Éxodo 23:7 - Li Santil hu

⁷ Cherisihak ban e̱rib saꞌ xya̱nkeb li nequeꞌticꞌtiꞌic ut incꞌaꞌ te̱qꞌue chi camsi̱c li ti̱c xchꞌo̱l li ma̱cꞌaꞌ xma̱c xban nak la̱in tinye nak li incꞌaꞌ useb xnaꞌleb, aꞌan cuanqueb xma̱c.

Q'eqchi Bible

⁷ “Maaye li tik'ti' sa' raqleb'aal aatin; maak'e chi kamsiik li ani maak'a' xmaak ut tiik xch'ool, chi moko taaye naq maak'a' xmaak li ink'a' us xch'ool.

Éxodo 23:7 ပူးပေါင်းရင်းမြစ်များ

Efesios 4:25

Incꞌaꞌ chic chexticꞌtiꞌik. Saꞌ xya̱lal ban tex-a̱tinak chi ribil e̱rib xban nak junaj chic ku ut kachaꞌal chic kib chi kibil kib.

Deuteronomio 27:25

Tzꞌekta̱nanbil li ani ta̱tumina̱k ru re nak tixcamsi li ras ri̱tzꞌin li ma̱cꞌaꞌ xma̱c. Ut chixjunileb li tenamit teꞌxye: Joꞌcan taxak.

Éxodo 34:7

La̱in chi qꞌuila okꞌob li cristian nacuuxta̱naheb ru. Nincuy li qꞌuila ma̱c li nequeꞌxba̱nu. Eb li nequeꞌma̱cob teꞌxtoj rix lix ma̱c. Ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb, chan li Dios.

Éxodo 23:1

Me̱ye ticꞌtiꞌ chirix le̱ ras e̱ri̱tzꞌin chi moco chex-oque̱nk chixtenkꞌanquil li incꞌaꞌ useb xnaꞌleb riqꞌuin xyebal ticꞌtiꞌ.

1 Ts 5:22

Ut chetzꞌekta̱na chixjunil li ma̱usilal.

Levítico 19:11

Mex-elkꞌac, mexbalakꞌic, ut me̱ticꞌtiꞌi e̱rib chi ribil e̱rib.

Romanos 1:18

Li Dios yo̱ chak xjoskꞌil toj saꞌ choxa saꞌ xbe̱neb laj ma̱c. Riqꞌuin lix ma̱usilaleb nequeꞌxtzꞌekta̱na lix ya̱lal ut nequeꞌxmuk ajcuiꞌ chiruheb li ras ri̱tzꞌin.

San Lucas 3:14

Ut cuanqueb ajcuiꞌ soldado queꞌpatzꞌoc ut queꞌxye re: —Ut la̱o, ¿cꞌaꞌru takaba̱nu? chanqueb. Quixye reheb: —Ma̱ ani te̱makꞌ cꞌaꞌru re ut ma̱ ani te̱kꞌaba chi ma̱cꞌaꞌ rajbal. Chicꞌojla̱k ban e̱chꞌo̱l riqꞌuin li joꞌ qꞌuial nequextojeꞌ cuiꞌ, chan.

Nahum 1:3

Li Ka̱cuaꞌ kꞌaxal nim xcuanquil ut kꞌaxal nim xcuyum. Ut naxqꞌue chixtojbal xma̱c li ani cuan xma̱c. Li Ka̱cuaꞌ kꞌaxal nim xcuanquil saꞌ xbe̱n li ca̱k-sut-ikꞌ ut li chok. Kꞌaxal nim xcuanquil chixba̱nunquil li cꞌaꞌru naraj aꞌan.

Isaías 33:15

Naru texcolekꞌ cui nequex-a̱tinac saꞌ xya̱lal ut nequeba̱nu li ti̱quilal. Me̱relkꞌa li cꞌaꞌru reheb li nebaꞌ ut me̱qꞌue e̱rib chi tumina̱c. Me̱junaji e̱rib riqꞌuineb li nequeꞌxcꞌu̱b ru xba̱nunquil li ma̱usilal ut li camsi̱nc.

Proverbios 17:15

Incꞌaꞌ us xyebal nak ma̱cꞌaꞌeb xma̱c li nequeꞌxba̱nu li incꞌaꞌ us. Ut incꞌaꞌ ajcuiꞌ us nak teꞌxye nak cuanqueb xma̱c li ma̱cꞌaꞌeb xma̱c. Li cuib chi naꞌleb aꞌin xicꞌ naril li Ka̱cuaꞌ.

Li xHu LAJ JOB 22:23

Cui tatsukꞌi̱k cuiꞌchic riqꞌuin li nimajcual Dios, ut ta̱cubsi a̱cuib chiru, aꞌan tatrosobtesi ut ta̱risi li rahil chꞌo̱lej li cuancat cuiꞌ.

Éxodo 20:13

Me̱camsi e̱ras e̱ri̱tzꞌin.

Génesis 18:23

Laj Abraham quinachꞌoc riqꞌuin li Ka̱cuaꞌ Dios ut quixye re: —¿Ma ta̱sach ruheb li ti̱queb xchꞌo̱l saꞌ xya̱nkeb li incꞌaꞌ ti̱queb xchꞌo̱l?

Éxodo 20:16

Mexyoꞌoban a̱tin chirix le̱ ras e̱ri̱tzꞌin.

Levítico 19:16

Mexyoꞌoban a̱tin chirixeb le̱ ras e̱ri̱tzꞌin. Ut me̱qꞌueheb chi camsi̱c le̱ ras e̱ri̱tzꞌin. La̱in li Ka̱cuaꞌ Dios xinyehoc re aꞌin.

Deuteronomio 25:1

Cui cuan li yo̱queb chi pletic, eb aꞌan teꞌxic riqꞌuin laj rakol a̱tin. Ut laj rakol a̱tin tixtzꞌil rix li ani cuan xma̱c ut li ani ma̱cꞌaꞌ xma̱c.

Salmos 94:21

Nequeꞌxye nak li ti̱queb xchꞌo̱l cuanqueb xma̱c ut nequeꞌxteneb ca̱mc saꞌ xbe̱neb.

Salmos 119:29

China̱tenkꞌa taxak re nak incꞌaꞌ tinbalakꞌik. Riqꞌuin taxak xnimal la̱ cuuxta̱n, ta̱cꞌutbesi chicuu lix ya̱lal la̱ chakꞌrab.

Proverbios 11:21

Relic chi ya̱l nak eb li incꞌaꞌ useb xnaꞌleb tento nak teꞌxcꞌul lix tojbal xma̱c. Abanan eb li ti̱queb xchꞌo̱l teꞌcolekꞌ chiru li tojba ma̱c.

Isaías 5:20

Raylal ta̱cha̱lk saꞌ e̱be̱n la̱ex li nequexyehoc us re li incꞌaꞌ us, ut li us, incꞌaꞌ us nequeye re. Li cutan nequeqꞌue chokꞌ kꞌojyi̱n, ut li kꞌojyi̱n nequeqꞌue chokꞌ cutan. Li quiꞌ nequeye cꞌa re, ut li cꞌa, aꞌan quiꞌ nequeye re.