Éxodo 25:8 - Li Santil hu

⁸ Ut te̱yi̱b junak li muheba̱l re nak ta̱ru̱k tincua̱nk aran saꞌ e̱ya̱nk.

Q'eqchi Bible

⁸ Taayiib' jun inSantil Na'ajej re naq tinhilanq sa' xyanqeb'.

Éxodo 25:8 ပူးပေါင်းရင်းမြစ်များ

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

Apocalipsis 21:3

Ut quicuabi jun yo̱ chak chi a̱tinac cuan cuiꞌ li cꞌojariba̱l ut quixye chi cau xya̱b xcux: —Anakcuan ta̱cua̱nk li Dios riqꞌuineb li cristian. Aꞌanakeb li ralal xcꞌajol. Li Dios ta̱cua̱nk riqꞌuineb. Aꞌanak lix Dioseb.

1 Reyes 6:13

La̱in tincua̱nk saꞌ li templo aꞌin saꞌ xya̱nkeb laj Israel lin tenamit. Ut incꞌaꞌ tincanabeb xjuneseb, chan li Ka̱cuaꞌ.

Éxodo 29:45

La̱in tincua̱nk riqꞌuineb li ralal xcꞌajol laj Israel ut La̱inak lix Dioseb.

Zacarías 2:10

Li Ka̱cuaꞌ quixye: —Bichankex chi sa saꞌ e̱chꞌo̱l la̱ex aj Jerusalén xban nak la̱in tincua̱nk e̱riqꞌuin, chan.

Hebreos 3:6

Aban li Ka̱cuaꞌ Jesucristo, aꞌan tzꞌakal Ralal li Dios ut cuan xcuanquil chi takla̱nc saꞌ xbe̱neb li ralal xcꞌajol li Dios. La̱o li ralal xcꞌajol li Dios cui caꞌaj cuiꞌ riqꞌuin li Dios nocoyoꞌonin ut cauhak kachꞌo̱l saꞌ li kapa̱ba̱l toj saꞌ rosoꞌjic li cutan.

Zacarías 8:3

La̱in tincꞌameb cuiꞌchic lin tenamit Jerusalén saꞌ usilal ut tincua̱nk riqꞌuineb. “Tenamit Ti̱c Xchꞌo̱l” ta̱yehekꞌ reheb. Lix tzu̱l li Dios li cuan cuiꞌ li templo “Santil Tzu̱l” tixcꞌabaꞌin.—

Isaías 12:6

Chisahokꞌ taxak saꞌ e̱chꞌo̱l ut chexbicha̱nk la̱ex li cuanquex Sión xban nak kꞌaxal nim xcuanquil li Dios Santo, lix Dioseb laj Israel, li cuan e̱riqꞌuin.—

Números 5:3

Teꞌrisi chixjunileb saꞌ li naꞌajej li cuan cuiꞌ lix muheba̱leb, usta cui̱nk usta ixk, re nak incꞌaꞌ teꞌxmux ru li naꞌajej li ninhilan cuiꞌ la̱in, chan li Ka̱cuaꞌ.

Levítico 21:12

Chi moco ta̱e̱lk saꞌ li tabernáculo, chi moco tixmux ru, xban nak aꞌan sicꞌbil ru chi cꞌanjelac chicuu la̱in li Ka̱cuaꞌ lix Dios ut qꞌuebil li aceite saꞌ xjolom. La̱in li Ka̱cuaꞌ xinyehoc re aꞌin.

Levítico 4:6

Tixtzꞌa li ruꞌuj rukꞌ saꞌ li quicꞌ ut chiru li Ka̱cuaꞌ tixrach cuukub sut nachꞌ riqꞌuin li tꞌicr li naramoc re li Lokꞌlaj Santil Naꞌajej.

Éxodo 15:2

Li Ka̱cuaꞌ Dios naxqꞌue incuanquilal. Xban aꞌan ninbichan. Li Dios aꞌan quinixcol. Aꞌan lin Dios ut aꞌan tinlokꞌoni. Aꞌan ajcuiꞌ lix Dios lin yucuaꞌ ut aꞌan tinnima ru.

Levítico 10:4

Laj Moisés quixbokeb laj Misael ut laj Elzafán, eb li ralal laj Uziel. Laj Uziel, aꞌan li rican laj Aarón. Laj Moisés quixye reheb: —Quimkex ut isihomak le̱ camenak saꞌ li tabernáculo. Cꞌamomak toj chirix li naꞌajej li cuanqueb cuiꞌ li kamuheba̱l, chan.

