ xbe̱n lix tzꞌapbal re li ca̱x, junju̱nk saꞌ li ju̱nk pacꞌal.

Apocalipsis 21:3

Ut quicuabi jun yo̱ chak chi a̱tinac cuan cuiꞌ li cꞌojariba̱l ut quixye chi cau xya̱b xcux: —Anakcuan ta̱cua̱nk li Dios riqꞌuineb li cristian. Aꞌanakeb li ralal xcꞌajol. Li Dios ta̱cua̱nk riqꞌuineb. Aꞌanak lix Dioseb.

Apocalipsis 19:8

Quiqꞌueheꞌ li cha̱bil lino re xtikibanquil rib. Sak ru li rakꞌ ut nalemtzꞌun. Li saki lino aꞌan retalil lix ti̱quilal xchꞌo̱leb li ralal xcꞌajol li Dios.

Hebreos 9:9

Chixjunil aꞌin, aꞌan jun retalil chokꞌ ke anakcuan nak junxil quilajeꞌmayejac. Aban li cꞌatbil mayej ut li cꞌaꞌak chic re ru chi mayejil incꞌaꞌ quirisi lix ma̱queb.

Hebreos 8:2

Li Jesucristo nacꞌanjelac saꞌ li Santil Naꞌajej saꞌ choxa li yi̱banbil xban li Dios, ut ma̱cuaꞌ saꞌ li naꞌajej yi̱banbil xbaneb li cui̱nk.

San Juan 2:21

Abanan li Jesús incꞌaꞌ yo̱ chi a̱tinac chirix li templo. Yo̱ ban chi a̱tinac chirix lix camic ut lix cuaclijic cuiꞌchic chi yoꞌyo.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

1 Crónicas 21:29

Lix tabernáculo li Ka̱cuaꞌ li quixyi̱b laj Moisés saꞌ li chaki chꞌochꞌ joꞌ ajcuiꞌ li artal li naqꞌueman cuiꞌ li cꞌatbil mayej, toj cuan chak saꞌ li tzu̱l li cuan Gabaón.

1 Crónicas 17:1

Li rey David ac cuan chic saꞌ rochoch nak quixye re li profeta Natán: —¡Qꞌue retal! La̱in cuanquin saꞌ cha̱bil cab yi̱banbil riqꞌuin li cheꞌ chacalteꞌ. Abanan li muheba̱l li cuan cuiꞌ lix Lokꞌlaj Ca̱x li Ka̱cuaꞌ, aꞌan yal riqꞌuin tꞌicr yi̱banbil, chan.

Éxodo 40:2

—Saꞌ xticlajic li xbe̱n po re li chihab te̱yi̱b li tabernáculo. Ut aran te̱chꞌutub e̱rib re tine̱lokꞌoni.

Éxodo 35:35

Quixqꞌue xnaꞌlebeb chixba̱nunquil chixjunil li cꞌanjel chi cha̱bil ut chi chꞌinaꞌus ut quixqꞌue ajcuiꞌ xnaꞌlebeb re xcꞌoxlanquil chanru teꞌxba̱nu. Nequeꞌxnau xyi̱banquil lix sahob ru li tꞌicr riqꞌuin li nokꞌ azul, li nokꞌ púrpura ut li nokꞌ cak joꞌ ajcuiꞌ li cha̱bil nokꞌ lino. Nequeꞌxnau ajcuiꞌ quemoc ut xcꞌoxlanquil chanru xqꞌuebal lix sahob ru.

Éxodo 35:6

li tꞌicr azul, li tꞌicr púrpura, ut li tꞌicr cak joꞌ ajcuiꞌ li cha̱bil tꞌicr lino ut li tꞌicr yi̱banbil riqꞌuin li rismal li chiba̱t.

Éxodo 25:8

Ut te̱yi̱b junak li muheba̱l re nak ta̱ru̱k tincua̱nk aran saꞌ e̱ya̱nk.

Éxodo 25:4

li tꞌicr azul, li tꞌicr púrpura, li tꞌicr cak, li cha̱bil tꞌicr lino, joꞌ ajcuiꞌ li tꞌicr yi̱banbil riqꞌuin li rismal li chiba̱t,

Hebreos 9:2

Joꞌcaꞌin nak yi̱banbil li naꞌajej. Tasbil saꞌ xyi riqꞌuin jun nimla tꞌicr. Saꞌ li xbe̱n tasal cuan li candil cuukub xxamlel ut cuan ajcuiꞌ li me̱x bar naqꞌueman cuiꞌ li mayejanbil caxlan cua. Li xbe̱n tasal aꞌan Santil Naꞌajej xcꞌabaꞌ.

Éxodo 26:2

Li laje̱b chi tꞌicr aꞌin li te̱yi̱b, juntakꞌe̱t xni̱nkal te̱qꞌue. Cablaju metro riqꞌuin media xni̱nkal rok li junju̱nk. Ut cuib metro li xni̱nkal ru li junju̱nk.

Éxodo 35:11

Teꞌxyi̱b chixjunil li ta̱cꞌanjelak re li tabernáculo. Teꞌxyi̱b li lokꞌlaj muheba̱l joꞌ ajcuiꞌ li ta̱oc saꞌ xbe̱n. Teꞌxyi̱b li ganchos ut li tzꞌalam cheꞌ ut li cheꞌ li na-oc chi kꞌekꞌo, joꞌ ajcuiꞌ li okech ut lix naꞌajeb li teꞌqꞌuehekꞌ cuiꞌ.

Números 3:25

Eb li ralal xcꞌajol laj Gersón, aꞌaneb li teꞌilok re li tabernáculo ut li tzꞌu̱m li natzꞌapoc re, joꞌ ajcuiꞌ li tꞌicr li cuan saꞌ li oqueba̱l.

2 Samuel 7:2

Laj David quixye re li profeta Natán: —¡Qꞌue retal! La̱in cuanquin saꞌ cha̱bil cab yi̱banbil riqꞌuin li cheꞌ chacalteꞌ. Abanan li muheba̱l li cuan cuiꞌ lix Lokꞌlaj Ca̱x li Ka̱cuaꞌ, aꞌan yal riqꞌuin tꞌicr yi̱banbil, chan.

Éxodo 31:7

Teꞌxyi̱b li tabernáculo, joꞌ ajcuiꞌ li Lokꞌlaj Ca̱x, ut lix tzꞌapbal, joꞌ ajcuiꞌ chixjunil li ta̱cꞌanjelak saꞌ li tabernáculo.

Éxodo 39:3

Queꞌxten li oro. Chanchan li nokꞌ nak queꞌxset chi cocꞌ ru re teꞌxqꞌue xsahob ru li tꞌicr yi̱banbil riqꞌuin lino ut riqꞌuin li nokꞌ azul, li nokꞌ púrpura ut li nokꞌ cak, ut cha̱bil nak queꞌxyi̱b.

Números 4:25

Aꞌaneb li teꞌcꞌamok re li tabernáculo ut lix tꞌicrul li tabernáculo joꞌ ajcuiꞌ li tꞌicr li nequeꞌxqꞌue saꞌ xbe̱n. Ut teꞌxcꞌam ajcuiꞌ li rix li tzꞌiꞌ haꞌ ut li ni̱nki tꞌicr li nacuan saꞌ li oqueba̱l re li tabernáculo.

1 Reyes 6:29

Queꞌxyi̱b ajcuiꞌ xsahob ru li templo chiruheb li tzꞌac joꞌ chi saꞌ joꞌ chirix. Chanchaneb li querubín ut li cheꞌ palmera joꞌ ajcuiꞌ li utzꞌuꞌuj.