Éxodo 24:11 - Li Santil hu

¹¹ Li Dios incꞌaꞌ quixcamsiheb li cui̱nk li nequeꞌcꞌamoc be chiruheb laj Israel. Queꞌril ru li Dios ut incꞌaꞌ queꞌcam. Aran saꞌ li naꞌajej aꞌan queꞌcuaꞌac ut queꞌucꞌac.

Q'eqchi Bible

¹¹ Ab'an li Qaawa' ink'a' kixrahob'tesi eb' li xb'eenil aj Israel; eb' a'in ke'ril ru li Yos, ut ke'wa'ak ke'uk'ak chi maak'a' ke'xk'ul.

Éxodo 24:11 ပူးပေါင်းရင်းမြစ်များ

Éxodo 18:12

Ut laj Jetro quixqꞌue lix cꞌatbil mayej chiru li Ka̱cuaꞌ Dios. Laj Aarón rochbeneb li cui̱nk li nequeꞌcꞌamoc be saꞌ xya̱nkeb laj Israel, queꞌchal ut queꞌcuaꞌac rochben re xlokꞌoninquil li Ka̱cuaꞌ Dios.

Éxodo 19:21

Li Ka̱cuaꞌ quixye re laj Moisés: —Cuben. Ayu. Ta̱ye reheb li cristian nak meꞌjiloc chak arin chicuilbal. Cui nequeꞌjiloc chak arin teꞌca̱mk.

Génesis 31:54

Ut laj Jacob quixlokꞌoni li Ka̱cuaꞌ Dios saꞌ li tzu̱l aꞌan ut quixqꞌue lix mayej chiru. Ut quixbokeb ajcuiꞌ li rechꞌalal chi cuaꞌac. Queꞌcuaꞌac chixjunileb ut saꞌ li tzu̱l queꞌxnumsi li kꞌojyi̱n.

Génesis 16:13

Lix Agar quixye: —La̱at li Ka̱cuaꞌ Dios li nacat-iloc cue, chan re li Dios. Ut quixye cuiꞌchic, —Arin saꞌ li chaki chꞌochꞌ li Dios xcꞌutbesi rib chicuu ut moco xincam ta nak xcuil ru, chan.

Jeremías 14:3

Eb li cuanqueb xcuanquil nequeꞌxtakla lix mo̱seb chixsicꞌbal li haꞌ. Nequeꞌxic cuan cuiꞌ lix julel li haꞌ abanan incꞌaꞌ nequeꞌxtau li haꞌ xban nak chaki. Ma̱cꞌaꞌ xsaꞌ lix cuqueb nak nequeꞌsukꞌi li mo̱s. Yo̱queb chi cꞌoxlac ut nequeꞌxtzꞌap li ru xban xxuta̱neb.

Eclesiastés 9:7

Joꞌcan nak anakcuan chatcuaꞌak chi sa saꞌ a̱chꞌo̱l ut chacuucꞌak li vino riqꞌuin sahil chꞌo̱lej xban nak li Dios ma̱cꞌaꞌ naxye riqꞌuin li cꞌaꞌru nacaba̱nu.

Nehemías 2:16

Eb li nequeꞌtaklan saꞌ li tenamit incꞌaꞌ queꞌxnau bar co̱in chi moco queꞌxnau cꞌaꞌru quinba̱nu chak. Chi moco quinye reheb laj judío, chi moco laj tij, chi moco li cuanqueb saꞌ xcuanquil. Chi moco eb li teꞌtenkꞌa̱nk saꞌ li cꞌanjel aꞌin queꞌxnau cꞌaꞌru yo̱quin.

2 Crónicas 23:20

Chirix aꞌan laj Joiada quixcꞌam rochben eb li nequeꞌtaklan saꞌ xbe̱neb li soldado, eb li cuanqueb xcuanquil ut eb li nequeꞌtaklan saꞌ xbe̱neb li tenamit, joꞌ eb ajcuiꞌ chixjunileb li tenamit. Queꞌrisi li rey Joás saꞌ lix templo li Ka̱cuaꞌ. Ut queꞌxcꞌam saꞌ li palacio. Queꞌoc saꞌ li nimla oqueba̱l. Ut queꞌxcꞌojob li rey Joás saꞌ li cꞌojariba̱l li nequeꞌcꞌojla cuiꞌ eb li rey.

