Éxodo 24:4 - Li Santil hu

⁴ Ut chixjunil li cꞌaꞌru quixye li Dios, quixtzꞌi̱ba retalil saꞌ jun li hu laj Moisés. Joꞌ cuulajak chic nak toj ekꞌela laj Moisés quicuacli ut quixyi̱b jun li artal saꞌ xto̱n li tzu̱l. Quixyi̱b ajcuiꞌ riqꞌuin pec cablaju li okech ut quixxakab aran. Li cablaju chi okech, aꞌan retalil li cablaju xte̱paleb aj Israel.

Q'eqchi Bible

⁴ Toja' naq laj Moisés kixtz'iib'a chixjunil li raatin li Qaawa' ut, naq kiwakliik eq'la, kixyiib' jun li artal sa' xtoon li tzuul ut kixxaqab' kab'laju chi ninqi pek sa' xk'ab'a' li kab'laju xteepaleb' aj Israel.

Éxodo 24:4 ပူးပေါင်းရင်းမြစ်များ

Deuteronomio 31:9

Ut laj Moisés quixtzꞌi̱ba li chakꞌrab aꞌin ut quixqꞌue reheb laj tij, eb li ralal laj Leví. Aꞌan eb li nequeꞌcꞌamoc re li Lokꞌlaj Ca̱x li cuan cuiꞌ li contrato li quixba̱nu li Ka̱cuaꞌ. Ut quixqꞌue ajcuiꞌ reheb li cui̱nk li nequeꞌcꞌamoc be saꞌ xya̱nkeb laj Israel.

Génesis 28:18

Joꞌ cuulajak chic nak quisake̱u, laj Jacob quixchap li pec li quixqꞌue chokꞌ xsoc xjolom. Ut li pec aꞌan quixxakab ut quixqꞌue li aceite saꞌ xbe̱n. Aꞌan quixba̱nu chokꞌ retalil nak li naꞌajej aꞌan kꞌaxal lokꞌ.

Apocalipsis 21:14

Cablaju li pec li qui-oc chokꞌ xcimiento li tzꞌac li sutsu cuiꞌ li tenamit. Ut chiruheb aꞌan tzꞌi̱banbil retalileb lix cꞌabaꞌeb li cablaju chi apóstol li queꞌcꞌanjelac chiru li Jun li chanchan carner.

Gálatas 2:9

Laj Jacobo, laj Pedro ut laj Juan, aꞌaneb aj cꞌamol be saꞌ xya̱nkeb laj pa̱banel. Nak queꞌxqꞌue retal nak sicꞌbil cuu xban li Dios, queꞌxqꞌue li rukꞌeb cue ut re laj Bernabé. Aꞌan retalil nak kacomon kib chi cꞌanjelac chiru li Dios. Ut xkacꞌu̱b ru nak la̱in ut laj Bernabé tocꞌanjelak saꞌ xya̱nkeb li ma̱cuaꞌeb aj judío ut eb aꞌan teꞌcꞌanjelak saꞌ xya̱nkeb laj judío.

San Lucas 22:30

La̱ex texcuaꞌak ut tex-ucꞌak saꞌ lin me̱x nak cua̱nkin saꞌ lin cuanquil. Ut la̱ex texcꞌojla̱k saꞌ le̱ cꞌojariba̱l ut texrakok a̱tin saꞌ xbe̱neb li cablaju xte̱paleb laj Israel, chan li Jesús.

Esdras 6:17

Nak queꞌxninkꞌei ru lix templo li Dios, queꞌxmayeja jun ciento li toro, cuib ciento li carner, ut ca̱hib ciento li carner li toj sa̱jeb. Ut queꞌxmayeja ajcuiꞌ cablaju li te̱lom chiba̱t re xtzꞌa̱manquil xcuybal xma̱queb chixjunileb laj Israel. Queꞌxmayeja li cablaju chi chiba̱t xban nak cablaju xte̱paleb li ralal xcꞌajol laj Israel.

1 Reyes 11:30

Li profeta Ahías quirisi li aqꞌuil tꞌicr li lanlo cuiꞌ ut quixpej. Cablaju peda̱s quirisi nak quixpej.

Josué 4:20

Saꞌ ajcuiꞌ li naꞌajej aꞌan quixtus li cablaju chi pec laj Josué li queꞌrisi saꞌ li nimaꞌ Jordán.

Números 17:2

—Ta̱ye reheb li cablaju li nequeꞌjolomin reheb li junju̱nk xte̱paleb laj Israel nak teꞌxcꞌam junju̱nk li xukꞌ a̱cuiqꞌuin. Ut la̱at ta̱tzꞌi̱ba xcꞌabaꞌ li junju̱nk chiru lix xukꞌ.

