Éxodo 25:30 - Li Santil hu

³⁰ Ut rajlal te̱qꞌue li caxlan cua saꞌ xbe̱n li me̱x. Junelic cua̱nk li mayejanbil caxlan cua aran.

Q'eqchi Bible

³⁰ Ut sa' xb'een li meex taak'eheb' li mayejanb'il wa, re naq junelik wanqeb' chiwu.

Éxodo 25:30 ပူးပေါင်းရင်းမြစ်များ

San Mateo 12:4

Qui-oc saꞌ li cab bar nequeꞌxlokꞌoni cuiꞌ li Dios ut cuan aran li mayejanbil caxlan cua. Ma̱cuaꞌ raj re laj David xcuaꞌbal li caxlan cua aꞌan, chi moco reheb li rochben. Juneseb laj tij naru nequeꞌxcuaꞌ li mayejanbil caxlan cua. Abanan laj David quixcuaꞌ.

Éxodo 39:36

joꞌ ajcuiꞌ li me̱x rochben li secꞌ ut li mayejanbil caxlan cua li nequeꞌxqꞌue saꞌ li me̱x.

Malaquías 1:12

Abanan la̱ex nequemux cuu nak nequeye nak ma̱cꞌaꞌ na-oc cuiꞌ lin artal ut nequeye nak ma̱cꞌaꞌ na-oc cuiꞌ li mayej li naqꞌueheꞌ aran.

Malaquías 1:7

La̱ex nequemayeja saꞌ xbe̱n lin artal li yibru tzacae̱mk. Ut nequeye, “¿Cꞌaꞌru xkamux cuiꞌ a̱cuu?” chanquex. Nequemux cuu nak nequetzꞌekta̱na lin artal riqꞌuin xqꞌuebal li mayej incꞌaꞌ us.

2 Crónicas 13:11

Rajlal ekꞌela ut rajlal ecuu nequeꞌxqꞌue li cꞌatbil mayej chiru li Ka̱cuaꞌ joꞌ ajcuiꞌ li incienso li sunu̱nc. Ut nequeꞌxqꞌue li caxlan cua chiru li me̱x li kꞌaxtesinbil re li Dios. Ut nalochman rajlal ecuu li candil li cuan saꞌ xbe̱neb li candelero li yi̱banbil riqꞌuin oro. La̱o yo̱co chixba̱nunquil joꞌ taklanbilo cuiꞌ xban li Ka̱cuaꞌ li kaDios. Abanan la̱ex xetzꞌekta̱na li Ka̱cuaꞌ Dios.

1 Crónicas 23:29

Aꞌaneb li teꞌilok re li caxlan cua li naqꞌueheꞌ saꞌ li me̱x ut li cꞌaj li nacꞌanjelac re li mayej re li ru li acui̱mk. Aꞌaneb ajcuiꞌ teꞌilok re li xyi̱banquil li caxlan cua li ma̱cꞌaꞌ xchꞌamal. Aꞌaneb li teꞌilok re li mayej li yi̱banbil saꞌ li xartin joꞌ ajcuiꞌ li xbisbal li mayej li ta̱mayeja̱k saꞌ lix templo li Dios.

1 Crónicas 9:32

Cuanqueb li ralal laj Coat ut li ralaleb li ri̱tzꞌin, li queꞌyi̱ban re li cablaju chi caxlan cua li quiqꞌueheꞌ saꞌ xbe̱n li me̱x saꞌ li Santil Naꞌajej.

1 Samuel 21:6

Ut laj tij quixqꞌue li mayejanbil caxlan cua re laj David xban nak ma̱cꞌaꞌ chic cuan re. Caꞌaj cuiꞌ li caxlan cua li qui-isi̱c saꞌ li me̱x nak quiqꞌueheꞌ li caxlan cua li toj qui-el saꞌ li horno.

Números 4:7

Teꞌxtzꞌap xbe̱n li me̱x riqꞌuin jun li raxi tꞌicr ut saꞌ xbe̱n aꞌan teꞌxqꞌueheb li plato, eb li cuchara, ut eb li secꞌ ut li xar li nequeꞌxqꞌue cuiꞌ li vino li teꞌxmayeja. Ut teꞌxqꞌue ajcuiꞌ aran li caxlan cua li nacuan aran chi junelic.

