Éxodo 23:24 - Li Santil hu

²⁴ Ut me̱cuikꞌib e̱rib chiru lix yi̱banbil dios eb aꞌan, chi moco chexcꞌanjelak chiruheb. Me̱ba̱nu joꞌ nequeꞌxba̱nu eb aꞌan. Te̱jucꞌ ban lix yi̱banbil dios ut te̱sach ruheb chi junaj cua.

Q'eqchi Bible

²⁴ Maahupub' aawib' chiru li xyoseb'. Maaloq'oniheb' chi moko taab'aanu jo' neke'xb'aanu eb' a'an; tento b'an naq taasacheb' chi junajwa ut taapuk'iheb' li xninqal eetalil.

Éxodo 23:24 ပူးပေါင်းရင်းမြစ်များ

Éxodo 20:5

Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

Números 33:52

te̱risiheb chixjunileb li cuanqueb saꞌ li naꞌajej aꞌan. Te̱sach ruheb chixjunileb lix dioseb li queꞌxyi̱b riqꞌuin pec ut riqꞌuin chꞌi̱chꞌ. Te̱tꞌan chixjunileb li naꞌajej li najt xteram li nequeꞌlokꞌonin cuiꞌ.

Deuteronomio 12:3

Te̱jucꞌ chi junaj cua lix artaleb. Te̱jori li pec li nequeꞌlokꞌonin cuiꞌ ut te̱cꞌat ajcuiꞌ li cheꞌ li nequeꞌxlokꞌoni cuiꞌ lix Asera lix dioseb. Sachomak ruheb chi junaj cua chixjunil li yi̱banbil dios re nak ma̱ ani chic ta̱jultica̱nk re lix cꞌabaꞌeb.

Deuteronomio 7:5

Li cꞌaꞌru tento te̱ba̱nu, aꞌan aꞌin: te̱sach chi junaj cua lix artaleb. Te̱sach chixjunil li joꞌ qꞌuial cuan saꞌ li naꞌajej li nequeꞌxlokꞌoni cuiꞌ li jalanil dios. Te̱sach lix jalam u̱cheb lix Asera xcꞌabaꞌ ut te̱cꞌat chixjunileb lix yi̱banbil dios.

2 Crónicas 33:9

Abanan, laj Manasés quixcꞌam xbeheb li cuanqueb Judá ut Jerusalén chixba̱nunquil li ma̱usilal. Kꞌaxal cuiꞌchic numtajenak xyibal ru li ma̱c queꞌxba̱nu chiru li queꞌxba̱nu li tenamit li queꞌisi̱c xban li Dios nak eb laj Israel queꞌoc saꞌ li naꞌajej aꞌan.

Levítico 18:3

Texcua̱nk saꞌ xya̱lal ut incꞌaꞌ te̱ba̱nu joꞌ nequeꞌxba̱nu li cuanqueb saꞌ li tenamit Egipto li quexcuan cuiꞌ chak. Chi moco te̱ba̱nu joꞌ nequeꞌxba̱nu li cuanqueb saꞌ li naꞌajej Canaán li yo̱quin cuiꞌ che̱cꞌambal. Chi moco te̱tzol e̱rib chixba̱nunquil li cꞌaꞌru naxye saꞌ lix chakꞌrabeb.

Éxodo 32:20

Laj Moisés quixchap li cuacax oro li queꞌxyi̱b ut quixcꞌat saꞌ xam. Chirix aꞌan quixqueꞌ ut quixqꞌue lix poksil saꞌ li haꞌ ut saꞌ pue̱rs quixqꞌue chi ruqꞌueb.

Ezequiel 16:47

La̱at catzol a̱cuib riqꞌuineb ut caba̱nu li incꞌaꞌ us li queꞌxba̱nu eb aꞌan. Abanan la̱ ma̱usilal la̱at quinumta chiru li ma̱usilal li queꞌxba̱nu eb aꞌan.

Salmos 101:3

La̱in incꞌaꞌ tinba̱nu li cꞌaꞌru nequeꞌxba̱nu li incꞌaꞌ useb xnaꞌleb. Xicꞌ nacuil li cꞌaꞌru nequeꞌxba̱nu eb aꞌan. Ma̱ jokꞌe tincꞌam cuib riqꞌuineb aꞌan.

2 Crónicas 33:2

Laj Manasés quixba̱nu li incꞌaꞌ us chiru li Ka̱cuaꞌ. Quixba̱nu li ma̱usilal li queꞌxba̱nu li tenamit li queꞌisi̱c xban li Ka̱cuaꞌ nak eb laj Israel queꞌoc saꞌ li naꞌajej aꞌan.

