Éxodo 25:23 - Li Santil hu

²³ Te̱yi̱b ajcuiꞌ junak me̱x riqꞌuin li cheꞌ acacia xcꞌabaꞌ. Laje̱b roꞌcꞌa̱l (90) centímetro lix nimal rok ut o̱b roxcꞌa̱l (45) centímetro lix nimal ru. O̱b xca̱cꞌa̱l (65) centímetro xnajtil xteram.

Q'eqchi Bible

²³ “Taayiib' jun li meex rik'in akasya, kaahib' k'utub' xnimal li roq, wiib' k'utub' xnimal li ru ut oxib' li xteram.

Éxodo 25:23 ပူးပေါင်းရင်းမြစ်များ

Hebreos 9:2

Joꞌcaꞌin nak yi̱banbil li naꞌajej. Tasbil saꞌ xyi riqꞌuin jun nimla tꞌicr. Saꞌ li xbe̱n tasal cuan li candil cuukub xxamlel ut cuan ajcuiꞌ li me̱x bar naqꞌueman cuiꞌ li mayejanbil caxlan cua. Li xbe̱n tasal aꞌan Santil Naꞌajej xcꞌabaꞌ.

2 Crónicas 4:8

Quixyi̱b ajcuiꞌ laje̱b li me̱x ut quixqꞌueheb saꞌ li templo. O̱b quixqꞌue saꞌ li nim ut o̱b quixqꞌue saꞌ li tzꞌe. Ut quixyi̱b ajcuiꞌ jun ciento li ni̱nki secꞌ riqꞌuin oro.

1 Reyes 7:48

Li rey Salomón quixtakla xyi̱banquileb riqꞌuin oro chixjunil li quicꞌanjelac saꞌ lix templo li Ka̱cuaꞌ. Quixyi̱b jun li artal riqꞌuin oro, ut jun li me̱x yi̱banbil riqꞌuin oro li nequeꞌxqꞌue cuiꞌ li mayejanbil caxlan cua.

2 Crónicas 4:19

Laj Salomón quixqꞌue chi yi̱ba̱c chixjunil li cꞌaꞌak re ru li quicꞌanjelac saꞌ lix templo li Dios. Aꞌaneb aꞌin li quiyi̱ba̱c: li artal yi̱banbil riqꞌuin oro, eb li me̱x li quiqꞌueheꞌ cuiꞌ li mayejanbil caxlan cue,

1 Crónicas 28:16

joꞌ eb ajcuiꞌ li me̱x yi̱banbil riqꞌuin plata ut oro, li ta̱qꞌuema̱nk cuiꞌ li mayejanbil caxlan cua.

Números 3:31

Saꞌ xcue̱nteb aꞌan kꞌaxtesinbil li Lokꞌlaj Ca̱x, li me̱x, lix naꞌaj li candil, eb li artal, ut li cꞌaꞌak re ru li nacꞌanjelac saꞌ li tabernáculo, joꞌ ajcuiꞌ li nimla tꞌicr li naramoc re li Lokꞌlaj Santil Naꞌajej, ut chixjunil li nacꞌanjelac saꞌ li Santil Naꞌajej.

Levítico 24:6

Chiru li Ka̱cuaꞌ Dios ta̱qꞌue li cablaju chi caxlan cua saꞌ cuib tzol saꞌ xbe̱n li me̱x oro. Cuakitk chi caxlan cua ta̱qꞌue saꞌ li ju̱nk tzol.

Éxodo 35:13

Teꞌxyi̱b li me̱x ut li cheꞌ re xpakonquil ut teꞌxyi̱b ajcuiꞌ chixjunil li cꞌaꞌak re ru ta̱cꞌanjelak saꞌ li me̱x. Ut teꞌxyi̱b ajcuiꞌ li caxlan cua li ta̱mayeja̱k.

Ezequiel 41:22

Li artal aꞌan yi̱banbil riqꞌuin tzꞌalam cheꞌ. Jun metro riqꞌuin media xteram. Li ru ut li rok, aꞌan jun metro. Lix xuc, li rok ut li ru yi̱banbil riqꞌuin cheꞌ. Ut li cui̱nk quixye cue: —Li artal aꞌin, aꞌan li me̱x li cuan chiru li Ka̱cuaꞌ, chan.

Éxodo 31:8

Teꞌxyi̱b li me̱x joꞌ ajcuiꞌ li secꞌ li ta̱cꞌanjelak saꞌ li me̱x. Teꞌxyi̱b li candelero riqꞌuin tzꞌakal oro joꞌ ajcuiꞌ li ta̱cꞌanjelak re xyi̱banquil lix mechil. Ut teꞌxyi̱b li artal li teꞌxcꞌat cuiꞌ li incienso.

Números 4:8

Ut teꞌxtzꞌap xbe̱n chixjunil aꞌin riqꞌuin jun li caki tꞌicr. Saꞌ xbe̱n li caki tꞌicr teꞌxqꞌue rix li tzꞌiꞌ haꞌ. Ut chirix aꞌan teꞌxqꞌue saꞌ xnaꞌaj eb li cheꞌ li nequeꞌxpako cuiꞌ li Lokꞌlaj Ca̱x.

1 Reyes 7:49

Quixyi̱b ajcuiꞌ riqꞌuin tzꞌakal oro laje̱b xnaꞌajeb li candil. O̱b quixqꞌue saꞌ lix nim ut o̱b quixqꞌue saꞌ lix tzꞌe chiru li Lokꞌlaj Santil Naꞌajej. Ut quixqꞌue ajcuiꞌ xsahob ru riqꞌuin utzꞌuꞌuj. Ut quixyi̱b ajcuiꞌ riqꞌuin oro li candil, joꞌ ajcuiꞌ li chꞌi̱chꞌ re xchapbal li ru xam.