Éxodo 25:10 - Li Santil hu

¹⁰ Te̱yi̱b junak Lokꞌlaj Ca̱x riqꞌuin li cha̱bil cheꞌ acacia xcꞌabaꞌ. Jun metro riqꞌuin laje̱b centímetro xnimal li rok. Ut o̱b xca̱cꞌa̱l (65) centímetro xnimal li ru ut o̱b xca̱cꞌa̱l (65) centímetro xteram.

Q'eqchi Bible

¹⁰ “Taayiib' jun li Loq'laj Kaax rik'in akasya wank oob' k'utub' xnimal li roq, oxib' k'utub' xnimal li ru ut oxib' k'utub' xteram.

Éxodo 25:10 ပူးပေါင်းရင်းမြစ်များ

Hebreos 9:4

Aran cuan jun xcꞌatbal li pom yi̱banbil riqꞌuin oro, ut cuan ajcuiꞌ jun li Lokꞌlaj Ca̱x letzbil oro chirix. Chi saꞌ li Lokꞌlaj Ca̱x aꞌan cuan li xar oro bar cuiꞌ cꞌu̱lanbil li maná. Cꞌu̱lanbil ajcuiꞌ saꞌ li ca̱x lix xukꞌ laj Aarón li quituxmec ut qui-atzꞌumac. Ut cꞌu̱lanbil ajcuiꞌ aran li cuib chi pec ti̱c ru li tzꞌi̱banbil cuiꞌ li laje̱b chi chakꞌrab.

Apocalipsis 11:19

Ut quicuil nak quiteheꞌ lix templo li Dios cuan saꞌ choxa. Ut quicꞌutun li Lokꞌlaj Ca̱x li cuan cuiꞌ li contrato saꞌ lix templo li Dios. Nareploc li rakꞌ ca̱k ut nabal li choki̱nc. Quicuan jun li hi̱c ut nabal li sakbach quitꞌaneꞌ nak quicuil.

2 Crónicas 8:11

Laj Salomón quirisi li rixakil saꞌ lix tenamit laj David ut quixqꞌue chi cua̱nc saꞌ li palacio li quixyi̱b chokꞌ re. Li rixakil, aꞌan lix rabin laj faraón. Laj Salomón quixcꞌoxla nak li rixakil incꞌaꞌ naru nacuan saꞌ li rochoch laj David li quicuan chokꞌ xreyeb laj Israel xban nak li naꞌajej aꞌan lokꞌ xban nak aran quicuan lix Lokꞌlaj Ca̱x li Dios.

Éxodo 35:12

Teꞌxyi̱b li Lokꞌlaj Ca̱x ut li cheꞌ re xpakonquil ut teꞌxyi̱b ajcuiꞌ lix tzꞌapbal re joꞌ ajcuiꞌ li tꞌicr li ta̱cꞌanjelak chokꞌ tas.

Números 3:31

Saꞌ xcue̱nteb aꞌan kꞌaxtesinbil li Lokꞌlaj Ca̱x, li me̱x, lix naꞌaj li candil, eb li artal, ut li cꞌaꞌak re ru li nacꞌanjelac saꞌ li tabernáculo, joꞌ ajcuiꞌ li nimla tꞌicr li naramoc re li Lokꞌlaj Santil Naꞌajej, ut chixjunil li nacꞌanjelac saꞌ li Santil Naꞌajej.

Números 4:5

Nak oqueb re chixjalbal lix naꞌajeb laj Israel, laj Aarón ut eb li ralal teꞌoc chi saꞌ li tabernáculo ut teꞌrisi li nimla tꞌicr. Riqꞌuin aꞌan teꞌxtzꞌap li Lokꞌlaj Ca̱x li cuan cuiꞌ lix contrato li Ka̱cuaꞌ.

Éxodo 31:7

Teꞌxyi̱b li tabernáculo, joꞌ ajcuiꞌ li Lokꞌlaj Ca̱x, ut lix tzꞌapbal, joꞌ ajcuiꞌ chixjunil li ta̱cꞌanjelak saꞌ li tabernáculo.

Éxodo 39:32

Joꞌcaꞌin nak queꞌrakeꞌ xyi̱banquil chixjunil li cꞌaꞌru ta̱cꞌanjelak re xyi̱banquil li tabernáculo. Eb laj Israel queꞌxba̱nu chixjunil chi tzꞌakal re ru joꞌ quiyeheꞌ re laj Moisés xban li Ka̱cuaꞌ.

Números 4:6

Chirix aꞌan teꞌxlan li Lokꞌlaj Ca̱x riqꞌuin li cha̱bil tzꞌu̱m rix li tzꞌiꞌ haꞌ. Ut teꞌxjel jun li tꞌicr rax saꞌ xbe̱n ut teꞌxqꞌue saꞌ xnaꞌajeb li cheꞌ li teꞌxpako cuiꞌ.