Éxodo 23:13

Cheba̱nu chixjunil li xinye e̱re. Incꞌaꞌ te̱lokꞌoni li jalanil dios chi moco te̱patzꞌ xcꞌabaꞌeb.

Éxodo 23:32

Joꞌcan nak me̱ba̱nu junak contrato riqꞌuineb li tenamit, chi moco te̱qꞌue xcuanquil lix dioseb.

Éxodo 23:33

Incꞌaꞌ te̱canabeb chi cua̱nc saꞌ le̱ naꞌaj re nak incꞌaꞌ texqꞌue chi ma̱cobc chicuu. Naru nequex-oc chixlokꞌoninquil lix dioseb, ut riqꞌuin aꞌan te̱tzꞌek e̱rib.

Levítico 26:1

Li Ka̱cuaꞌ Dios quixye: —Me̱yi̱b e̱jalanil dios chi moco e̱pechꞌbil dios, chi moco te̱yi̱b e̱dios pec re te̱lokꞌoniheb. Chi moco chiruheb li pec te̱yi̱b junak retalil e̱dios xban nak la̱in li Ka̱cuaꞌ le̱ Dios.

2 Reyes 3:2

Laj Joram quixba̱nu li ma̱usilal chiru li Ka̱cuaꞌ, abanan incꞌaꞌ quinumta lix ma̱usilal joꞌ lix ma̱usilal lix naꞌ xyucuaꞌ. Laj Joram quixjor li pec li nequeꞌxlokꞌoni cuiꞌ laj Baal, li quixyi̱b lix yucuaꞌ junxil.

2 Reyes 18:4

Laj Ezequías quixjuqꞌui li naꞌajej najt xteram li nequeꞌxlokꞌoni cuiꞌ li yi̱banbil dios. Quixjori li ni̱nki jalam u̱ch Asera xcꞌabaꞌ. Ut quixpuqꞌui li yi̱banbil dios. Ut quixjori ajcuiꞌ li cꞌantiꞌ yi̱banbil riqꞌuin bronce li quixyi̱b laj Moisés xban nak eb laj Israel yo̱queb chixcꞌatbal lix incienso chiru. Nehustán quiqꞌueheꞌ chokꞌ xcꞌabaꞌ li cꞌantiꞌ aꞌan.

Éxodo 20:3

Incꞌaꞌ naru nacuan jalanil dios e̱riqꞌuin chicuu la̱in.

Números 25:2

Eb li ixk aꞌan nequeꞌxbok li cui̱nk aj Israel saꞌ lix ninkꞌeheb nak nequeꞌmayejac chiru lix dioseb. Ut eb laj Israel queꞌxlokꞌoni li jalanil dios Baal-peor ut queꞌxcuaꞌ li tzacae̱mk li mayejanbil chiruheb li yi̱banbil dios.

2 Reyes 17:8

Eb laj Israel queꞌxba̱nu li incꞌaꞌ us joꞌ queꞌxba̱nu li jalaneb xtenamit li queꞌisi̱c xban li Dios saꞌ li naꞌajej li queꞌoc cuiꞌ. Ut queꞌxba̱nu ajcuiꞌ li incꞌaꞌ us li queꞌcꞌameꞌ cuiꞌ xbeheb xbaneb li rey li queꞌcuan aran Israel.

2 Reyes 17:11

Ut queꞌxcꞌat li pom saꞌ eb li naꞌajej li najt xteram li queꞌxyi̱b re xlokꞌoninquil li yi̱banbil dios joꞌ queꞌxba̱nu li tenamit li queꞌisi̱c saꞌ li naꞌajej aꞌan xban li Ka̱cuaꞌ Dios. Riqꞌuin li ma̱usilal queꞌxba̱nu, queꞌxchikꞌ xjoskꞌil li Dios.

2 Crónicas 14:2

Laj Asa quicuan saꞌ ti̱quilal ut quixba̱nu li us chiru li Ka̱cuaꞌ lix Dios.

2 Crónicas 25:14

Nak laj Amasías quisukꞌi chixcamsinquileb laj Edom, quixcꞌameb saꞌ lix tenamit lix dioseb laj Seir ut qui-oc chixlokꞌoninquileb. Quixcuikꞌib rib chiruheb ut quixcꞌat lix mayej chiruheb.

Oseas 10:2

Eb aꞌan aj caꞌ pacꞌal uheb xban nak nequeꞌxcꞌanjela ru li yi̱banbil dios ut nequeꞌraj ajcuiꞌ cꞌanjelac chiru li Ka̱cuaꞌ. Joꞌcan nak anakcuan li Ka̱cuaꞌ tixqꞌueheb chixtojbal rix lix ma̱queb. Tixpuqꞌui lix artaleb ut tixsacheb ru lix dioseb.