Éxodo 25:18 - Li Santil hu

¹⁸ Ut te̱yi̱b cuib li querubines chanchaneb li ángel riqꞌuin oro tenbil riqꞌuin martillo. Ut te̱qꞌue saꞌ xbe̱n lix tzꞌapbal re li ca̱x, junju̱nk saꞌ li ju̱nk pacꞌal.

Q'eqchi Bible

¹⁸ Taayiib' ajwi' wiib' kerubín rik'in kawil oor, junjunq sa' xjunqpak'alil.

Éxodo 25:18 ပူးပေါင်းရင်းမြစ်များ

Hebreos 9:5

Ut saꞌ xbe̱n li Lokꞌlaj Ca̱x cuan cuib li querubines yi̱banbileb riqꞌuin oro chanchaneb li ángel. Aꞌan retalil nak cuan li Dios aran. Lix xiqꞌueb naxcꞌul rib saꞌ xbe̱n lix tzꞌapbal re li ca̱x bar naqꞌueman cuiꞌ li mayej quicꞌ re xcuybal li ma̱c. Abanan anakcuan incꞌaꞌ takachꞌolob nabal chic chirix aꞌan.

Ezequiel 10:20

Ut la̱in quinqꞌue retal nak aꞌaneb li chanchaneb ángel li queꞌcuil rubel lix cꞌojariba̱l lix Dioseb laj Israel chire li nimaꞌ Quebar. Ut quinqꞌue retal nak aꞌaneb li querubines.

Ezequiel 10:2

Ut li Ka̱cuaꞌ quixye re li cui̱nk li lino rakꞌ: —Tat-oc saꞌ xya̱nkeb li ruedas li cuanqueb rubeleb li querubines. Riqꞌuin la̱ cuukꞌ ta̱chap li ru xam li yo̱ xxamlel. Ut ta̱paji li ru xam saꞌ xbe̱n li tenamit, chan. Ut la̱in yo̱quin chirilbal nak qui-oc li cui̱nk saꞌ xya̱nkeb li ruedas.

1 Crónicas 28:18

Quixqꞌue ajcuiꞌ re li cha̱bil oro li ta̱cꞌanjelak re xyi̱banquil li artal li ta̱cꞌanjelak re xcꞌatbal li incienso, ut quixqꞌue ajcuiꞌ re li oro li ta̱cꞌanjelak re xyi̱banquil lix carre̱t li querubines li teꞌxjel xxiqꞌueb saꞌ xbe̱n li Lokꞌlaj Ca̱x, li xocxo̱k cuiꞌ lix contrato li Dios.

1 Samuel 4:4

Joꞌcan nak queꞌxtaklaheb li cui̱nk aran Silo re nak teꞌxcꞌam chak lix Lokꞌlaj Ca̱x li nimajcual Dios, li cuan li cuib chi querubines saꞌ xbe̱n. Ut eb laj Ofni ut laj Finees, li cuib chi ralal laj Elí, yo̱queb chi cha̱lc chixcꞌatk li Lokꞌlaj Ca̱x.

Génesis 3:24

Li Dios quirisiheb li cui̱nk ut li ixk. Quixqꞌueheb li querubines aran saꞌ releb sakꞌe saꞌ li naꞌajej Edén. Quixqꞌueheb saꞌ li oqueba̱l re li naꞌajej re nak teꞌril nak ma̱ ani ta̱oc. Ut quixqꞌue jun li chꞌi̱chꞌ yo̱ xxamlel ut yo̱ xsutinquil rib yalak bar re xrambal ru li be re nak ma̱ ani ta̱oc cuan cuiꞌ li cheꞌ li naqꞌuehoc junelic yuꞌam.

Éxodo 25:17

Te̱yi̱b jun xtzꞌapbal re li ca̱x riqꞌuin oro jun metro riqꞌuin laje̱b centímetro xnimal li rok ut o̱b xca̱cꞌa̱l (65) centímetro xnimal li ru.

Éxodo 25:19

Te̱qꞌue li cuib chi querubines junju̱nk saꞌ li ju̱nk pacꞌal lix tzꞌapbal re li ca̱x. Li cuib chi querubines rochben lix tzꞌapbal re li ca̱x jun ajcuiꞌ ru nak te̱yi̱b.

2 Crónicas 3:10

Saꞌ li Lokꞌlaj Santil Naꞌajej quixyi̱b cuib li querubines riqꞌuin cheꞌ. Ut quixletz li oro chiruheb.

Éxodo 25:36

Chixjunil li candelero rochben lix sahob ru, junaj ru nak te̱yi̱b riqꞌuin tzꞌakal oro tenbil riqꞌuin martillo.

Ezequiel 10:3

Eb li querubines cuanqueb chiru li templo saꞌ li sur nak li cui̱nk co̱ chi saꞌ. Ut li neba̱l li cuan chak toj chi saꞌ quinujac riqꞌuin li chok.