1 Reyes 21:8

Ut lix Jezabel quixtzꞌi̱ba li hu saꞌ xcꞌabaꞌ li rey Acab ut quixqꞌue li retalil lix matkꞌab chiru. Quixtakla li hu aꞌan riqꞌuineb laj cꞌamol be ut riqꞌuineb li nequeꞌtaklan saꞌ lix tenamit laj Nabot.

Jueces 13:22

Laj Manoa quixye re li rixakil: —Relic chi ya̱l nak toca̱mk xban nak xkil ru li Dios, chan.

Jueces 5:13

Eb laj Israel queꞌco̱eb chi pletic. Eb laj Israel, lix tenamit li Dios, queꞌco̱eb chi pletic riqꞌuineb li cuanqueb xcuanquil.

Deuteronomio 12:7

Saꞌ li naꞌajej aꞌan texcuaꞌak chiru li Ka̱cuaꞌ le̱ Dios ut ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol xban nak li Ka̱cuaꞌ le̱ Dios xexrosobtesi.

Deuteronomio 4:33

¿Ma cuanqueb ta biꞌ jalan tenamit queꞌabin re nak li Dios quia̱tinac chak saꞌ li xam ut incꞌaꞌ queꞌcam xban? Abanan la̱ex querabi nak quia̱tinac li Dios ut incꞌaꞌ quexcam.

Números 21:18

Eb li cuanqueb xcuanquil ut eb li nequeꞌcꞌamoc be queꞌxbec li jul haꞌ. Queꞌxbec riqꞌuin lix xukꞌ, chanqueb saꞌ lix bich. Ut chirix aꞌan queꞌel saꞌ li chaki chꞌochꞌ ut queꞌco̱eb Matana.

Éxodo 24:1

Li Dios quia̱tinac riqꞌuin laj Moisés ut quixye re: —Quimkex. Takenkex chak chiru li tzu̱l bar cuanquin cuiꞌ. Ut teꞌcha̱lk a̱cuochben laj Aarón, laj Nadab, ut laj Abiú. Teꞌcha̱lk ajcuiꞌ laje̱b xca̱cꞌa̱l (70) li cui̱nk li nequeꞌcꞌamoc be chiruheb laj Israel. Ut aran chi najt caꞌchꞌinak tineꞌxlokꞌoni.

Génesis 18:18

Laj Abraham, aꞌan li ta̱oc chokꞌ xxeꞌto̱nil yucuaꞌeb li qꞌuila tenamit ut eb aꞌan nimak xcuanquileb. Chixjunileb li tenamit saꞌ ruchichꞌochꞌ teꞌxcꞌul li usilal saꞌ xcꞌabaꞌ laj Abraham.

Números 12:8

La̱in nina̱tinac chi tzꞌakal riqꞌuin. Incꞌaꞌ nina̱tinac riqꞌuin saꞌ jaljo̱quil ru a̱tin. Ut nincꞌutbesi cuib chiru chi tzꞌakal. Cui la̱in nina̱tinac chi tzꞌakal riqꞌuin, ¿cꞌaꞌut nak incꞌaꞌ xexxucuac chixcuechꞌinquil rix laj Moisés laj cꞌanjel chicuu? chan.

Daniel 10:17

At Ka̱cuaꞌ, ¿chan ta ru nak ta̱ru̱k tina̱tinak a̱cuiqꞌuin? La̱in ma̱cꞌaꞌ chic inmetzꞌe̱u ut incꞌaꞌ chic naru ninmusikꞌac.

Salmos 139:5

La̱at junelic cuancat cuiqꞌuin. Cuancat chicuix ut cuancat chicuu ut cuan la̱ cuukꞌ saꞌ inbe̱n.