Éxodo 23:25 - Li Santil hu

²⁵ Chexcꞌanjelak ban chicuu, la̱in li Ka̱cuaꞌ le̱ Dios. Ut la̱in texcuosobtesi ut tinqꞌue le̱ cua e̱rucꞌa. Ut incꞌaꞌ texinqꞌue chi yaje̱rc.

Q'eqchi Bible

²⁵ Taaloq'oni ru li Qaawa' laaYos, ut laa'in twosob'tesi laawa laawuk'a' ut ink'a' tatinkanab' chi yajerk.

Éxodo 23:25 ပူးပေါင်းရင်းမြစ်များ

Deuteronomio 7:15

Li Ka̱cuaꞌ ta̱colok e̱re chiruheb li yajel. Incꞌaꞌ te̱yajeni li yibru yajel li queꞌxcꞌul eb laj Egipto nak cuanquex chak aran. Tixtakla ban li yajel saꞌ xbe̱neb li xicꞌ nequeꞌiloc e̱re.

Éxodo 15:26

Quixye reheb: —Junelic te̱rabi li cua̱tin. Te̱ba̱nu li ti̱quilal chicuu. La̱ex te̱pa̱b lin chakꞌrab. Cui te̱ba̱nu chixjunil li texintakla cuiꞌ, incꞌaꞌ tinqꞌue li yajel saꞌ e̱be̱n, li quinqꞌue saꞌ xbe̱neb laj Egipto. La̱in li Ka̱cuaꞌ Dios. La̱in li ninqꞌuirtesin e̱re, chan li Dios.

Josué 22:5

Caꞌaj cuiꞌ li cꞌaꞌru nintzꞌa̱ma che̱ru, aꞌan nak te̱ba̱nu chi anchal e̱chꞌo̱l li cꞌaꞌru naxye saꞌ lix chakꞌrab li Ka̱cuaꞌ li quixqꞌue e̱re laj Moisés laj cꞌanjel chiru. La̱in nacuaj nak te̱ra li Ka̱cuaꞌ li kaDios. Ut texcua̱nk joꞌ naraj aꞌan. Chexocak saꞌ le̱ chꞌo̱l lix chakꞌrab. Chexpa̱ba̱nk ut chexcꞌanjelak chiru chi anchal e̱chꞌo̱l, chan laj Josué.

Isaías 33:24

Ma̱ ani chic tixye “yajin”. Ut li Ka̱cuaꞌ tixcuy tixsach lix ma̱queb li cuanqueb Jerusalén. Ma̱ ani chic ta̱yaje̱rk xban nak cuybil chic lix ma̱queb li cuanqueb Jerusalén.

Salmos 103:3

Aꞌan naxcuy naxsach chixjunil lin ma̱c. Ut aꞌan li naqꞌuirtesin re chixjunil lin yajel.

Deuteronomio 7:13

Li Ka̱cuaꞌ texra ut texrosobtesi ut tixqꞌue chi qꞌuia̱nc le̱ ralal e̱cꞌajol ut ta̱rosobtesiheb. Ut tixqꞌue ajcuiꞌ chi nabalocꞌ li ru le̱ racui̱mk. Tixqꞌue nabal le̱ trigo, le̱ vino ut le̱ aceite. Tixqꞌue nabal li ral le̱ cuacax ut le̱ carner saꞌ li naꞌajej li quixyechiꞌi riqꞌuin juramento reheb le̱ xeꞌto̱nil yucuaꞌ.

Deuteronomio 10:12

¿Cꞌaꞌru naraj li Ka̱cuaꞌ le̱ Dios e̱riqꞌuin nak nequecꞌoxla la̱ex aj Israel? Li cꞌaꞌru naraj li Dios, aꞌan nak la̱ex te̱xucua ru li Ka̱cuaꞌ le̱ Dios, ut texcua̱nk joꞌ naraj aꞌan. Te̱ra ut texcꞌanjelak chiru chi anchal le̱ chꞌo̱l ut chi anchal le̱ ra̱m.

Deuteronomio 6:13

Chelokꞌonihak li Ka̱cuaꞌ le̱ Dios ut caꞌaj cuiꞌ chiru aꞌan texcꞌanjelak. Ut nak te̱ba̱nu junak juramento, te̱ba̱nu saꞌ xcꞌabaꞌ aꞌan.

San Mateo 4:10

Tojoꞌnak li Jesús quichakꞌoc ut quixye re: —Elen chicuu la̱at aj tza, xban nak joꞌcaꞌin tzꞌi̱banbil saꞌ li Santil Hu: Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak.— (Deut. 6:13)

1 Samuel 12:20

Laj Samuel quixye reheb: —Mexxucuac. Ya̱l nak xexma̱cob. Abanan me̱tzꞌekta̱na chic li Ka̱cuaꞌ. Chexcꞌanjelak ban chiru chi anchal le̱ chꞌo̱l, chan.

