Éxodo 24:10 - Li Santil hu

¹⁰ Ut eb laj Israel queꞌril ru li Ka̱cuaꞌ Dios li queꞌxlokꞌoni. Rubel rok li Dios cuan li quicꞌutun rax rax ut cutan ru. Chanchan li terto̱quil pec zafiro xcꞌabaꞌ li kꞌaxal rax ru. Chanchan raxil ru li choxa.

Q'eqchi Bible

¹⁰ Aran ke'ril ru li xYos laj Israel: rub'el roq li Qaawa' wank chanchan neb'aal tz'akanb'il rik'in safiro, saqen saqenk kama' xraxal li choxa.

Éxodo 24:10 ပူးပေါင်းရင်းမြစ်များ

San Juan 1:18

Ma̱ ani qui-iloc ru li Dios. Caꞌaj cuiꞌ li Dios Cꞌajolbej, aꞌan tzꞌakal li cuan chi sum a̱tin riqꞌuin li Dios Acuabej. Ut aꞌan li quicꞌutbesin chiku chanru li Dios.

Ezequiel 10:1

Ut quicuil nak saꞌ xbe̱n li chanchan choxa li cuan saꞌ xbe̱neb li querubines quicꞌutun jun li cꞌojariba̱l yi̱banbil riqꞌuin li cha̱bil pec zafiro.

Apocalipsis 4:3

Ut li ani chunchu saꞌ li cꞌojariba̱l, cꞌajoꞌ lix lokꞌal. Li riloba̱l chanchan li cha̱bil pec jaspe malaj ut chanchan li cha̱bil pec cornalina li nalemtzꞌun. Ut lix cꞌojariba̱l sutsu riqꞌuin jun li xo̱quikꞌab chanchan li cha̱bil pec esmeralda nak quicuil.

1 Timoteo 6:16

Li Dios yoꞌyo chi junelic. Ma̱cꞌaꞌ xticlajic ut ma̱cꞌaꞌ rosoꞌjic. Aꞌan cutan saken chi junelic ut ma̱ ani naru na-oc riqꞌuin xban nak kꞌaxal lokꞌ. Incꞌaꞌ ilbil ru chi moco na-ileꞌ ru saꞌ ruchichꞌochꞌ. Chikaqꞌuehak taxak xlokꞌal ut chikalokꞌonihak taxak xban nak kꞌaxal nim lix cuanquilal anakcuan ut chi junelic. Joꞌcan taxak.

Éxodo 33:23

Nak ac xinnumeꞌ, tincuisi li cuukꞌ ut li cuix ta̱cuil. Aban li cuu incꞌaꞌ ta̱cuil, chan li Dios.

Éxodo 33:20

Incꞌaꞌ naru ta̱cuil cuu. Li ani ta̱ilok cuu ta̱ca̱mk, chan li Dios.

Génesis 32:30

Laj Jacob quixqꞌue chokꞌ xcꞌabaꞌ li naꞌajej aꞌan Peniel. Quixqꞌue lix cꞌabaꞌ aꞌin xban nak quixye: —Saꞌ li naꞌajej aꞌin xcuil ru li Ka̱cuaꞌ Dios ut toj yoꞌyo̱quin, chan.

Apocalipsis 21:11

Lix lokꞌal li Dios cuan riqꞌuin. Cꞌajoꞌ xchꞌinaꞌusal. Chanchan jun li terto̱quil pec jaspe. Kꞌaxal xchakꞌal ru ut nalemtzꞌun joꞌ li lem.

1 Juan 4:12

Ma̱ jun qui-iloc ru li Dios. Abanan cui nakara kib chi kibil kib, li Dios cuan kiqꞌuin chi junelic. Ut lix rahom li Dios tzꞌaklojenak ru kiqꞌuin.

San Juan 14:9

Li Jesús quixye re: —At Felipe, ac junxil nin-oc saꞌ e̱ya̱nk. ¿Ma toj ma̱jiꞌ nequenau cuu? Li ani nanaꞌoc cuu la̱in, aꞌan naxnau ajcuiꞌ ru li Yucuaꞌbej. ¿Cꞌaꞌut nak nacaye cue, “Cꞌut chiku li Yucuaꞌbej?”

San Mateo 17:2

Ut nak cuanqueb aran, quijalanoꞌ li riloba̱l li Jesús chiruheb. Ut nalemtzꞌun li riloba̱l joꞌ li sakꞌe ut li rakꞌ saksakpotzꞌin quicꞌutun ut nalemtzꞌun.

Apocalipsis 1:16

Saꞌ lix nim ukꞌ chapcho cuukub li chahim. Ut saꞌ re cuan jun li chꞌi̱chꞌ caꞌ pacꞌal xkꞌesnal. Cꞌajoꞌ nalemtzꞌun li ru. Chanchan nak nalemtzꞌun li sakꞌe.

