Éxodo 25:22 - Li Santil hu

²² Ut aran saꞌ xbe̱n li Lokꞌlaj Ca̱x saꞌ xyi li cuib chi querubines li cuanqueb saꞌ xbe̱n lix tzꞌapbal re, la̱in tincua̱nk saꞌ musikꞌej. Aran tina̱tinak a̱cuiqꞌuin ut tinqꞌue a̱cue li chakꞌrab li ta̱qꞌue reheb li ralal xcꞌajol laj Israel.

Q'eqchi Bible

²² Aran tink'utb'esi wib' chawu: sa' xb'een li Loq'laj Kaax, sa' xyiheb' li wiib' chi kerubín li wankeb' sa' xb'een li xLoq'laj Kaaxil li Sumwank, laa'in tinye aawe chixjunil laataqlankil cho'q reheb' laj Israel.

Éxodo 25:22 ပူးပေါင်းရင်းမြစ်များ

Números 7:89

Nak laj Moisés qui-oc saꞌ li tabernáculo chi a̱tinac riqꞌuin li Ka̱cuaꞌ, quirabi xya̱b xcux li Ka̱cuaꞌ nak yo̱ chak chi a̱tinac saꞌ xyi li cuib chi querubines li cuan saꞌ xbe̱n lix tzꞌapbal re li Lokꞌlaj Ca̱x li cuan cuiꞌ lix contrato li Dios.

Isaías 37:16

—At nimajcual Dios, la̱at lix Dioseb laj Israel. Cuancat saꞌ xyiheb li querubines. Caꞌaj cuiꞌ la̱at li tzꞌakal Dios. La̱at cuan a̱cuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. La̱at catyi̱ban re li choxa ut li ruchichꞌochꞌ.

Salmos 80:1

At Ka̱cuaꞌ, la̱at laj ilol reheb laj Israel. La̱at nacatcꞌamoc be chiruheb li ralal xcꞌajol laj José joꞌ jun cha̱bil pastor naxberesiheb lix carner. La̱at li nacathilan saꞌ xyiheb li querubines ut nacacꞌut la̱ lokꞌal.

2 Reyes 19:15

Quitijoc ut quixye: —At Ka̱cuaꞌ, la̱at li kaDios la̱o aj Israel. La̱at li cuancat saꞌ xyi li querubines. Caꞌaj cuiꞌ la̱at li Dios. La̱at cuan a̱cuanquil saꞌ xbe̱neb li xni̱nkal ru tenamit li cuanqueb saꞌ ruchichꞌochꞌ. La̱at catyi̱ban re li choxa ut li ruchichꞌochꞌ.

1 Samuel 4:4

Joꞌcan nak queꞌxtaklaheb li cui̱nk aran Silo re nak teꞌxcꞌam chak lix Lokꞌlaj Ca̱x li nimajcual Dios, li cuan li cuib chi querubines saꞌ xbe̱n. Ut eb laj Ofni ut laj Finees, li cuib chi ralal laj Elí, yo̱queb chi cha̱lc chixcꞌatk li Lokꞌlaj Ca̱x.

Números 17:4

Ta̱qꞌueheb li xukꞌ saꞌ li tabernáculo chiru li Lokꞌlaj Ca̱x li cuan cuiꞌ li contrato li ninhilan cuiꞌ la̱in.

Levítico 16:2

Li Dios quixye re laj Moisés: —Ye re laj Aarón la̱ cuas nak incꞌaꞌ naru ta̱oc yalak jokꞌe cuan cuiꞌ li Lokꞌlaj Ca̱x. Cui na-oc yalak jokꞌe, naru nacam xban nak aran ninhilan la̱in saꞌ li chanchan chok saꞌ xbe̱n lix tzꞌapbal re li Lokꞌlaj Ca̱x li nacuyeꞌ cuiꞌ li ma̱c.

Salmos 99:1

Li Ka̱cuaꞌ, aꞌan li tzꞌakal rey. Aꞌan li nahilan saꞌ xyiheb li querubines. Chixjunileb li cuanqueb saꞌ ruchichꞌochꞌ teꞌxucuak nak teꞌril lix cuanquil.

2 Samuel 6:2

Ut quixcꞌameb aran Baala li cuan saꞌ xcue̱nt Judá re nak teꞌxcꞌam lix Lokꞌlaj Ca̱x li Dios, li nequeꞌxya̱ba cuiꞌ xcꞌabaꞌ li nimajcual Dios li nahilan saꞌ xya̱nkeb li querubines.

