Éxodo 25:2 - Li Santil hu

² —Ye reheb laj Israel nak teꞌxxoc junak li cha̱bil mayej chokꞌ cue. Teꞌxqꞌue li joꞌ qꞌuial li na-ala saꞌ xchꞌo̱leb xqꞌuebal ut teꞌxqꞌue chi anchaleb xchꞌo̱l.

Q'eqchi Bible

² “Ye reheb' laj Israel naq te'xyeechi'i xmayejeb' we. Laa'ex teexok cho'q we jo'ch'inal jo'nimal li na'alaak sa' xch'ooleb'.

Éxodo 25:2 ပူးပေါင်းရင်းမြစ်များ

2 Corintios 9:7

Li junju̱nk tixqꞌue li joꞌ qꞌuial ta̱ala̱k saꞌ xchꞌo̱l xqꞌuebal. Incꞌaꞌ tixqꞌue chi ra saꞌ xchꞌo̱l, chi moco minbilak ta ru xban nak li Ka̱cuaꞌ naxra li ani naxqꞌue chi sa saꞌ xchꞌo̱l.

Esdras 2:68

Ut li junju̱nk chi cui̱nk li nequeꞌjolomin re li junju̱nk cabal, nak queꞌcuulac Jerusalén queꞌxkꞌaxtesi lix mayejeb re xyi̱banquil cuiꞌchic li templo saꞌ ajcuiꞌ lix naꞌaj li quicuan cuiꞌ junxil.

Nehemías 11:2

Ut eb li tenamit queꞌxbantioxi chiruheb li junju̱nk cabal li queꞌala saꞌ xchꞌo̱leb cana̱c Jerusalén.

Esdras 7:16

Ta̱cꞌam ajcuiꞌ chixjunil li plata ut li oro li joꞌ qꞌuial teꞌxchꞌutub li cuanqueb Babilonia. Ut ta̱cꞌam ajcuiꞌ li mayej li x-ala saꞌ xchꞌo̱leb xqꞌuebal eb laj tij ut eb laj Israel li cuanqueb saꞌ li tenamit aꞌan re xyi̱banquil lix templo li Dios aran Jerusalén.

Esdras 1:6

Ut chixjunileb li cuanqueb chi nachꞌ riqꞌuineb queꞌxtenkꞌaheb. Queꞌxqꞌue li plata, queꞌxqꞌue li oro ut li cꞌaꞌak re ru li ta̱cꞌanjelak chiruheb. Queꞌxqꞌue li xul li nequeꞌi̱kan ut nabal li cꞌaꞌak re ru terto xtzꞌak. Ut queꞌxqꞌue ajcuiꞌ lix mayej aꞌ yal joꞌ nimal x-ala chak saꞌ xchꞌo̱l li junju̱nk.

Esdras 3:5

Ut queꞌmayejac joꞌ nequeꞌxba̱nu junelic ut queꞌmayejac saꞌ xyoꞌlajic li po ut saꞌ eb li cutan joꞌ yebil chak reheb xban li Ka̱cuaꞌ ut cuanqueb ajcuiꞌ li qui-ala saꞌ xchꞌo̱leb xqꞌuebal xmayejeb.

Salmos 110:3

Nak la̱at cua̱nkat saꞌ la̱ cuanquil, eb la̱ tenamit teꞌxic saꞌ la̱ santil naꞌaj ut teꞌxyechiꞌi ribeb chi cꞌanjelac cha̱cuu. Li Dios tixqꞌue a̱metzꞌe̱u rajlal joꞌ nak natꞌaneꞌ li xchuꞌque rajlal ekꞌela. Ut chanchanakat jun li sa̱j cui̱nk.

Jueces 5:9

Junelic ninqꞌue inchꞌo̱l chixtenkꞌanquileb li nequeꞌcꞌamoc be saꞌ xya̱nkeb laj Israel, li xoleꞌxqꞌue rib chi anchaleb xchꞌo̱l saꞌ xya̱nkeb li queꞌpletic re xcolbaleb laj Israel. Chinima̱k taxak ru li Ka̱cuaꞌ.

Números 18:24

Tinqꞌue ban e̱re la̱ex li junju̱nk saꞌ xlaje̱tkil li teꞌxqꞌue eb laj Israel chokꞌ xmayej chicuu la̱in li Ka̱cuaꞌ. Xban aꞌan nak xinye nak ma̱cꞌaꞌ teꞌre̱chani eb li ralal xcꞌajol laj Leví saꞌ lix naꞌajeb laj Israel.—

Éxodo 25:1

Li Ka̱cuaꞌ quia̱tinac riqꞌuin laj Moisés ut quixye re:

Éxodo 25:3

Li mayej li teꞌxxoc, aꞌaneb aꞌin: li oro, li plata, li cobre,