Éxodo 24:12 - Li Santil hu

¹² Li Dios quixye re laj Moisés: —Taken chak saꞌ xbe̱n li tzu̱l li cuanquin cuiꞌ. Ut aran tat-oybeni̱nk. La̱in tinqꞌue a̱cue li perpo̱quil pec li xintzꞌi̱ba cuiꞌ lin chakꞌrab re xchꞌolobanquil xya̱lal chiruheb li tenamit, chan li Dios.

Q'eqchi Bible

¹² Kixye li Qaawa' re laj Moisés: “Taqen chaq toj wik'in, sa' xb'een li tzuul; kanaaqat aran ut tink'eheb' aawe li perpookil pek, a'eb' li chaq'rab' ut eb' lintaqlahom li xintz'iib'a re xtijb'aleb' laj Israel”.

Éxodo 24:12 ပူးပေါင်းရင်းမြစ်များ

Deuteronomio 5:22

Aꞌaneb aꞌin li chakꞌrab li quixqꞌue e̱re li Ka̱cuaꞌ nak chꞌutchꞌu̱quex che̱junilex saꞌ xto̱n li tzu̱l. Li Ka̱cuaꞌ quia̱tinac chi cau xya̱b xcux saꞌ li xam, ut saꞌ li chok li kꞌojyi̱n ru. Ut ma̱cꞌaꞌ chic quixye. Chirix aꞌan quixtzꞌi̱ba li chakꞌrab aꞌan chiru li cuib chi perpo̱quil pec, ut quixqꞌue cue li pec aꞌan.

Éxodo 31:18

Nak quirakeꞌ chi a̱tinac li Dios riqꞌuin laj Moisés saꞌ li tzu̱l Sinaí, quixkꞌaxtesi li cuib chi perpo̱quil pec re, li quixtzꞌi̱ba cuiꞌ li chakꞌrab.

Hebreos 9:4

Aran cuan jun xcꞌatbal li pom yi̱banbil riqꞌuin oro, ut cuan ajcuiꞌ jun li Lokꞌlaj Ca̱x letzbil oro chirix. Chi saꞌ li Lokꞌlaj Ca̱x aꞌan cuan li xar oro bar cuiꞌ cꞌu̱lanbil li maná. Cꞌu̱lanbil ajcuiꞌ saꞌ li ca̱x lix xukꞌ laj Aarón li quituxmec ut qui-atzꞌumac. Ut cꞌu̱lanbil ajcuiꞌ aran li cuib chi pec ti̱c ru li tzꞌi̱banbil cuiꞌ li laje̱b chi chakꞌrab.

2 Corintios 3:3

Le̱ yuꞌam la̱ex chanchan jun li hu tzꞌi̱banbil xban li Cristo. Ut la̱o xkachꞌolob lix ya̱lal che̱ru. Li hu aꞌin moco tzꞌi̱banbil ta chiru pec chi moco tzꞌi̱banbil ta riqꞌuin tinta. Tzꞌi̱banbil ban saꞌ le̱ ra̱m xban lix Musikꞌ li yoꞌyo̱quil Dios.

Jeremías 31:33

Li acꞌ contrato tinba̱nu riqꞌuineb laj Israel nak ta̱cuulak xkꞌehil, aꞌan aꞌin: Tinqꞌue chi cua̱nc lin chakꞌrab saꞌ li ra̱meb ut tinqꞌue chi cua̱nc saꞌ lix chꞌo̱leb. La̱inak lix Dioseb ut aꞌanakeb lin tenamit.

2 Corintios 3:7

Li chakꞌrab li quiqꞌueheꞌ re laj Moisés tzꞌi̱banbil chiru pec ut quicꞌutun xlokꞌal li Dios nak quixqꞌue li chakꞌrab aꞌin. Quilemtzꞌun li riloba̱l laj Moisés ut eb laj Israel incꞌaꞌ queꞌxcuy rilbal usta junpa̱t ajcuiꞌ quicuan saꞌ li riloba̱l laj Moisés lix lokꞌal li Dios. Li najter chakꞌrab aꞌin li quicꞌamoc chak re li ca̱mc saꞌ kabe̱n quicꞌulun riqꞌuin xlokꞌal li Dios.

Deuteronomio 4:14

Li Ka̱cuaꞌ quixye cue nak tento tincꞌut che̱ru chixjunil li chakꞌrab re nak te̱ba̱nu nak ac cua̱nkex chic saꞌ li naꞌajej li oc e̱re chire̱chaninquil anakcuan.

Éxodo 24:18

Tojoꞌnak laj Moisés mas cuiꞌchic quitakeꞌ chiru li tzu̱l ut qui-oc saꞌ li chok. Ut caꞌcꞌa̱l (40) cutan ut caꞌcꞌa̱l kꞌojyi̱n quicuan aran.

Éxodo 24:15

Tojoꞌnak laj Moisés quitakeꞌ chiru li tzu̱l ut li tzu̱l aꞌan sutsu saꞌ chok.