Éxodo 35:13

Teꞌxyi̱b li me̱x ut li cheꞌ re xpakonquil ut teꞌxyi̱b ajcuiꞌ chixjunil li cꞌaꞌak re ru ta̱cꞌanjelak saꞌ li me̱x. Ut teꞌxyi̱b ajcuiꞌ li caxlan cua li ta̱mayeja̱k.

Hebreos 9:2

Joꞌcaꞌin nak yi̱banbil li naꞌajej. Tasbil saꞌ xyi riqꞌuin jun nimla tꞌicr. Saꞌ li xbe̱n tasal cuan li candil cuukub xxamlel ut cuan ajcuiꞌ li me̱x bar naqꞌueman cuiꞌ li mayejanbil caxlan cua. Li xbe̱n tasal aꞌan Santil Naꞌajej xcꞌabaꞌ.

Éxodo 40:4

Te̱rocsi li xnaꞌaj li candil ut te̱cꞌochoxiheb li candil saꞌ xbe̱n.

Éxodo 40:23

Quixtus li caxlan cua saꞌ xbe̱n li me̱x chiru li Dios. Laj Moisés quixba̱nu joꞌ quixye li Dios.

1 Samuel 21:4

Laj tij quixye re laj David: —Ma̱cꞌaꞌ cꞌaꞌak re ru chi tzacae̱mkil. Caꞌaj cuiꞌ li mayejanbil caxlan cua. Naru tinqꞌue a̱cue cui eb li cui̱nk incꞌaꞌ xeꞌcuan riqꞌuin ixk, chan.

1 Reyes 7:48

Li rey Salomón quixtakla xyi̱banquileb riqꞌuin oro chixjunil li quicꞌanjelac saꞌ lix templo li Ka̱cuaꞌ. Quixyi̱b jun li artal riqꞌuin oro, ut jun li me̱x yi̱banbil riqꞌuin oro li nequeꞌxqꞌue cuiꞌ li mayejanbil caxlan cua.

2 Crónicas 2:4

La̱in oc cue chixyi̱banquil jun li templo re takalokꞌoni cuiꞌ li Ka̱cuaꞌ lin Dios. Aꞌanak jun santil naꞌajej bar tolokꞌoni̱nk cuiꞌ cuochbeneb lin tenamit. Aran tocꞌatok sununquil ban ut aran tomayejak caxlan cua junelic. Rajlal ekꞌela ut rajlal ecuu takacꞌat li xul li takamayeja chiru li Dios. Joꞌcan ajcuiꞌ takaba̱nu rajlal saꞌ eb li hiloba̱l cutan ut saꞌ xyoꞌlajic li po ut saꞌ eb li ninkꞌe re lokꞌoni̱nc joꞌ cꞌaynako chixba̱nunquil chalen chak junxil.

Ezequiel 41:22

Li artal aꞌan yi̱banbil riqꞌuin tzꞌalam cheꞌ. Jun metro riqꞌuin media xteram. Li ru ut li rok, aꞌan jun metro. Lix xuc, li rok ut li ru yi̱banbil riqꞌuin cheꞌ. Ut li cui̱nk quixye cue: —Li artal aꞌin, aꞌan li me̱x li cuan chiru li Ka̱cuaꞌ, chan.

1 Samuel 21:5

Laj David quixye re: —Chalen cabajer eb li cui̱nk incꞌaꞌ xeꞌcuan riqꞌuin ixk. Junelic nequeꞌxra rib nak nequeꞌel chixba̱nunquil junak taklanquil. Kꞌaxal cuiꞌchic teꞌxra rib nak yo̱queb chixba̱nunquil li taklanquil aꞌin, chan.

2 Crónicas 2:3

Li rey Salomón quitzꞌi̱bac riqꞌuin laj Hiram lix reyeb laj Tiro ut quixye re: —¿Ma incꞌaꞌ ta̱ru̱k ta̱takla caꞌchꞌinak incheꞌ chacalteꞌ joꞌ caba̱nu riqꞌuin laj David lin yucuaꞌ nak quixyi̱b li rochoch aꞌan?