Éxodo 23:14 - Li Santil hu

¹⁴ Oxib sut saꞌ li chihab texninkꞌei̱k re xqꞌuebal inlokꞌal.

Q'eqchi Bible

¹⁴ “Ox sut chiru li chihab' tinaaninq'ehi.

Éxodo 23:14 ပူးပေါင်းရင်းမြစ်များ

Deuteronomio 16:16

Oxib sut chiru li chihab chixjunileb li cui̱nk teꞌxic chiru li Ka̱cuaꞌ le̱ Dios saꞌ li naꞌajej li tixsicꞌ ru. Aꞌaneb aꞌin li oxib sut: li ninkꞌe nak nequecuaꞌ li caxlan cua li ma̱cꞌaꞌ xchꞌamal, li ninkꞌe nak nequemayeja li xbe̱n ru le̱ racui̱mk, ut li ninkꞌe nak nequeyi̱b le̱ cocꞌ muheba̱l riqꞌuin rukꞌ cheꞌ. Ma̱ ani tixcꞌut rib chiru li Ka̱cuaꞌ chi ma̱cꞌaꞌ li tixcꞌam chokꞌ xmayej.

Levítico 23:34

—Ta̱ye reheb laj Israel: Saꞌ li oꞌlaju xbe li xcuuk li po te̱ba̱nu li ninkꞌe nak nequeyi̱b li cocꞌ muheba̱l riqꞌuin rukꞌ cheꞌ. Chiru cuukub cutan te̱ba̱nu li ninkꞌe aꞌin re xqꞌuebal xlokꞌal li Ka̱cuaꞌ.

Levítico 23:16

Nak acak xnumeꞌ li laje̱b roxcꞌa̱l (50) cutan, te̱qꞌue cuiꞌchic le̱ mayej re le̱ racui̱mk trigo.

Levítico 23:5

Saꞌ li ca̱laju xbe li xbe̱n po te̱tiquib lin ninkꞌe Pascua nak ac oc re li kꞌojyi̱n re xjulticanquil nak quexcuisi chak saꞌ li tenamit Egipto.

Éxodo 23:17

Saꞌ li oxib chi ninkꞌe aꞌin li te̱ba̱nu chiru li jun chihab, tento nak chixjunileb li cui̱nk teꞌxic saꞌ li templo chinlokꞌoninquil la̱in li Ka̱cuaꞌ Dios.

Levítico 23:4

Aꞌan eb aꞌin li cutan nak te̱chꞌutub e̱rib chinlokꞌoninquil. Li ninkꞌe te̱ba̱nu kꞌaxal lokꞌ. Ta̱ye resil reheb jokꞌe teꞌninkꞌei̱k re inlokꞌoninquil.

1 Samuel 1:3

Laj Elcana rajlal chihab naxic Silo chi lokꞌoni̱nc ut chixqꞌuebal lix mayej chiru li nimajcual Dios. Aran Silo cuan laj Elí laj tij rochbeneb li cuib chi ralal, laj Ofni ut laj Finees. Aꞌan aj tijeb ajcuiꞌ chiru li Dios.

1 Reyes 9:25

Laj Salomón quixqꞌue lix cꞌatbil mayej oxib sut chiru li chihab. Ut quixqꞌue ajcuiꞌ saꞌ li artal li quixyi̱b re li Ka̱cuaꞌ. Quixqꞌue lix mayej re xcꞌambaleb rib saꞌ usilal riqꞌuin li Ka̱cuaꞌ. Ut quixcꞌat ajcuiꞌ li incienso saꞌ li artal li cuan chiru li naꞌajej li nahilan cuiꞌ li Ka̱cuaꞌ nak queꞌrakeꞌ chixyi̱banquil li templo.

2 Crónicas 8:13

Quixqꞌue li mayej aꞌin saꞌ eb li cutan nak tento xqꞌuebal joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Quixqꞌue lix mayej saꞌ eb li hiloba̱l cutan ut saꞌ lix yoꞌlajic li po, ut saꞌ li oxib chi ninkꞌe li queꞌxba̱nu rajlal chihab. Li xbe̱n li ninkꞌe, aꞌan nak queꞌxcuaꞌ li caxlan cua li ma̱cꞌaꞌ xchꞌamal; li xcab, aꞌan li ninkꞌe re li xama̱n; ut li rox, aꞌan nak queꞌxyi̱b lix cocꞌ muheba̱leb.

Éxodo 34:17

Me̱yi̱b e̱jalanil dios.

Éxodo 34:18

Joꞌ xinye e̱re, saꞌ li po Abib xcꞌabaꞌ texninkꞌei̱k. Cuukub cutan te̱cuaꞌ li caxlan cua li ma̱cꞌaꞌ xchꞌamal. Ac chꞌolchꞌo nak te̱ba̱nu aꞌin saꞌ li po Abib xban nak saꞌ li po aꞌin xex-el chak saꞌ li tenamit Egipto.

Deuteronomio 16:1

Saꞌ li po Abib te̱ba̱nu li ninkꞌe Pascua re xlokꞌoninquil li Ka̱cuaꞌ le̱ Dios xban nak chiru li po Abib quexrisi chak li Ka̱cuaꞌ saꞌ li naꞌajej Egipto chiru kꞌojyi̱n.

Ezequiel 46:9

Nak eb li tenamit teꞌoc saꞌ li oqueba̱l li cuan saꞌ li norte chixlokꞌoninquil li Ka̱cuaꞌ, teꞌe̱lk saꞌ li oqueba̱l li cuan saꞌ li sur nak teꞌrakekꞌ chi lokꞌoni̱nc. Ut eb li teꞌoc saꞌ li oqueba̱l li cuan saꞌ li sur teꞌe̱lk saꞌ li oqueba̱l li cuan saꞌ li norte. Ma̱ ani teꞌe̱lk saꞌ li oqueba̱l li queꞌoc cuiꞌ.