Éxodo 23:2 - Li Santil hu

² Usta chixjunileb li tenamit yo̱keb xba̱nunquil li ma̱usilal, abanan me̱ba̱nu e̱re la̱ex. Nak texbokekꞌ chiru laj rakol a̱tin, me̱ye ticꞌtiꞌ usta lix qꞌuial li cuanqueb aran teꞌticꞌtiꞌik. Cheba̱nu ban saꞌ ti̱quilal.

Q'eqchi Bible

² “Us ta q'axal naab'aleb' li neke'xb'aanu li ink'a' us, ab'an matxik chirixeb'. “Chiru laj raqol aatin maak'e aawib' sa' xyanqeb' li naab'aleb' li te'raj xsachb'al xwankil li yaal,

Éxodo 23:2 ပူးပေါင်းရင်းမြစ်များ

Proverbios 1:15

Abanan la̱ex, ex cualal incꞌajol, mexxic saꞌ xya̱nkeb aꞌan ut me̱ba̱nu li incꞌaꞌ us li nequeꞌxba̱nu eb aꞌan.

Li xHu LAJ JOB 31:34

La̱in incꞌaꞌ xinxucuac xban li cꞌaꞌru teꞌxye li cristian. Ma̱ jun sut xintzꞌap cuib saꞌ cuochoch chi ma̱cꞌaꞌ xinye yal xban inxiu nak tineꞌxtzꞌekta̱na.

Deuteronomio 1:17

Incꞌaꞌ te̱sicꞌ ru li ani te̱col rix. Texrakok ban a̱tin saꞌ ti̱quilal saꞌ xbe̱neb li ma̱cꞌaꞌeb xcuanquil joꞌ eb ajcuiꞌ li cuanqueb xcuanquil. Ma̱ ani te̱xucua ru xban nak li tzꞌakal aj rakol a̱tin, aꞌan li Dios. Cui kꞌaxal nim li chꞌaꞌajquilal ut incꞌaꞌ texru̱k chixyi̱banquil, te̱cꞌameb chak cuiqꞌuin ut la̱in tinrakok a̱tin saꞌ xbe̱neb,” chanquin reheb.

San Lucas 23:51

Incꞌaꞌ quixcꞌul xchꞌo̱l li cꞌaꞌru queꞌxcꞌu̱b ru xba̱nunquil re li Jesús, chi moco quixcꞌul xchꞌo̱l nak queꞌxcamsi xban nak aꞌan yo̱ chixyoꞌoninquil lix nimajcual cuanquilal li Dios.

San Marcos 15:15

Ut laj Pilato ta̱raj nak sahakeb saꞌ xchꞌo̱l li tenamit riqꞌuin. Joꞌcan nak quirachꞌab laj Barrabás chiruheb. Tojoꞌnak quixtakla xsacꞌbal li Jesús riqꞌuin tzꞌu̱m ut quixkꞌaxtesi saꞌ rukꞌeb li soldado re nak teꞌxqꞌue chiru cruz.

Proverbios 4:14

Me̱ba̱nu e̱re joꞌ nequeꞌxba̱nu li incꞌaꞌ useb xnaꞌleb. Me̱tzol e̱re li cꞌaꞌru nequeꞌxba̱nu.

1 Reyes 19:10

Laj Elías quichakꞌoc ut quixye: —La̱in narahoꞌ saꞌ inchꞌo̱l xban nak xinqꞌue inchꞌo̱l chi cꞌanjelac cha̱cuu, at nimajcual Dios. Eb li ralal xcꞌajol laj Israel xeꞌxcanab xba̱nunquil li naxye saꞌ li contrato li xaba̱nu riqꞌuineb. Ut xelajeꞌxpoꞌ la̱ artal ut xelajeꞌxcamsi chi chꞌi̱chꞌ eb la̱ profetas. Caꞌaj chic la̱in xincana injunes ut yo̱queb ajcuiꞌ chinsicꞌbal la̱in re tineꞌxcamsi, chan laj Elías.

