Éxodo 25:20 - Li Santil hu

²⁰ Eb li querubines teꞌxcaꞌya ribeb ut yo̱keb chi iloc saꞌ xbe̱n lix tzꞌapbal re li ca̱x. Lix xiqꞌueb teꞌxhel rib ut teꞌxtzꞌap xbe̱n li ca̱x.

Q'eqchi Bible

²⁰ Ut helhooqaqeb' li xxik' sa' xb'een. Rik'ineb' a'an te'xmuheela li xtz'apb'al, ut te'xka'ya rib' chirib'ileb' rib' naq yooqeb' chi ilok sa' xjayal li xtz'apb'al xb'een li kaax.

Éxodo 25:20 ပူးပေါင်းရင်းမြစ်များ

1 Crónicas 28:18

Quixqꞌue ajcuiꞌ re li cha̱bil oro li ta̱cꞌanjelak re xyi̱banquil li artal li ta̱cꞌanjelak re xcꞌatbal li incienso, ut quixqꞌue ajcuiꞌ re li oro li ta̱cꞌanjelak re xyi̱banquil lix carre̱t li querubines li teꞌxjel xxiqꞌueb saꞌ xbe̱n li Lokꞌlaj Ca̱x, li xocxo̱k cuiꞌ lix contrato li Dios.

1 Reyes 8:7

Eb li cuib chi querubines aꞌin helho̱queb lix xiqꞌueb saꞌ xbe̱n li Lokꞌlaj Ca̱x joꞌ ajcuiꞌ li cheꞌ li nequeꞌxpako cuiꞌ.

Hebreos 9:5

Ut saꞌ xbe̱n li Lokꞌlaj Ca̱x cuan cuib li querubines yi̱banbileb riqꞌuin oro chanchaneb li ángel. Aꞌan retalil nak cuan li Dios aran. Lix xiqꞌueb naxcꞌul rib saꞌ xbe̱n lix tzꞌapbal re li ca̱x bar naqꞌueman cuiꞌ li mayej quicꞌ re xcuybal li ma̱c. Abanan anakcuan incꞌaꞌ takachꞌolob nabal chic chirix aꞌan.

1 Pedro 3:22

Li Jesucristo, aꞌan quitakeꞌ saꞌ choxa ut anakcuan cuan saꞌ xnim ukꞌ li Dios Acuabej xban nak kꞌaxal nim lix cuanquil. Li Cristo cuan xcuanquil saꞌ xbe̱neb li ángel. Ut cuan ajcuiꞌ xcuanquil saꞌ xbe̱neb chixjunileb li musikꞌej li cuanqueb xcuanquil.

1 Pedro 1:12

Li cꞌaꞌru quixcꞌutbesi chak li Dios chiruheb li profeta junxil incꞌaꞌ ta̱cꞌulma̱nk nak toj cuanqueb aꞌan. Ta̱cꞌulma̱nk ban saꞌ li cutan nak cuanquex la̱ex. Eb li profeta queꞌxchꞌolob che̱ru lix ya̱lal aꞌin, li quicꞌuteꞌ chak chiruheb xban li Santil Musikꞌej li taklanbil chak xban li Dios. Ut eb li ángel queꞌraj ajcuiꞌ raj xtaubal ru chixjunil li cꞌaꞌak re ru aꞌin.

Hebreos 1:14

Incꞌaꞌ quixye aꞌan reheb li ángel xban nak li ángel yal musikꞌejeb chi cꞌanjelac chiru li Dios. Li Dios nataklan chak reheb chixtenkꞌanquileb li teꞌe̱chani̱nk re li colba-ib.

Colosenses 2:10

Kꞌaxal nim xcuanquil li Cristo saꞌ xbe̱neb li nequeꞌtaklan ut kꞌaxal nim ajcuiꞌ xcuanquil saꞌ xbe̱neb li musikꞌej. Ut xban nak li Cristo cuan e̱riqꞌuin, nim ajcuiꞌ e̱cuanquil la̱ex ut tzꞌakal re ru le̱ yuꞌam xban nak qꞌuebil e̱re xban li Cristo.