Éxodo 30:36

Ta̱queꞌ chi kꞌun yijachak ut ta̱qꞌue chiru li Lokꞌlaj Ca̱x, li cuan saꞌ li tabernáculo li tincua̱nk cuiꞌ e̱riqꞌuin. Li incienso aꞌin, aꞌan kꞌaxal lokꞌak che̱ru.

Éxodo 30:6

Saꞌ li xbe̱n tasal li tabernáculo saꞌ li Santil Naꞌajej te̱qꞌue li artal chiru li tas yi̱banbil riqꞌuin tꞌicr, li naramoc re li Lokꞌlaj Ca̱x li xocbil cuiꞌ li chakꞌrab. Saꞌ li naꞌajej aꞌan tincua̱nk e̱riqꞌuin.

Jueces 20:27

Ut eb li ralal xcꞌajol laj Israel queꞌtijoc chiru li Ka̱cuaꞌ ut queꞌxpatzꞌ re cꞌaꞌru us teꞌxba̱nu. (Saꞌ eb li cutan aꞌan li Lokꞌlaj Ca̱x xocxo cuiꞌ li laje̱b chi chakꞌrab cuan aran Bet-el.)

Salmos 90:1

At Ka̱cuaꞌ, caꞌaj cuiꞌ a̱cuiqꞌuin nakacol kib chalen saꞌ xticlajic.

Levítico 1:1

Li Dios quia̱tinac chak saꞌ li tabernáculo li nequeꞌxchꞌutub cuiꞌ ribeb li tenamit chi lokꞌoni̱nc. Quixbok laj Moisés ut quia̱tinac riqꞌuin.

Éxodo 31:18

Nak quirakeꞌ chi a̱tinac li Dios riqꞌuin laj Moisés saꞌ li tzu̱l Sinaí, quixkꞌaxtesi li cuib chi perpo̱quil pec re, li quixtzꞌi̱ba cuiꞌ li chakꞌrab.

Éxodo 31:6

Ut xinsicꞌ ajcuiꞌ ru laj Aholiab chixtenkꞌanquil laj Bezaleel. Laj Aholiab, aꞌan li ralal laj Ahisamac xcomoneb li ralal xcꞌajol laj Dan. Ut xinqꞌue ajcuiꞌ xnaꞌlebeb ut xcacuilal xchꞌo̱leb chixjunileb li teꞌcꞌanjelak re nak teꞌxba̱nu chixjunil li cꞌaꞌru xinye a̱cue.

Éxodo 20:24

Te̱yi̱b jun li artal chokꞌ cue yi̱banbil riqꞌuin chꞌochꞌ. Ut saꞌ xbe̱n li artal aꞌan te̱qꞌue le̱ cꞌatbil mayej. Aran ajcuiꞌ te̱mayeja chicuu le̱ carner ut le̱ bo̱yx re xtzꞌa̱manquil xcuybal e̱ma̱c. Li bar tinye e̱re, aran te̱yi̱b le̱ artal ut la̱in cua̱nkin e̱riqꞌuin ut aran texcuosobtesi.

Génesis 18:33

Nak quirakeꞌ chi a̱tinac riqꞌuin laj Abraham, li Ka̱cuaꞌ Dios qui-el aran. Ut laj Abraham quisukꞌi cuiꞌchic saꞌ rochoch.

Éxodo 27:21

Laj Aarón rochbeneb li ralal, aꞌaneb li teꞌilok re li candelero li cuan saꞌ li Santil Naꞌajej, li cuan chiru li tas li naramoc re li Lokꞌlaj Santil Naꞌajej, li cuan cuiꞌ li Lokꞌlaj Ca̱x. Teꞌril nak junelic lochlo̱k chiru li Ka̱cuaꞌ lix xamlel li candelero. Li chakꞌrab aꞌin tenebanbil saꞌ xbe̱neb laj Israel joꞌqueb ajcuiꞌ li ralal xcꞌajoleb re nak joꞌcan teꞌxba̱nu junelic.

1 Crónicas 13:6

Ut laj David rochbeneb laj Israel co̱ Baala aran Quiriat-jearim saꞌ xcue̱nt Judá re nak teꞌxcꞌam lix Lokꞌlaj Ca̱x li Ka̱cuaꞌ li nequeꞌxya̱ba cuiꞌ xcꞌabaꞌ li nimajcual Dios li nahilan saꞌ xya̱nkeb li querubines.

Salmos 80:2

Cꞌutbesi taxak la̱ cuanquilal chiruheb li ralal xcꞌajol laj Efraín, laj Benjamín ut laj Manasés. Cha̱lkat ut choa̱col.

Ezequiel 43:6

Ut jun li cui̱nk xakxo chincꞌatk ut quicuabi nak li Ka̱cuaꞌ quia̱tinac chak saꞌ li templo.