Josué 24:15

Cui la̱ex nequecꞌoxla nak incꞌaꞌ us cꞌanjelac chiru li Ka̱cuaꞌ Dios, sicꞌomak ani te̱cꞌanjela ru. ¿Ma texcꞌanjelak chiruheb li yi̱banbil dios li queꞌxcꞌanjela chak ru le̱ naꞌ e̱yucuaꞌ nak queꞌcuan jun pacꞌal li nimaꞌ Éufrates, malaj ut texcꞌanjelak chiruheb lix dioseb laj amorreo li cuanqueb arin saꞌ li naꞌajej aꞌin? Abanan, la̱in joꞌqueb ajcuiꞌ li cualal incꞌajol tocꞌanjelak chiru li Ka̱cuaꞌ Dios, chan laj Josué.

Hechos 25:9

Laj Festo quiraj nak us ta̱cana̱k riqꞌuineb laj judío. Joꞌcan nak quixye re laj Pablo: —¿Ma ta̱cuaj xic toj Jerusalén ut aran ta̱rakma̱nk a̱tin saꞌ a̱be̱n chicuu? chan re.

Hechos 24:27

Xban nak quiraj nak us ta̱cana̱k riqꞌuineb laj judío, joꞌcan nak quixcanab chi pre̱xil laj Pablo. Nak ac xnumeꞌ cuib chihab, laj Félix qui-el chokꞌ acuabej ut qui-oc laj Porcio Festo chokꞌ re̱kaj.

Jeremías 38:9

—At rey, yibru xeꞌxba̱nu eb li cui̱nk aꞌin nak xeꞌxcut li profeta Jeremías saꞌ jul. Aran naru nacam xban xtzꞌocajic xban nak ma̱cꞌaꞌ chic cua saꞌ li tenamit, chan.

Jeremías 37:21

Ut li rey Sedequías quixtakla xqꞌuebal chi pre̱xil laj Jeremías saꞌ li neba̱l re li cab, li nequeꞌcuan cuiꞌ li nequeꞌcꞌacꞌalen. Ut aran quicana. Rajlal cutan queꞌxqꞌue junju̱nk xcaxlan cua li queꞌxyi̱b laj yi̱bom caxlan cua toj retal qui-osoꞌ saꞌ li tenamit.

Jeremías 37:15

Cꞌajoꞌ nak queꞌjoskꞌoꞌ saꞌ xbe̱n laj Jeremías. Queꞌxtakla xsacꞌbal ut queꞌxqꞌue chi pre̱xil saꞌ li rochoch laj Jonatán laj tzꞌi̱b li queꞌxyi̱b chokꞌ tzꞌalam.

Salmos 72:2

Chirakok taxak a̱tin saꞌ ti̱quilal saꞌ xbe̱neb li tenamit. Ut chirakok taxak a̱tin saꞌ ti̱quilal saꞌ xbe̱neb li rahobtesinbileb.

Levítico 19:15

Nak texrakok a̱tin, cheba̱nu saꞌ xya̱lal. Me̱col rix li nebaꞌ, chi moco checol rix li biom. Saꞌ xya̱lal ban texrakok a̱tin saꞌ xbe̱neb chixjunileb.

Génesis 19:4

Toj ma̱jiꞌ ajcuiꞌ nequeꞌoc chi cua̱rc nak queꞌcuulac chixjunileb li cui̱nk aj Sodoma joꞌ ti̱x ut joꞌ sa̱j. Queꞌxsut li rochoch.

Génesis 6:12

Li Dios quiril nak kꞌaxal numtajenak li ma̱usilal saꞌ ruchichꞌochꞌ.

