Éxodo 24:2 - Li Santil hu

² Ut la̱at, at Moisés, a̱junes tatcha̱lk toj arin cuiqꞌuin. Eb li jun chꞌol chic teꞌcana̱k aran. Chi ti̱c incꞌaꞌ teꞌtakekꞌ chak arin. Teꞌcana̱k takꞌa, chan li Dios.

Q'eqchi Bible

² Ka'ajwi' laa'at, a Moisés, tatnach'oq wik'in; ut eb' li junch'ol ink'a', chi moko rochb'eenaqeb' ta li tenamit naq te'taqe'q chaq”.

Éxodo 24:2 ပူးပေါင်းရင်းမြစ်များ

Éxodo 24:18

Tojoꞌnak laj Moisés mas cuiꞌchic quitakeꞌ chiru li tzu̱l ut qui-oc saꞌ li chok. Ut caꞌcꞌa̱l (40) cutan ut caꞌcꞌa̱l kꞌojyi̱n quicuan aran.

Éxodo 24:15

Tojoꞌnak laj Moisés quitakeꞌ chiru li tzu̱l ut li tzu̱l aꞌan sutsu saꞌ chok.

Éxodo 24:13

Laj Moisés co̱ toj takecꞌ chiru li tzu̱l li sicꞌbil ru xban li Dios, rochben laj Josué laj cꞌanjel chiru.

Hebreos 9:24

Li Cristo incꞌaꞌ nacꞌanjelac saꞌ junak tabernáculo yi̱banbil xbaneb li cui̱nk. Nacꞌanjelac ban saꞌ choxa. Li tabernáculo quicuan, aꞌan yal retalil li choxa. Li Jesucristo co̱ saꞌ choxa ut anakcuan aran yo̱ chi jaloc a̱tin chikix chiru li Dios.

Jeremías 49:19

La̱in tincuisiheb laj Edom saꞌ lix naꞌajeb chi junpa̱t. Chanchanakin jun li cakcoj li na-el saꞌ li qꞌuicheꞌ chire li nimaꞌ Jordán chixsicꞌbal xtzacae̱mk. La̱in tinsicꞌ ru junak ut aꞌan tinqꞌue chi cꞌanjelac saꞌ li naꞌajej aꞌan. ¿Ma ma̱cuaꞌ ta biꞌ la̱in ya̱l cue? ¿Ma cuan ta biꞌ junak ta̱numta̱k chicuu la̱in? ¿Ma cuan ta biꞌ junak ta̱ru̱k tixxakab rib chicuu? chan li Dios.

Jeremías 30:21

Saꞌ xya̱nkeb ajcuiꞌ aꞌan ta̱e̱lk chak li ta̱cꞌamok be chiruheb. Li ani ta̱takla̱nk saꞌ xbe̱neb la̱in tinsicꞌ ru saꞌ xya̱nkeb. Aꞌan ta̱a̱tinak cuiqꞌuin ut la̱in tincuabi. ¿Ma cuan ta biꞌ junak ta̱ru̱k ta̱a̱tinak cuiqꞌuin cui la̱in incꞌaꞌ tinbok?

Números 16:5

Ut quixye reheb laj Coré ut eb li nequeꞌoquen chirix: —Chiru li ekꞌela cuulaj li Ka̱cuaꞌ tixcꞌut chiku ani li sicꞌbil ru ut ani li santobresinbil ut tixqꞌue li jun aꞌan chi nachꞌoc riqꞌuin. Li ani tixsicꞌ ru li Ka̱cuaꞌ tixqꞌue chi nachꞌoc riqꞌuin.

Éxodo 20:21

Li tenamit xakxo̱queb chi najt ut laj Moisés yo̱ chi nachꞌoc riqꞌuin li chok li moymo ru bar cuan cuiꞌ li Dios.

Éxodo 24:1

Li Dios quia̱tinac riqꞌuin laj Moisés ut quixye re: —Quimkex. Takenkex chak chiru li tzu̱l bar cuanquin cuiꞌ. Ut teꞌcha̱lk a̱cuochben laj Aarón, laj Nadab, ut laj Abiú. Teꞌcha̱lk ajcuiꞌ laje̱b xca̱cꞌa̱l (70) li cui̱nk li nequeꞌcꞌamoc be chiruheb laj Israel. Ut aran chi najt caꞌchꞌinak tineꞌxlokꞌoni.

Éxodo 24:3

Ut quichal laj Moisés, quixserakꞌi re li tenamit li ra̱tin li Dios joꞌ ajcuiꞌ lix chakꞌrab. Queꞌjunajoꞌ lix chꞌo̱leb ut queꞌxye: —Chixjunil li cꞌaꞌru xye li Dios, aꞌan li takaba̱nu, chanqueb.

Éxodo 19:12

Ta̱qꞌue retalil chire li tzu̱l re nak li tenamit incꞌaꞌ teꞌnumekꞌ ut ta̱ye reheb nak cheꞌxba̱nu cue̱nt nak incꞌaꞌ teꞌtakekꞌ chiru li tzu̱l ut incꞌaꞌ naru teꞌxqꞌue li rok aran chire. Li ani tixqꞌue li rok aran ta̱ca̱mk.