Éxodo 24:2

Ut la̱at, at Moisés, a̱junes tatcha̱lk toj arin cuiqꞌuin. Eb li jun chꞌol chic teꞌcana̱k aran. Chi ti̱c incꞌaꞌ teꞌtakekꞌ chak arin. Teꞌcana̱k takꞌa, chan li Dios.

San Mateo 5:19

Li ani naxkꞌet li chakꞌrab, usta nacꞌutun nak incꞌaꞌ nim xcuanquil chiru aꞌan, ut cui naxcꞌut chiru li ras ri̱tzꞌin xba̱nunquil chi joꞌcan, li jun aꞌan kꞌaxal caꞌchꞌin lix lokꞌal ta̱qꞌuehekꞌ re saꞌ lix nimajcual cuanquilal li Dios. Abanan li ani naxba̱nu chi tzꞌakal li naxye li chakꞌrab, ut tixcꞌut chiru li ras ri̱tzꞌin xba̱nunquil chi joꞌcan, li jun aꞌan kꞌaxal nim lix lokꞌal ta̱qꞌuehekꞌ re saꞌ lix nimajcual cuanquilal li Dios.

Nehemías 9:13

Saꞌ xbe̱n li tzu̱l Sinaí cat-a̱tinac riqꞌuineb. Toj saꞌ choxa cacua̱tinaheb chak. Caqꞌue la̱ chakꞌrab reheb re nak teꞌcua̱nk saꞌ ti̱quilal. Tzꞌakal re ru ut cha̱bil li chakꞌrab li caqꞌue reheb.

Esdras 7:10

Laj Esdras quixqꞌue xchꞌo̱l chixtzolbal ut chixba̱nunquil li naxye saꞌ li chakꞌrab li qꞌuebil xban li Ka̱cuaꞌ. Ut quixqꞌue ajcuiꞌ xchꞌo̱l chixchꞌolobanquil lix ya̱lal li tzꞌi̱banbil saꞌ li chakꞌrab reheb laj Israel.

Éxodo 34:1

Li Dios quixye re laj Moisés: —Ta̱ti̱cobresi ru cuibak li pec joꞌ li cuib li xajor junxil. Ut chiruheb aꞌan la̱in tintzꞌi̱ba lin chakꞌrab li xcuan chiruheb li xajor.

Deuteronomio 5:31

Abanan, la̱at tatcha̱lk cuiꞌchic ut tatcana̱k arin cuiqꞌuin re nak ta̱ru̱k tinqꞌue a̱cue chixjunileb li chakꞌrab, ut le̱ taklanquil ut le̱ tijbal. Ut la̱at ta̱cꞌut chiruheb re nak teꞌxba̱nu chi joꞌcan saꞌ li naꞌajej li tinqꞌue reheb”, chan li Ka̱cuaꞌ.

1 Reyes 19:11

Ut li Ka̱cuaꞌ quixye re: —Elen saꞌ li ochoch pec ut xaklin saꞌ xbe̱n li tzu̱l arin chicuu, chan. Saꞌ ajcuiꞌ li ho̱nal aꞌan quinumeꞌ li Ka̱cuaꞌ ut quinumeꞌ ajcuiꞌ jun cacuil ikꞌ re xcꞌutbesinquil lix cuanquil. Kꞌaxal cau quinumeꞌ li ikꞌ toj retal quilajjacheꞌ li tzu̱l ut eb li pec quilajeꞌjoreꞌ. Abanan li Dios toj ma̱jiꞌ naa̱tinac riqꞌuin laj Elías. Nak ac xnumeꞌ li ikꞌ, quixqꞌue hi̱c, abanan toj ma̱jiꞌ naa̱tinac li Ka̱cuaꞌ riqꞌuin laj Elías.

Éxodo 19:3

Ut laj Moisés quitakeꞌ chiru li tzu̱l ut aran quia̱tinac li Ka̱cuaꞌ Dios riqꞌuin. Quixye re: —Tat-a̱tinak riqꞌuineb li ralal xcꞌajol laj Jacob.

Éxodo 32:1

Eb li cristian queꞌxqꞌue retal nak laj Moisés quibay chak chi sukꞌi̱c saꞌ li tzu̱l. Queꞌxchꞌutub rib chiru laj Aarón ut queꞌxye re: —Ta̱yi̱b kadios re teꞌcꞌamok be chiku. Incꞌaꞌ nakanau cꞌaꞌru xcꞌul chak laj Moisés, li qui-isin chak ke saꞌ li tenamit Egipto, chanqueb.

Nehemías 9:14

Ut caqꞌue ajcuiꞌ reheb li chakꞌrab chirix li hiloba̱l cutan li kꞌaxal lokꞌ cha̱cuu. Li chakꞌrab aꞌin ac quicꞌuteꞌ ajcuiꞌ chak chiruheb xban laj Moisés laj cꞌanjel cha̱cuu.

Salmos 19:12

Cuan nak nocoma̱cob chi incꞌaꞌ nakaqꞌue retal. Joꞌcan nak nintzꞌa̱ma cha̱cuu nak ta̱cuy li ma̱c li ninba̱nu chi incꞌaꞌ ninqꞌue retal.