Romanos 1:32

Ac chꞌolchꞌo chiruheb li cꞌaꞌru quixye li Dios. Nequeꞌxnau nak lix tojbal rix li ma̱c, aꞌan li ca̱mc. Aban toj yo̱queb ajcuiꞌ chixba̱nunquil li ma̱c. Ut ma̱cuaꞌ caꞌaj cuiꞌ aꞌan nequeꞌxba̱nu. Nequeꞌsahoꞌ ajcuiꞌ saꞌ xchꞌo̱l chirilbaleb li ras ri̱tzꞌin nak yo̱queb chixba̱nunquil li incꞌaꞌ us.

Ezequiel 9:9

Li Ka̱cuaꞌ quixye cue: —Kꞌaxal numtajenak lix ma̱queb li ralal xcꞌajol laj Israel ut laj Judá. Saꞌ chixjunil li naꞌajej queꞌxcamsi ras ri̱tzꞌin ut queꞌxba̱nu li ma̱usilal. Nequeꞌxye nak la̱in xintzꞌekta̱na lix naꞌajeb ut incꞌaꞌ nacuil li ma̱usilal li nequeꞌxba̱nu.

Deuteronomio 24:17

Me̱ba̱nu ma̱usilal reheb li jalaneb xtenamit li cuanqueb saꞌ e̱ya̱nk, joꞌ eb ajcuiꞌ li ma̱cꞌaꞌ xnaꞌ xyucuaꞌ. Ut incꞌaꞌ te̱cꞌul chokꞌ prenda li rakꞌ li xma̱lcaꞌan.

Deuteronomio 16:19

Laj rakol a̱tin li te̱xakab incꞌaꞌ teꞌrisi xcuanquil li ti̱quilal ut incꞌaꞌ teꞌxsicꞌ ru li ani teꞌxba̱nu usilal re. Incꞌaꞌ cheꞌtumina̱k ruheb xban nak li ani naxcꞌul xtumin incꞌaꞌ chic naxtau xya̱lal ut incꞌaꞌ narakoc a̱tin saꞌ ti̱quilal.

Génesis 7:1

Li Ka̱cuaꞌ Dios quixye re laj Noé, —Anakcuan ocan saꞌ li jucub cab la̱at a̱cuochbeneb la̱ cualal a̱cꞌajol ut la̱ cuixakil, xban nak caꞌaj cuiꞌ la̱at ti̱c a̱chꞌo̱l chicuu saꞌ xya̱nkeb li cristian li cuanqueb saꞌ eb li cutan aꞌin.

Hageo 1:4

—¿Ma xkꞌehil ta biꞌ chokꞌ e̱re la̱ex nak texcua̱nk saꞌ cha̱bil cab ut lix templo li Ka̱cuaꞌ incꞌaꞌ nequecꞌoxla xyi̱banquil?

1 Samuel 15:9

Laj Saúl ut eb lix soldado incꞌaꞌ queꞌxcamsi laj Agag, chi moco queꞌxcamsiheb li carner li cha̱bil, chi moco li cuacax li ni̱nkeb xtibel. Ut incꞌaꞌ queꞌxsach ru li cꞌaꞌru terto xtzꞌak. Caꞌaj cuiꞌ li cꞌaꞌru ma̱cꞌaꞌ na-oc cuiꞌ, aꞌan li queꞌxsach.

Proverbios 18:5

Incꞌaꞌ us xyebal nak ma̱cꞌaꞌeb xma̱c li incꞌaꞌ useb xnaꞌleb. Incꞌaꞌ us xqꞌuebal li ma̱c saꞌ xbe̱neb li ma̱cꞌaꞌ xma̱c.

1 Samuel 15:24

Tojoꞌnak laj Saúl quixye re laj Samuel: —La̱in xinma̱cob. Xinkꞌet li ra̱tin li Dios ut xinkꞌet ajcuiꞌ la̱ cua̱tin la̱at. Xban nak xinxucuac chiruheb li tenamit, joꞌcan nak xinba̱nu li cꞌaꞌru xeꞌxye. Ba̱nu usilal, chacuy inma̱c.