Éxodo 23:8 - Li Santil hu

⁸ Nak texrakok a̱tin, incꞌaꞌ texcꞌuluk tumin. Li ani natumina̱c ru incꞌaꞌ narakoc a̱tin saꞌ ti̱quilal xban nak incꞌaꞌ chic narabi li cꞌaꞌru nequeꞌxye li ma̱cꞌaꞌeb xma̱c.

Q'eqchi Bible

⁸ “Matk'uluk maatan, xb'aan naq li maatan naxmutz'o'b'resi li seeb'eb' xch'ool ut naxpo' ru li tiikilal.

Éxodo 23:8 ပူးပေါင်းရင်းမြစ်များ

Deuteronomio 16:19

Laj rakol a̱tin li te̱xakab incꞌaꞌ teꞌrisi xcuanquil li ti̱quilal ut incꞌaꞌ teꞌxsicꞌ ru li ani teꞌxba̱nu usilal re. Incꞌaꞌ cheꞌtumina̱k ruheb xban nak li ani naxcꞌul xtumin incꞌaꞌ chic naxtau xya̱lal ut incꞌaꞌ narakoc a̱tin saꞌ ti̱quilal.

Isaías 5:23

Nequecol rix li cuanqueb xma̱c xban nak nequeꞌxtumina e̱ru, ut aꞌ chic li ti̱queb xchꞌo̱l nequeye nak cuanqueb xma̱c.

Proverbios 17:23

Eb li incꞌaꞌ useb xnaꞌleb nequeꞌtumina̱c ru chi mukmu re xsachbal xcuanquil li ti̱quilal.

Proverbios 15:27

Li ani naxrahi ru chixjunil naxqꞌue saꞌ raylal lix jun cablal. Abanan li ani incꞌaꞌ naxcꞌu̱luban nak ta̱tumina̱k ru, aꞌan sa ta̱cua̱nk.

1 Samuel 8:3

Abanan eb li alalbej incꞌaꞌ queꞌrakoc a̱tin saꞌ xya̱lal joꞌ quixba̱nu li yucuaꞌbej. Yo̱queb chixrahinquil ru li tumin. Nequeꞌtumina̱c ru. Ut incꞌaꞌ nequeꞌrakoc a̱tin saꞌ ti̱quilal.

Eclesiastés 7:7

Cui cuan junak cuan xnaꞌleb tixrahobtesi li ras ri̱tzꞌin, li jun aꞌan yo̱ chixba̱nunquil joꞌ naxba̱nu li ma̱cꞌaꞌ xnaꞌleb. Ut cui cuan junak naxqꞌue rib chi tumina̱c ru, li jun aꞌan naxpoꞌ lix naꞌleb.

Proverbios 17:8

Li tumina̱nc u kꞌaxal terto xtzꞌak chiruheb li cꞌaynakeb chi tuminac u xban nak riqꞌuin aꞌan us nequeꞌel riqꞌuin chixjunil li nequeꞌxba̱nu.

Salmos 26:10

Eb aꞌan junelic nequeꞌxba̱nu li ma̱usilal ut nequeꞌraj nak teꞌtumina̱k ruheb.

1 Samuel 12:3

Xakxo̱quin che̱ru anakcuan. Yehomak cue lix ya̱lal chiru li Ka̱cuaꞌ Dios ut chiru ajcuiꞌ li rey li quixsicꞌ ru chi cꞌamoc be che̱ru. ¿Ma cuan junak xinmakꞌ xbo̱yx? ¿Ma cuan junak xinmakꞌ xbu̱r? ¿Ma cuan junak xincuelkꞌa cꞌaꞌru re? ¿Ma cuan junak xinrahobtesi? ¿Ma xinqꞌue cuib chi tumina̱c re nak incꞌaꞌ tinye li ya̱l? Cui cuan li incꞌaꞌ us xinba̱nu, yehomak cue anakcuan re nak naru tinyi̱b ru li incꞌaꞌ us xinba̱nu, chan.