Levítico 24:5

Riqꞌuin li cha̱bil cꞌaj te̱yi̱b cablaju li caxlan cua. Numenak cuakxakib libra li cꞌaj te̱qꞌue re li junju̱nk chi caxlan cua.

Éxodo 28:21

Tento nak te̱qꞌue cablaju li pec xban nak cablaju xte̱paleb li ralal xcꞌajol laj Israel. Chiru li junju̱nk chi pec aꞌan te̱tzꞌi̱ba lix cꞌabaꞌ chixju̱nkaleb li ralal xcꞌajol laj Israel. Juchꞌbil te̱ba̱nu joꞌ nak nequeꞌxyi̱b jun li chꞌi̱chꞌ re xyi̱banquil li sello.

Génesis 31:45

Laj Jacob quixchap jun li pec ut quixxakab saꞌ li chꞌochꞌ.

Génesis 28:22

Li pec aꞌin xinxakab anakcuan chokꞌ retalil nak li naꞌajej aꞌin, aꞌan re xlokꞌoninquil li Ka̱cuaꞌ Dios, chan. Ut laj Jacob quixye re li Dios, —La̱in tinmayeja cha̱cuu li junju̱nk saꞌ xlaje̱tkil re chixjunil li cꞌaꞌru ta̱qꞌue cue, chan.

Éxodo 17:14

Ut li Dios quixye re laj Moisés: —Ta̱tzꞌi̱ba retalil aꞌin saꞌ junak hu re nak junelic cua̱nk saꞌ xchꞌo̱leb. Ta̱ye re laj Josué nak la̱in tinrakok a̱tin saꞌ xbe̱neb laj Amalec ut teꞌosokꞌ chixjunileb, chan.

Éxodo 17:15

Laj Moisés quixyi̱b jun li artal ut quixqꞌue chokꞌ xcꞌabaꞌ Jehová-nisi. Li cꞌabaꞌej aꞌan naraj naxye: “li Ka̱cuaꞌ Dios naxqꞌue kacuanquil”.

Éxodo 21:1

Aꞌan aꞌin li chakꞌrab li tento teꞌxba̱nu li tenamit:

Éxodo 24:7

Laj Moisés quixchap li hu li quixtzꞌi̱ba cuiꞌ chixjunil lix contrato li Dios. Quiril xsaꞌ li hu chiruheb chixjunileb li tenamit ut eb li tenamit queꞌxye: —Chixjunil li xye li Dios, takaba̱nu ut takapa̱b li cꞌaꞌru naxye, chanqueb.

Éxodo 34:27

Ut li Ka̱cuaꞌ Dios quixye re laj Moisés: —Ta̱tzꞌi̱baheb li a̱tin aꞌin. Riqꞌuin li a̱tin aꞌin xinba̱nu lin contrato a̱cuiqꞌuin ut joꞌ ajcuiꞌ riqꞌuineb laj Israel.—

Isaías 19:19

Saꞌ eb li cutan aꞌan ta̱cua̱nk jun li artal re xlokꞌoninquil li Ka̱cuaꞌ aran Egipto. Ut ta̱cua̱nk ajcuiꞌ jun li pec najt xteram saꞌ li nuba̱l re xqꞌuebal xlokꞌal li Ka̱cuaꞌ.

Génesis 12:7

Saꞌ li naꞌajej aꞌan quia̱tinac li Dios riqꞌuin laj Abram ut quixye re, —Saꞌ jun cutan tinqꞌue chixjunil li naꞌajej aꞌin reheb la̱ cualal a̱cꞌajol, chan li Dios. Joꞌcan nak laj Abram quixtus li pec ut quixyi̱b jun lix artal re xlokꞌoninquil li Ka̱cuaꞌ Dios.

Josué 4:5

Ut quixye reheb: —Numenkex chi ubej chiru lix Lokꞌlaj Ca̱x li Ka̱cuaꞌ, li cuan saꞌ xyi li nimaꞌ. Che̱junju̱nkal te̱sicꞌ jun li pec ut te̱cꞌam saꞌ xbe̱n e̱tel ut texnumekꞌ jun pacꞌal li nimaꞌ. Li cablaju chi pec, aꞌan retalil li cablaju te̱p chi tenamit.

1 Reyes 18:31

Laj Elías quixchap cablaju li pec. Aꞌan retalil li cablaju xte̱paleb li ralal xcꞌajol laj Jacob, li quiqꞌueheꞌ aj Israel chokꞌ xcꞌabaꞌ xban li Ka̱cuaꞌ.

Nehemías 10:1

Aꞌaneb aꞌin li queꞌxqꞌue xcꞌabaꞌ saꞌ li contrato li kayi̱b: La̱in laj Nehemías li gobernador. La̱in li ralal laj Hacalías. Ut eb laj tij li queꞌxqꞌue xcꞌabaꞌ, aꞌaneb aꞌin: laj Sedequías,