Efesios 3:10

Li Dios quixba̱nu chi joꞌcaꞌin re xcꞌutbal chiruheb li cuanqueb xcuanquil saꞌ choxa nak numtajenak xnaꞌleb li Dios. Teꞌxnau nak numtajenak xnaꞌleb nak teꞌxqꞌue retal nak quixjunaji ruheb laj judío riqꞌuineb li ma̱cuaꞌeb aj judío chokꞌ ralal xcꞌajol.

1 Corintios 11:10

Joꞌcan nak li ixk tixtzꞌap lix jolom ut aꞌan retalil chiruheb li ángel nak li cui̱nk cuan xcuanquil saꞌ xbe̱n.

1 Corintios 4:9

Nak nincꞌoxla la̱in li Dios xoxqꞌue la̱o li apóstol chi ma̱cꞌaꞌ kacuanquil. Chanchano junak aj ma̱c li ac xteneba̱c ca̱mc saꞌ xbe̱n ut qꞌuebilo chiruheb li ángel ut chiruheb li cui̱nk re toeꞌril.

San Juan 1:51

Ut quixye ajcuiꞌ reheb: —Relic chi ya̱l tinye e̱re nak te̱ril li choxa chi teto. Ut eb lix ángel li Dios yo̱keb chi takecꞌ ut yo̱keb chi cubec cuanquin cuiꞌ la̱in li Cꞌajolbej, chan li Jesús reheb.

San Mateo 24:31

Ut nak ta̱ecꞌa̱nk chak chi cau li trompeta, tintaklaheb lin ángel. Ut teꞌxchꞌutub li sicꞌbileb ru inban li cua̱nkeb yalak bar jun sut rubel choxa jun sut saꞌ ruchichꞌochꞌ.

Ezequiel 28:14

La̱in catinxakab chirilbaleb li tenamit joꞌ jun li ángel. Chanchan nak cuancat saꞌ lin santil tzu̱l. Ut catbe̱c saꞌ xya̱nkeb li pec li nalemtzꞌun.

Ezequiel 1:20

Eb li chanchaneb ángel beresinbileb xban lix musikꞌ ut nequeꞌxic bar nequeꞌcꞌameꞌ cuiꞌ. Ut eb li ruedas nequeꞌxic bar nequeꞌxic cuiꞌ li chanchaneb ángel.

2 Crónicas 3:10

Saꞌ li Lokꞌlaj Santil Naꞌajej quixyi̱b cuib li querubines riqꞌuin cheꞌ. Ut quixletz li oro chiruheb.

Éxodo 25:18

Ut te̱yi̱b cuib li querubines chanchaneb li ángel riqꞌuin oro tenbil riqꞌuin martillo. Ut te̱qꞌue saꞌ xbe̱n lix tzꞌapbal re li ca̱x, junju̱nk saꞌ li ju̱nk pacꞌal.

Génesis 28:12

Nak yo̱ chi cua̱rc, laj Jacob quimatqꞌuec. Saꞌ xmatcꞌ quiril jun chanchan escalera xakxo saꞌ chꞌochꞌ ut nacuulac toj saꞌ choxa xnajtil rok. Ut eb lix ángel li Ka̱cuaꞌ nequeꞌtakeꞌ ut nequeꞌcube chak chiru li escalera nak quiril.

Éxodo 25:19

Te̱qꞌue li cuib chi querubines junju̱nk saꞌ li ju̱nk pacꞌal lix tzꞌapbal re li ca̱x. Li cuib chi querubines rochben lix tzꞌapbal re li ca̱x jun ajcuiꞌ ru nak te̱yi̱b.

1 Reyes 6:27

Laj Salomón quixqꞌueheb li cuib chi querubines saꞌ li Lokꞌlaj Santil Naꞌajej. Lix xicꞌ li jun nocoxtau li tzꞌac jun pacꞌal. Joꞌcan cuiꞌchic li jun nocoxixtau li tzꞌac jun pacꞌal chic. Ut lix xiqꞌueb jun pacꞌal chic nequeꞌxcꞌul rib saꞌ xyi li Lokꞌlaj Santil Naꞌajej.

1 Reyes 6:23

Ut queꞌxyi̱b ajcuiꞌ riqꞌuin li cheꞌ olivo cuib li querubines chanchaneb li ángel. Ca̱hib metro riqꞌuin media xnajtil xteram li junju̱nk chi querubín.