Hechos 7:44

Eb li kaxeꞌto̱nil yucuaꞌ queꞌxyi̱b ajcuiꞌ chak li tabernáculo nak yo̱queb chak chi numecꞌ saꞌ li chaki chꞌochꞌ ut aran xocxo li chakꞌrab. Queꞌxyi̱b joꞌ li retalil li quicꞌuteꞌ chiru laj Moisés xban li Dios.

Éxodo 29:46

Ut eb aꞌan teꞌxnau nak la̱in li Ka̱cuaꞌ lix Dioseb aꞌan. La̱in quin-isin chak reheb saꞌ li naꞌajej Egipto re tincua̱nk riqꞌuineb. La̱in li Ka̱cuaꞌ lix Dioseb.

Levítico 26:11

La̱in tincua̱nk saꞌ e̱ya̱nk ut incꞌaꞌ texintzꞌekta̱na.

Deuteronomio 12:11

Li Ka̱cuaꞌ le̱ Dios tixsicꞌ ru jun li naꞌajej li ta̱lokꞌoni̱k cuiꞌ. Ut la̱ex te̱cꞌam aran le̱ mayej li te̱qꞌue re li Ka̱cuaꞌ. Te̱cꞌam aran le̱ cꞌatbil mayej ut li mayej li junju̱nk saꞌ xlaje̱tkil, ut li mayej li na-ala saꞌ e̱chꞌo̱l xqꞌuebal, joꞌ ajcuiꞌ li mayej li te̱qꞌue nak nequeyechiꞌi xba̱nunquil li cꞌaꞌak re ru re li Ka̱cuaꞌ Dios.

Josué 22:31

Ut laj Finees li ralal laj Eleazar laj tij quixye reheb: —Anakcuan nakanau nak li Ka̱cuaꞌ Dios cuan kiqꞌuin. La̱ex incꞌaꞌ xekꞌet xchakꞌrab li Dios nak xeyi̱b li artal aꞌin. Anakcuan nakanau nak li Dios incꞌaꞌ tixqꞌue raylal saꞌ kabe̱n la̱o aj Israel, chan.

Éxodo 15:17

Toa̱cꞌam saꞌ li tzu̱l li sicꞌbil ru a̱ban li cuan saꞌ li naꞌajej li xayechiꞌi chak ke junxilaj. Toa̱qꞌue chi cua̱nc saꞌ li naꞌajej li xakabanbil a̱ban re nak tatkalokꞌoni.

1 Crónicas 22:19

Anakcuan ut qꞌuehomak e̱chꞌo̱l chixsicꞌbal li Ka̱cuaꞌ. Yalomak e̱kꞌe chixyi̱banquil lix templo li Ka̱cuaꞌ le̱ Dios re nak takacꞌam chak lix Lokꞌlaj Ca̱x li Ka̱cuaꞌ joꞌ ajcuiꞌ chixjunil li cꞌaꞌru nacꞌanjelac saꞌ li templo. Ut takaqꞌueheb saꞌ li templo li te̱yi̱b re xlokꞌoninquil li Dios, chan laj David.

Ezequiel 37:26

La̱in tinba̱nu jun li contrato riqꞌuineb chi junelic re nak teꞌcua̱nk saꞌ tuktu̱quil usilal. Tinxakabeb saꞌ xnaꞌajeb ut tebinqꞌue chi qꞌuia̱nc. Ut tinqꞌue lin templo chi cua̱nc saꞌ lix naꞌajeb chi junelic.

Ezequiel 37:28

Ut eb li xni̱nkal ru tenamit teꞌxqꞌue retal nak la̱in li Ka̱cuaꞌ quinsantobresiheb laj Israel nak quinqꞌue chi cua̱nc lin templo chi junelic saꞌ xya̱nkeb, chan li Ka̱cuaꞌ.

Ezequiel 43:7

Quixye cue: —At ralal cui̱nk, aꞌan aꞌin lix naꞌaj lin cꞌojariba̱l. Aꞌan aꞌin xnaꞌaj li cuok. La̱in tincua̱nk arin chi junelic saꞌ xya̱nkeb li ralal xcꞌajol laj Israel. La̱in tintakla̱nk saꞌ xbe̱neb chi junelic kꞌe cutan. Incꞌaꞌ chic teꞌxmux ru lin cꞌabaꞌ riqꞌuin xlokꞌoninquil li jalanil dios. Chi moco laj Israel chi moco lix reyeb teꞌxba̱nu li ma̱usilal aꞌan. Chi moco teꞌxyi̱b saꞌ li naꞌajej li najt xteram lix jalam u̱ch lix reyeb li queꞌcam.