Éxodo 23:22 - Li Santil hu

²² Cui la̱ex te̱rabi li cꞌaꞌru naxye e̱re ut te̱ba̱nu chi tzꞌakal li cꞌaꞌru xinye la̱in, la̱in xicꞌ teꞌcuil li xicꞌ nequeꞌiloc e̱re. Ut tinba̱nu raylal reheb li nequeꞌxba̱nu raylal e̱re la̱ex.

Q'eqchi Bible

²² Wi taawab'i chi us xyaab' xkux ut taab'aanu chixjunil li tinye, laa'in xik' te'wil eb' li xik' neke'ilok aawe ut tintz'eqtaana eb' li neke'tz'eqtaanank aawe.

Éxodo 23:22 ပူးပေါင်းရင်းမြစ်များ

Génesis 12:3

Yalak ani ta̱ba̱nu̱nk usilal a̱cue, tinba̱nu ajcuiꞌ usilal re la̱in. Li ani ta̱tzꞌekta̱na̱nk a̱cue, la̱in tintzꞌekta̱naheb ajcuiꞌ aꞌan. Saꞌ a̱cꞌabaꞌ la̱at, tincuosobtesiheb chixjunileb li cristian li teꞌcua̱nk saꞌ ruchichꞌochꞌ, chan li Dios re laj Abram.

Deuteronomio 30:7

Ut li Ka̱cuaꞌ le̱ Dios tixtakla chixjunil li raylal aꞌin saꞌ xbe̱neb li xicꞌ nequeꞌiloc e̱re, li nequeꞌrahobtesin e̱re.

Zacarías 2:8

Nak acak xqꞌue lin lokꞌal li Ka̱cuaꞌ li nimajcual Dios quinixtakla xyebal e̱re cꞌaꞌru teꞌxcꞌul li xni̱nkal ru tenamit li queꞌrahobtesin e̱re ut queꞌnumta saꞌ e̱be̱n. Li ani narahobtesin e̱re, chanchan ajcuiꞌ nak la̱in quineꞌxrahobtesi, chan.

Jeremías 30:20

Eb li ralal xcꞌajol teꞌcua̱nk joꞌ nak queꞌcuan najter. Ut tinxakab saꞌ xnaꞌaj lix tenamiteb. Chixjunileb li teꞌrahobtesi̱nk reheb tinqꞌueheb chixtojbal xma̱c.

Números 24:9

Eb laj Israel chanchaneb li cakcoj. Nak nequeꞌoc chi hila̱nc, ma̱ ani naru na-ajsin reheb. Osobtesinbilakeb li teꞌxtzꞌa̱ma rosobtesinquileb laj Israel. Ut tzꞌekta̱nanbilakeb li teꞌxtzꞌa̱ma ma̱usilal saꞌ xbe̱neb, chan laj Balaam.

2 Ts 1:6

Kꞌaxal ti̱c xchꞌo̱l li Dios. Joꞌcan nak tixqꞌue raylal saꞌ xbe̱neb li nequeꞌrahobtesin e̱re.

Deuteronomio 28:1

Cui la̱ex tex-abi̱nk chiru li Ka̱cuaꞌ ut te̱ba̱nu chi anchal e̱chꞌo̱l li cꞌaꞌru naxye ut cui te̱ba̱nu lix chakꞌrab li yo̱quin chixyebal e̱re anakcuan, kꞌaxal cuiꞌchic tixnimobresi le̱ cuanquil saꞌ xya̱nkeb chixjunileb li tenamit saꞌ ruchichꞌochꞌ.

Éxodo 15:16

Chacuocsiheb taxak xxiuheb chixjunil li tenamit. Mem ta cheꞌcana̱k nak teꞌrabi lix nimal la̱ cuanquilal re nak la̱o li tenamit li xasicꞌ ru tonumekꞌ saꞌ xya̱nkeb.

Números 24:8

Li Ka̱cuaꞌ qui-isin reheb saꞌ li naꞌajej Egipto. Kꞌaxal cau xmetzꞌe̱uheb. Chanchan xmetzꞌe̱u li bo̱yx li cuan saꞌ qꞌuicheꞌ. Teꞌnumta̱k saꞌ xbe̱neb li xicꞌ nequeꞌiloc reheb. Teꞌxtoki lix bakeleb ut teꞌxcuteb riqꞌuin lix tzimajeb.

Josué 9:7

Ut eb laj Israel queꞌxchakꞌbe laj heveo ut queꞌxye: —Ma̱re anchal nachꞌ cuanquex kiqꞌuin. ¿Chanru nak takaba̱nu junak contrato e̱riqꞌuin la̱ex?—

Salmos 35:1

At Ka̱cuaꞌ, sumeheb la̱at li teꞌraj pletic cuiqꞌuin. Ut la̱at taxak tatsume̱nk reheb.