Éxodo 24:3 - Li Santil hu

³ Ut quichal laj Moisés, quixserakꞌi re li tenamit li ra̱tin li Dios joꞌ ajcuiꞌ lix chakꞌrab. Queꞌjunajoꞌ lix chꞌo̱leb ut queꞌxye: —Chixjunil li cꞌaꞌru xye li Dios, aꞌan li takaba̱nu, chanqueb.

Q'eqchi Bible

³ Kichalk laj Moisés ut kixye re li tenamit chixjunileb' li raatin li Qaawa' jo' ajwi' li xchaq'rab'. Ut chixjunileb' li tenamit ke'xsume chi junaj xyaab'eb' xkux: “Taaqapaab' chixjunil li aatin xye li Qaawa'”, chankeb'.

Éxodo 24:3 ပူးပေါင်းရင်းမြစ်များ

Éxodo 19:8

Junajeb lix chꞌo̱l eb laj Israel nak queꞌxye: —Takaba̱nu chixjunil li quixye li Dios, chanqueb. Laj Moisés quixye re li Ka̱cuaꞌ Dios li cꞌaꞌru queꞌxye.

Éxodo 24:7

Laj Moisés quixchap li hu li quixtzꞌi̱ba cuiꞌ chixjunil lix contrato li Dios. Quiril xsaꞌ li hu chiruheb chixjunileb li tenamit ut eb li tenamit queꞌxye: —Chixjunil li xye li Dios, takaba̱nu ut takapa̱b li cꞌaꞌru naxye, chanqueb.

Josué 24:22

Ut laj Josué quixye ajcuiꞌ reheb: —Anakcuan xeye nak texcꞌanjelak chiru li Ka̱cuaꞌ. La̱ex ajcuiꞌ xexyehoc re. Cheqꞌuehak retal le̱ ra̱tin, chan. Queꞌchakꞌoc ut queꞌxye: —Ya̱l nak la̱o xoyehoc re, chanqueb.

Deuteronomio 6:1

Aꞌaneb aꞌin li chakꞌrab ut le̱ taklanquil li quixye li Ka̱cuaꞌ le̱ Dios nak tincꞌut che̱ru re nak te̱ba̱nu nak cua̱nkex saꞌ li naꞌajej li oc e̱re chire̱chaninquil anakcuan.

Deuteronomio 5:1

Laj Moisés quixchꞌutubeb chixjunileb laj Israel ut quixye reheb: —La̱ex aj Israel, abihomak li chakꞌrab ut le̱ taklanquil li oc cue chixyebal e̱re anakcuan. Chetzolak chi us li chakꞌrab ut qꞌuehomak e̱chꞌo̱l chixba̱nunquil.

Deuteronomio 4:45

Aꞌaneb aꞌin li chakꞌrab, li xtaklanquileb ut li tijleb li quixqꞌue laj Moisés nak ac xeꞌel chak Egipto.

Deuteronomio 4:5

Qꞌuehomak retal. La̱in quinchꞌolob che̱ru chixjunil li quixye li Ka̱cuaꞌ ut quincꞌut che̱ru chixjunil lix chakꞌrab li Dios joꞌ quinixtakla cuiꞌ. Cheba̱nu chixjunil lix chakꞌrab li Ka̱cuaꞌ nak ac cua̱nkex saꞌ li naꞌajej li oc e̱re chire̱chaninquil anakcuan.

Deuteronomio 4:1

Laj Moisés quixye reheb: —Anakcuan ut ex aj Israel, cherabihak li chakꞌrab ut li tijleb li yo̱quin chixyebal e̱re. Cheba̱nuhak li cꞌaꞌru naxye li chakꞌrab re nak ta̱cua̱nk le̱ yuꞌam ut tex-oc saꞌ li naꞌajej li tixqꞌue e̱re li Ka̱cuaꞌ lix Dioseb li kaxeꞌto̱nil yucuaꞌ.

Deuteronomio 11:1

Cherahak biꞌ li Ka̱cuaꞌ le̱ Dios ut te̱ba̱nu li cꞌaꞌru naxye saꞌ li chakꞌrab ut le̱ taklanquil xban. Junelic te̱ba̱nu li cꞌaꞌru naxye ut li cꞌaꞌru tenebanbil saꞌ e̱be̱n xba̱nunquil.

