Éxodo 23:3 - Li Santil hu

³ Chi moco junak nebaꞌ checol rix cui incꞌaꞌ us li yo̱ chixba̱nunquil.

Q'eqchi Bible

³ chi moko chatenq'a li neb'a' sa' li xpleet wi ink'a' us yo chi xb'aanunkil.

Éxodo 23:3 ပူးပေါင်းရင်းမြစ်များ

Santiago 3:17

Li ani qꞌuebileb xnaꞌleb xban li Dios, tzꞌakal re ru lix yuꞌameb. Cuanqueb saꞌ usilal, cha̱bileb ut tu̱laneb. Nequeꞌuxta̱nan u, nequeꞌxba̱nu li us, ut incꞌaꞌ nequeꞌbalakꞌin. Junelic ya̱l nequeꞌa̱tinac.

Levítico 19:15

Nak texrakok a̱tin, cheba̱nu saꞌ xya̱lal. Me̱col rix li nebaꞌ, chi moco checol rix li biom. Saꞌ xya̱lal ban texrakok a̱tin saꞌ xbe̱neb chixjunileb.

Deuteronomio 1:17

Incꞌaꞌ te̱sicꞌ ru li ani te̱col rix. Texrakok ban a̱tin saꞌ ti̱quilal saꞌ xbe̱neb li ma̱cꞌaꞌeb xcuanquil joꞌ eb ajcuiꞌ li cuanqueb xcuanquil. Ma̱ ani te̱xucua ru xban nak li tzꞌakal aj rakol a̱tin, aꞌan li Dios. Cui kꞌaxal nim li chꞌaꞌajquilal ut incꞌaꞌ texru̱k chixyi̱banquil, te̱cꞌameb chak cuiqꞌuin ut la̱in tinrakok a̱tin saꞌ xbe̱neb,” chanquin reheb.

Éxodo 23:6

Chetenkꞌaheb li nebaꞌ re nak us teꞌe̱lk nak ta̱rakekꞌ a̱tin saꞌ xbe̱neb, ut me̱canab xjuneseb.

Deuteronomio 16:19

Laj rakol a̱tin li te̱xakab incꞌaꞌ teꞌrisi xcuanquil li ti̱quilal ut incꞌaꞌ teꞌxsicꞌ ru li ani teꞌxba̱nu usilal re. Incꞌaꞌ cheꞌtumina̱k ruheb xban nak li ani naxcꞌul xtumin incꞌaꞌ chic naxtau xya̱lal ut incꞌaꞌ narakoc a̱tin saꞌ ti̱quilal.

Proverbios 18:5

Incꞌaꞌ us xyebal nak ma̱cꞌaꞌeb xma̱c li incꞌaꞌ useb xnaꞌleb. Incꞌaꞌ us xqꞌuebal li ma̱c saꞌ xbe̱neb li ma̱cꞌaꞌ xma̱c.

Proverbios 22:22

Li xbe̱n naꞌleb, aꞌan aꞌin: Me̱relkꞌa li cꞌaꞌru reheb li nebaꞌ yal xban nak nebaꞌeb. Chi moco te̱rahobtesiheb nak yo̱k chi rakecꞌ a̱tin saꞌ xbe̱neb yal xban nak incꞌaꞌ naru teꞌxcol ribeb.

Isaías 10:1

Raylal ta̱cha̱lk saꞌ e̱be̱n la̱ex li nequeqꞌue li chakꞌrab li moco ti̱c ta re xrahobtesinquileb li tenamit.

Amós 5:12

La̱in ninnau nak nequekꞌetkꞌeti e̱rib. Ninnau nak numtajenak le̱ ma̱usilal. Nequerahobtesi li ti̱queb xchꞌo̱l. Nacuulac che̱ru nak natumina̱c e̱ru ut incꞌaꞌ nequexrakoc a̱tin chi tzꞌakal saꞌ xbe̱neb li nebaꞌ.