Éxodo 23:19 - Li Santil hu

¹⁹ Te̱sicꞌ li xbe̱n ru le̱ racui̱mk li kꞌaxal cha̱bil. Aꞌan li te̱cꞌam saꞌ lin templo la̱in li Ka̱cuaꞌ le̱ Dios. Ut incꞌaꞌ te̱chik xtibel li chꞌina chiba̱t saꞌ xyaꞌal lix tuꞌ lix naꞌ.

Q'eqchi Bible

¹⁹ “Taak'am sa' rochoch li Qaawa' laaYos li xchaab'ilal li xb'een ru laawawimq. “Maachiq li ch'ina chib'aat sa' xya'al xtu' li xna'.

Éxodo 23:19 ပူးပေါင်းရင်းမြစ်များ

Éxodo 34:26

Li xbe̱n ru le̱ racui̱mk te̱cꞌam saꞌ li naꞌajej li niquineꞌxlokꞌoni cuiꞌ. Me̱chik xtibel li chꞌina chiba̱t saꞌ xyaꞌal xtuꞌ lix naꞌ, chan li Dios.

Deuteronomio 14:21

Incꞌaꞌ naru te̱tzaca xtibel li xul li nacam yal xjunes. Naru te̱qꞌue reheb li jalaneb xtenamit li cuanqueb saꞌ e̱ya̱nk ut eb aꞌan naru teꞌxtzaca. Malaj ut naru te̱cꞌayi reheb li jalan xtenamit li yo̱queb chi numecꞌ saꞌ le̱ naꞌaj. Incꞌaꞌ naru te̱tzaca xtibel li xul aꞌan xban nak la̱ex jun santil tenamit chiru li Ka̱cuaꞌ le̱ Dios. Ut me̱chik xtibel li chꞌina chiba̱t saꞌ xyaꞌal xtuꞌ lix naꞌ.

Deuteronomio 26:10

Joꞌcan nak la̱o xkacꞌam chak li xbe̱n ru li kacui̱mk li x-el saꞌ li chꞌochꞌ aꞌin li xaqꞌue ke, at Ka̱cuaꞌ”, chaꞌkex. Chirix aꞌan te̱qꞌue li chacach chiru li Ka̱cuaꞌ le̱ Dios ut te̱cuikꞌib e̱rib chiru.

Nehemías 10:35

Ut kacꞌu̱b ajcuiꞌ ru nak rajlal chihab takacꞌam li xbe̱n ru li kacui̱mk saꞌ lix templo li Ka̱cuaꞌ joꞌ ajcuiꞌ li xbe̱n ru li cheꞌ li naloꞌeꞌ.

Éxodo 22:29

Rajlal te̱mayeja cue li xbe̱n u le̱ racui̱mk joꞌ ajcuiꞌ li xyaꞌal li ru le̱ uvas. Ut te̱kꞌaxtesi ajcuiꞌ cue li xbe̱n le̱ ralal.

Deuteronomio 26:2

te̱sicꞌ li xbe̱n ru le̱ racui̱mk li x-el saꞌ li chꞌochꞌ li xqꞌue e̱re li Ka̱cuaꞌ le̱ Dios. Te̱qꞌue li ru le̱ racui̱mk saꞌ jun li chacach ut te̱cꞌam saꞌ li naꞌajej li tixsicꞌ ru li Ka̱cuaꞌ re te̱lokꞌoni cuiꞌ.

Apocalipsis 14:4

Aꞌaneb aꞌin li queꞌpa̱ban re li Jun li chanchan carner, li queꞌta̱ken re yalak bar, li incꞌaꞌ queꞌxmux ribeb riqꞌuin ixk chi incꞌaꞌ sumsu̱queb. Aꞌineb li xbe̱n queꞌcoleꞌ saꞌ xya̱nkeb li cuanqueb saꞌ ruchichꞌochꞌ re nak teꞌoc chokꞌ ralal xcꞌajol li Dios ut chokꞌ ralal xcꞌajol li Jun li chanchan carner.

1 Corintios 15:20

Abanan relic chi ya̱l nak li Cristo quicuaclesi̱c cuiꞌchic chi yoꞌyo saꞌ xya̱nkeb li camenak. Aꞌan li xbe̱n li quicuacli chi yoꞌyo chiruheb chixjunileb li teꞌcuaclesi̱k cuiꞌchic chi yoꞌyo.

Jeremías 10:3

Ma̱cꞌaꞌ na-oc cuiꞌ li cꞌaynakeb chixba̱nunquil. Nequeꞌxtꞌan jun li cheꞌ saꞌ qꞌuicheꞌ. Ut laj pechꞌ naxtrabaji riqꞌuin lix chꞌi̱chꞌ.

Proverbios 12:10

Li ani ti̱c xchꞌo̱l naxnau xra̱baleb lix xul. Abanan eb li incꞌaꞌ useb xnaꞌleb ma̱cꞌaꞌ nequeꞌril xtokꞌoba̱l ru.

Proverbios 3:9

Cheqꞌuehak xlokꞌal li Ka̱cuaꞌ riqꞌuin li cꞌaꞌru cuan e̱re. Te̱mayeja li xbe̱n ru le̱ racui̱mk chiru li Ka̱cuaꞌ.

Éxodo 22:28

Me̱hob li nequeꞌrakoc a̱tin saꞌ e̱be̱n chi moco chetzꞌekta̱na li nataklan saꞌ le̱ tenamit.

Números 15:21

Li mayej caxlan cua aꞌin junelic te̱mayeja chicuu la̱ex joꞌ eb ajcuiꞌ le̱ ralal e̱cꞌajol li teꞌcua̱nk mokon.

Nehemías 10:36

Ut takacꞌameb ajcuiꞌ saꞌ lix templo li Dios li xbe̱n kalal joꞌ ajcuiꞌ li xbe̱n ral li kacuacax ut eb li kacarner joꞌ tzꞌi̱banbil saꞌ li chakꞌrab ut takakꞌaxtesi reheb laj tij li nequeꞌcꞌanjelac saꞌ li templo.

Ezequiel 44:30

Reheb laj tij li xbe̱n ru li acui̱mk ut reheb ajcuiꞌ li kꞌaxal cha̱bil li ta̱mayeja̱k chicuu. Nak eb li tenamit teꞌxyi̱b li kꞌem li yi̱banbil riqꞌuin li xbe̱n ru li trigo, teꞌxqꞌue reheb li xbe̱n li ta̱e̱lk. Ut la̱in tincuosobtesiheb li nequeꞌxqꞌue lix mayejeb.

Ezequiel 48:13

Ut lix naꞌajeb laj levita li cuan chixcꞌatk li nuba̱l re lix naꞌajeb laj tij, aꞌan cablaju kilómetro riqꞌuin media kilómetro xnimal rok ut o̱b kilómetro xnimal ru. Chixjunil li naꞌajej reheb laj tij ut reheb laj levita, aꞌan cablaju kilómetro riqꞌuin media xnimal rok ut laje̱b kilómetro xnimal ru.

Ezequiel 48:14

Li chꞌochꞌ aꞌin incꞌaꞌ naru xcꞌayinquil, chi moco naru xjalbal ru, chi moco naru xqꞌuebal re jalan xban nak li naꞌajej aꞌin ac kꞌaxtesinbil re li nimajcual Dios.