Éxodo 23:6 - Li Santil hu

⁶ Chetenkꞌaheb li nebaꞌ re nak us teꞌe̱lk nak ta̱rakekꞌ a̱tin saꞌ xbe̱neb, ut me̱canab xjuneseb.

Q'eqchi Bible

⁶ “Maasach xwankil li yaal re xtenq'ankil laawechneb'a'il sa' li xpleet.

Éxodo 23:6 ပူးပေါင်းရင်းမြစ်များ

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Jeremías 5:28

Ni̱nkeb xtibel xban nak sa nequeꞌtzacan. Kꞌaxal cuiꞌchic numtajenak li ma̱usilal nequeꞌxba̱nu. Incꞌaꞌ nequeꞌrakoc a̱tin saꞌ ti̱quilal saꞌ xbe̱neb li ma̱cꞌaꞌ xnaꞌ xyucuaꞌeb, chi moco nequeꞌoquen chirixeb li nebaꞌ.

Eclesiastés 5:8

Misach e̱chꞌo̱l chirilbal nak saꞌ junak tenamit yo̱k xba̱nunquil raylal reheb li nebaꞌ. Nabal raylal nequeꞌxba̱nu ut incꞌaꞌ nequeꞌrakoc a̱tin saꞌ ti̱quilal xban nak li cuan saꞌ xcuanquil taklanbil xban li nim xcuanquil chiru aꞌan. Ut li jun, li nim xcuanquil, taklanbil ajcuiꞌ xban jun chic kꞌaxal nim xcuanquil.

Deuteronomio 27:19

Tzꞌekta̱nanbil li ani naxba̱nu ma̱usilal reheb li jalan xtenamiteb, malaj ut li ma̱cꞌaꞌ xnaꞌ xyucuaꞌ, malaj ut li xma̱lcaꞌan. Ut chixjunileb li tenamit teꞌxye: Joꞌcan taxak.

Deuteronomio 16:19

Laj rakol a̱tin li te̱xakab incꞌaꞌ teꞌrisi xcuanquil li ti̱quilal ut incꞌaꞌ teꞌxsicꞌ ru li ani teꞌxba̱nu usilal re. Incꞌaꞌ cheꞌtumina̱k ruheb xban nak li ani naxcꞌul xtumin incꞌaꞌ chic naxtau xya̱lal ut incꞌaꞌ narakoc a̱tin saꞌ ti̱quilal.

Levítico 19:15

Nak texrakok a̱tin, cheba̱nu saꞌ xya̱lal. Me̱col rix li nebaꞌ, chi moco checol rix li biom. Saꞌ xya̱lal ban texrakok a̱tin saꞌ xbe̱neb chixjunileb.

Jeremías 7:6

Incꞌaꞌ te̱rahobtesi li jalan xtenamiteb, chi moco li ma̱cꞌaꞌ xnaꞌ xyucuaꞌeb ut li xma̱lcaꞌan, chi moco te̱qꞌue chi camsi̱c li ma̱cꞌaꞌ xma̱queb ut incꞌaꞌ te̱bok raylal saꞌ e̱be̱n riqꞌuin nak nequelokꞌoni li yi̱banbil dios.

Jeremías 6:28

Kꞌaxal cauheb xchꞌo̱l. Chanchan xcacuil li chꞌi̱chꞌ bronce ut hierro. Kꞌetkꞌeteb ut junes ticꞌtiꞌic nequeꞌxba̱nu. Chixjunileb incꞌaꞌ useb xnaꞌleb.

Li xHu LAJ JOB 31:13

Nak eb lin mo̱s xeꞌxpatzꞌ li cꞌaꞌru xeꞌraj cue, xincꞌu̱b riqꞌuineb saꞌ xya̱lal. Junelic xincuan saꞌ xya̱lal riqꞌuineb.

2 Crónicas 19:7

Chexucua ru li Ka̱cuaꞌ ut cheqꞌuehak retal li cꞌaꞌru te̱ba̱nu xban nak li Ka̱cuaꞌ li kaDios incꞌaꞌ naraj nak te̱sicꞌ ru ani te̱col rix chi moco naraj nak ta̱tumina̱k e̱ru. Naraj ban nak texrakok a̱tin saꞌ xya̱lal, chan.

1 Samuel 8:3

Abanan eb li alalbej incꞌaꞌ queꞌrakoc a̱tin saꞌ xya̱lal joꞌ quixba̱nu li yucuaꞌbej. Yo̱queb chixrahinquil ru li tumin. Nequeꞌtumina̱c ru. Ut incꞌaꞌ nequeꞌrakoc a̱tin saꞌ ti̱quilal.

Proverbios 18:5

Incꞌaꞌ us xyebal nak ma̱cꞌaꞌeb xma̱c li incꞌaꞌ useb xnaꞌleb. Incꞌaꞌ us xqꞌuebal li ma̱c saꞌ xbe̱neb li ma̱cꞌaꞌ xma̱c.

Proverbios 22:22

Li xbe̱n naꞌleb, aꞌan aꞌin: Me̱relkꞌa li cꞌaꞌru reheb li nebaꞌ yal xban nak nebaꞌeb. Chi moco te̱rahobtesiheb nak yo̱k chi rakecꞌ a̱tin saꞌ xbe̱neb yal xban nak incꞌaꞌ naru teꞌxcol ribeb.

Proverbios 31:5

Cui yo̱keb chi cala̱c ma̱re anchal ta̱sachk saꞌ xchꞌo̱leb li naxye saꞌ li chakꞌrab ut incꞌaꞌ chic teꞌrakok a̱tin saꞌ xya̱lal saꞌ xbe̱neb li rahobtesinbileb.

Isaías 5:23

Nequecol rix li cuanqueb xma̱c xban nak nequeꞌxtumina e̱ru, ut aꞌ chic li ti̱queb xchꞌo̱l nequeye nak cuanqueb xma̱c.