San Juan 6:46

Aꞌin moco naraj ta naxye nak cuan li queꞌiloc chak ru li Acuabej Dios. Caꞌaj cuiꞌ la̱in ninnaꞌoc ru xban nak riqꞌuin quinchal chak.

Cantares 6:10

¿Ani li ixk aꞌan li kꞌaxal chꞌinaꞌus? Aꞌan chanchan xchꞌinaꞌusal li sakꞌe nak nasake̱u. Ut chanchan xchꞌinaꞌusal li po. Aꞌan xre̱chani li ra̱m li rey. Chanchan nak eb li soldados nequeꞌre̱chani junak li tenamit.

1 Reyes 22:19

Li profeta Micaías quixye ajcuiꞌ: —Qꞌuehomak retal li cꞌaꞌru quixcꞌutbesi chicuu li Ka̱cuaꞌ. Xcuil li Ka̱cuaꞌ cꞌojcꞌo saꞌ lix cꞌojariba̱l saꞌ choxa. Ut chixjunileb lix ángel xakxo̱queb chixcꞌatk. Cuanqueb saꞌ lix nim ukꞌ ut cuanqueb saꞌ lix tzꞌe.

Éxodo 3:6

Ut li Dios quixye ajcuiꞌ: —La̱in lix Dios la̱ xeꞌto̱nil yucuaꞌ. La̱in lix Dios laj Abraham, laj Isaac ut laj Jacob, chan. Laj Moisés quixucuac chirilbal li Dios ut quixmuk li ru.

Éxodo 24:11

Li Dios incꞌaꞌ quixcamsiheb li cui̱nk li nequeꞌcꞌamoc be chiruheb laj Israel. Queꞌril ru li Dios ut incꞌaꞌ queꞌcam. Aran saꞌ li naꞌajej aꞌan queꞌcuaꞌac ut queꞌucꞌac.

Números 12:8

La̱in nina̱tinac chi tzꞌakal riqꞌuin. Incꞌaꞌ nina̱tinac riqꞌuin saꞌ jaljo̱quil ru a̱tin. Ut nincꞌutbesi cuib chiru chi tzꞌakal. Cui la̱in nina̱tinac chi tzꞌakal riqꞌuin, ¿cꞌaꞌut nak incꞌaꞌ xexxucuac chixcuechꞌinquil rix laj Moisés laj cꞌanjel chicuu? chan.

Cantares 5:14

Cꞌajoꞌ xchꞌinaꞌusal li rukꞌ. Chanchan li matkꞌab oro yi̱banbil riqꞌuin li cha̱bil pec topacio. Ut li ru xsaꞌ chanchan li cha̱bil marfil qꞌuebil xsahob ru riqꞌuin li cha̱bil pec zafiro.

Lamentaciones 4:7

Eb li queꞌcꞌamoc be chiku kꞌaxal ti̱queb xchꞌo̱l junxil. Chanchaneb xsakal li nieve ut li leche xban nak kꞌaxal ti̱queb xchꞌo̱l. Kꞌaxal cauheb rib ut cꞌajoꞌ xchakꞌal ruheb. Chanchaneb li terto̱quil pec coral ut zafiro.

Ezequiel 1:1

La̱in laj Ezequiel laj tij. La̱in jun saꞌ xya̱nkeb laj Israel li queꞌchapeꞌ ut queꞌcꞌameꞌ saꞌ li naꞌajej Babilonia. Cocꞌameꞌ chire li nimaꞌ Quebar. O̱b cutan chic xticlajic xca̱ li po re li laje̱b xcaꞌcꞌa̱l chihab nak li Dios quixcꞌutbesiheb li visión chicuu. Quiteli li choxa chicuu nak quicuil.

Daniel 10:17

At Ka̱cuaꞌ, ¿chan ta ru nak ta̱ru̱k tina̱tinak a̱cuiqꞌuin? La̱in ma̱cꞌaꞌ chic inmetzꞌe̱u ut incꞌaꞌ chic naru ninmusikꞌac.

Génesis 32:31

Xban nak quibokꞌe xbakel li raꞌ, naye̱kan chic li rok laj Jacob nak qui-el saꞌ li naꞌajej Peniel. Yo̱ chak chi e̱lc li sakꞌe nak qui-el aran.

2 Crónicas 6:17

Joꞌcan nak anakcuan, at Ka̱cuaꞌ at kaDios la̱o aj Israel, chaba̱nu taxak li cꞌaꞌru cayechiꞌi chak re laj David laj cꞌanjel cha̱cuu.