Deuteronomio 10:17

Xban nak li Ka̱cuaꞌ le̱ Dios, aꞌan li nimajcual Dios. Ma̱cꞌaꞌ chic junak Dios chiru aꞌan. Kꞌaxal nim xcuanquil saꞌ xbe̱neb chixjunileb li cuanqueb xcuanquil ut xucuajel ru. Aꞌan incꞌaꞌ naxsicꞌ ru li ani tixra ut ma̱ ani naru ta̱tumina̱nk ru.

Miqueas 7:3

Se̱beb xchꞌo̱l chixba̱nunquil li incꞌaꞌ us. Li nataklan saꞌ xbe̱neb li tenamit naraj nak ta̱qꞌuehekꞌ xtumin. Ut laj rakol a̱tin natumina̱c ru nak narakoc a̱tin. Li ani cuan xcuanquil naxye reheb cꞌaꞌru naraj ut chixjunileb nequeꞌxcꞌu̱b ru chanru nak teꞌxba̱nu li incꞌaꞌ us.

Amós 5:12

La̱in ninnau nak nequekꞌetkꞌeti e̱rib. Ninnau nak numtajenak le̱ ma̱usilal. Nequerahobtesi li ti̱queb xchꞌo̱l. Nacuulac che̱ru nak natumina̱c e̱ru ut incꞌaꞌ nequexrakoc a̱tin chi tzꞌakal saꞌ xbe̱neb li nebaꞌ.

Ezequiel 22:12

Cuanqueb cui̱nk nequeꞌtumina̱c ru re teꞌxcamsi ras ri̱tzꞌin. Cuanqueb li nequeꞌxpatzꞌ nabal li ral li tumin li nequeꞌxqꞌue chi toꞌ. Cuanqueb li nequeꞌxsicꞌ lix biomaleb riqꞌuin xmakꞌbal xtumineb li ras ri̱tzꞌin. Incꞌaꞌ chic niquineꞌxcꞌoxla la̱in. La̱in li Ka̱cuaꞌ Dios ninyehoc re aꞌin.

Proverbios 19:4

Li ani cuan xbiomal cuan nabal li rami̱g. Abanan li nebaꞌ incꞌaꞌ nacuan rami̱g xban nak ma̱cꞌaꞌ cuan re.

Oseas 4:18

Nak nequeꞌaj ru saꞌ xcalajiqueb, nequeꞌoc chi coꞌbe̱tac yumbe̱tac. Aꞌ li naꞌleb li nacꞌutuc xxuta̱n, aꞌan li nacuulac chiruheb xba̱nunquil ut li ti̱quilal nequeꞌxtzꞌekta̱na.

Isaías 1:13

Me̱cꞌam chak chic le̱ mayej li ma̱cꞌaꞌ na-oc cuiꞌ. Incꞌaꞌ chic nacuaj rutzꞌbal li pom. Xintitzꞌ xban. La̱ex nequeninkꞌei li xyoꞌlajic li po ut li hiloba̱l cutan. Abanan incꞌaꞌ chic nacuaj rilbal le̱ ninkꞌe xban nak junes ma̱usilal nequeba̱nu.

Salmos 15:5

Nequeꞌxqꞌue lix tumineb chi toꞌ ut incꞌaꞌ nequeꞌxpatzꞌ ral. Ut incꞌaꞌ nequeꞌxsume ticꞌtiꞌic chirixeb li ras ri̱tzꞌin usta nayechiꞌi̱c xtumineb. Eb li nequeꞌxba̱nu li usilal aꞌin incꞌaꞌ nachꞌinan xchꞌo̱leb riqꞌuin li Dios.

Isaías 1:23

Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

Isaías 5:22

Raylal ta̱cha̱lk saꞌ e̱be̱n la̱ex li nequexnumta chi cala̱c ut la̱ex li cuan e̱naꞌleb re xyi̱banquil li haꞌ li nacaltesin.

Isaías 33:15

Naru texcolekꞌ cui nequex-a̱tinac saꞌ xya̱lal ut nequeba̱nu li ti̱quilal. Me̱relkꞌa li cꞌaꞌru reheb li nebaꞌ ut me̱qꞌue e̱rib chi tumina̱c. Me̱junaji e̱rib riqꞌuineb li nequeꞌxcꞌu̱b ru xba̱nunquil li ma̱usilal ut li camsi̱nc.