Deuteronomio 10:20

Chexucua ru li Ka̱cuaꞌ le̱ Dios ut caꞌaj cuiꞌ chiru aꞌan texcꞌanjelak. Chexcua̱nk saꞌ ti̱quilal chiru. Ut caꞌaj cuiꞌ saꞌ xcꞌabaꞌ aꞌan te̱ba̱nu li juramento.

Josué 24:21

Ut eb li tenamit queꞌchakꞌoc ut queꞌxye: —Incꞌaꞌ ta̱cꞌulma̱nk chi joꞌcan. La̱o tocꞌanjelak chiru li Ka̱cuaꞌ, chanqueb.

Deuteronomio 13:4

Aꞌ li Ka̱cuaꞌ le̱ Dios, aꞌan li te̱pa̱b ut aꞌan li te̱lokꞌoni. Cheba̱nuhak li chakꞌrab li quixqꞌue e̱re ut te̱ba̱nu le̱ taklanquil xban. Chexcꞌanjelak chiru ut chepa̱b chi anchal e̱chꞌo̱l.

1 Samuel 7:3

Ut laj Samuel quixye reheb laj Israel: —Cui la̱ex texsukꞌi̱k cuiꞌchic riqꞌuin li Ka̱cuaꞌ chi anchal e̱chꞌo̱l, tento nak te̱tzꞌekta̱na chi junaj cua chixjunileb li jalanil dios li cuanqueb saꞌ e̱ya̱nk joꞌ ajcuiꞌ li yi̱banbil dios xAstarot ut kꞌaxtesihomak e̱rib re li Ka̱cuaꞌ. Junes aꞌan chic te̱lokꞌoni. Ut li Ka̱cuaꞌ ta̱colok e̱re saꞌ rukꞌeb laj filisteo, chan.

Josué 24:24

Ut queꞌxye re: —La̱o tocꞌanjelak chiru li Ka̱cuaꞌ li kaDios ut takaba̱nu li cꞌaꞌru tixye ke, chanqueb.

Malaquías 3:10

Joꞌcan ut nak cꞌamomak chak che̱junilex li junju̱nk saꞌ xlaje̱tkil saꞌ xnaꞌaj li mayej re nak ta̱cua̱nk li cꞌaꞌru ta̱cꞌanjelak saꞌ li cuochoch. Ut yalomakin anakcuan riqꞌuin aꞌin. ¿Ma incꞌaꞌ tana tinte chak re li choxa ut tinqꞌue chak chi numtajenak le̱ rosobtesinquil? chan li nimajcual Dios.

Isaías 33:16

Li ani naxba̱nu li us, aꞌan ta̱colekꞌ. Ma̱cꞌaꞌ tixcꞌul. Chanchan nak cuan saꞌ jun naꞌajej najt xteram li nequeꞌxcol cuiꞌ ribeb li tenamit. Ut junelic ta̱cua̱nk xcua rucꞌa.

1 Samuel 12:24

Qꞌuehomak e̱chꞌo̱l chi cꞌanjelac chiru li Ka̱cuaꞌ ut chexucua ru. Cheqꞌuehak retal li sachba chꞌo̱lej ut li xni̱nkal usilal quixba̱nu e̱re.

Jeremías 8:2

Nequeꞌtꞌanaxin teꞌcana̱k saꞌ chꞌochꞌ chiru li sakꞌe ut li po joꞌ ajcuiꞌ chiru li chahim li queꞌxra ut queꞌxlokꞌoniheb. Teꞌcanaba̱k lix bakeleb chiruheb li queꞌxsicꞌ cuiꞌ xnaꞌlebeb. Ut ma̱ ani ta̱xocok reheb, chi moco teꞌmukekꞌ. Chanchanakeb chic li cꞌot tzꞌektzꞌo saꞌ chꞌochꞌ.

Levítico 11:44

La̱in li Ka̱cuaꞌ le̱ Dios. Santobresihomak e̱rib re nak santakex xban nak santin la̱in. Me̱mux e̱rib xbaneb li xul li nequeꞌxjucu ribeb saꞌ chꞌochꞌ.

Levítico 26:3

Cui te̱ba̱nu li cꞌaꞌru naxye saꞌ li chakꞌrab li xinqꞌue e̱re, ut cui te̱ba̱nu li cꞌaꞌru xinye e̱re,

Eclesiastés 5:20

Li Dios naxqꞌue li sahil chꞌo̱lej re. Joꞌcan nak incꞌaꞌ nacꞌoxlac chirix li cꞌaꞌru naxcꞌul saꞌ lix yuꞌam saꞌ ruchichꞌochꞌ.

Daniel 1:15

Ut nak ac xnumeꞌ li laje̱b cutan, laj Daniel ut eb li rochben kꞌaxal cau nequeꞌiloc ut cau ribeb chiruheb li jun chꞌol chic li nequeꞌtzacan joꞌ quixye li rey.