Deuteronomio 5:31

Abanan, la̱at tatcha̱lk cuiꞌchic ut tatcana̱k arin cuiqꞌuin re nak ta̱ru̱k tinqꞌue a̱cue chixjunileb li chakꞌrab, ut le̱ taklanquil ut le̱ tijbal. Ut la̱at ta̱cꞌut chiruheb re nak teꞌxba̱nu chi joꞌcan saꞌ li naꞌajej li tinqꞌue reheb”, chan li Ka̱cuaꞌ.

Éxodo 24:2

Ut la̱at, at Moisés, a̱junes tatcha̱lk toj arin cuiqꞌuin. Eb li jun chꞌol chic teꞌcana̱k aran. Chi ti̱c incꞌaꞌ teꞌtakekꞌ chak arin. Teꞌcana̱k takꞌa, chan li Dios.

Josué 24:24

Ut queꞌxye re: —La̱o tocꞌanjelak chiru li Ka̱cuaꞌ li kaDios ut takaba̱nu li cꞌaꞌru tixye ke, chanqueb.

Jeremías 11:4

Aꞌan li contrato li quinba̱nu riqꞌuineb le̱ xeꞌto̱nil yucuaꞌ nak quicuisiheb aran Egipto saꞌ li naꞌajej li chanchan horno li lochlo xamlel. La̱in quinye reheb, “Chex-abi̱nk chicuu ut te̱ba̱nu chixjunil li cꞌaꞌru ninye e̱re. Cui te̱ba̱nu aꞌan, la̱exak lin tenamit ut la̱inak le̱ Dios.

Jeremías 34:13

—La̱in li Ka̱cuaꞌ lix Dioseb laj Israel. La̱in quinba̱nu jun li contrato riqꞌuineb le̱ xeꞌto̱nil yucuaꞌ nak quicuisiheb saꞌ li naꞌajej Egipto li queꞌcuan cuiꞌ chak chokꞌ rahobtesinbil mo̱s. Quinye reheb:

Malaquías 2:10

¿Cꞌaꞌut nak toj nequesicꞌ ru li junju̱nk? ¿Ma incꞌaꞌ ta biꞌ jun ajcuiꞌ li kaYucuaꞌ? ¿Ma incꞌaꞌ ta biꞌ jun ajcuiꞌ li Dios li quiyoꞌobtesin ke? ¿Cꞌaꞌut nak nequeba̱nu chi joꞌcan riqꞌuineb le̱ ras e̱ri̱tzꞌin? ¿Cꞌaꞌut nak incꞌaꞌ nequeba̱nu chi tzꞌakal? ¿Cꞌaꞌut nak nequetzꞌekta̱na li contrato li quixba̱nu li Dios riqꞌuineb li kaxeꞌto̱nil yucuaꞌ?

Josué 24:21

Ut eb li tenamit queꞌchakꞌoc ut queꞌxye: —Incꞌaꞌ ta̱cꞌulma̱nk chi joꞌcan. La̱o tocꞌanjelak chiru li Ka̱cuaꞌ, chanqueb.

2 Crónicas 15:14

Queꞌxba̱nu jun li juramento chiru li Ka̱cuaꞌ chi cau xya̱b xcuxeb ut chi saheb saꞌ xchꞌo̱l ut queꞌxya̱basiheb li trompeta ut eb li xucub.

2 Crónicas 15:15

Chixjunileb laj Judá queꞌsahoꞌ xchꞌo̱leb xban li contrato li queꞌxba̱nu xban nak queꞌxba̱nu chi anchaleb xchꞌo̱l. Queꞌxsicꞌ li Ka̱cuaꞌ chi anchaleb xchꞌo̱l ut queꞌxtau. Joꞌcan nak li Ka̱cuaꞌ quixqꞌueheb chi cua̱nc saꞌ tuktu̱quil usilal riqꞌuineb li cuanqueb chi xjun sutam.

Salmos 50:5

Li Dios tixye: —Chꞌutubomakeb ruheb li ti̱queb xchꞌo̱l chicuu. Aꞌan eb li queꞌxba̱nu li contrato cuiqꞌuin ut queꞌxxakab xcuanquil riqꞌuin li cꞌatbil mayej, chaꞌak reheb.

Hageo 2:5

Nak quex-el chak aran Egipto, la̱in quinye e̱re nak cua̱nkin e̱riqꞌuin. Ut chalen anakcuan cuanquin e̱riqꞌuin. Joꞌcan nak mexxucuac.