Éxodo 23:12 - Li Santil hu

¹² Chiru cuakib cutan te̱ba̱nu li joꞌ qꞌuial le̱ cꞌanjel li te̱raj xba̱nunquil. Ut saꞌ xcuuk li cutan texhila̱nk, la̱ex joꞌ ajcuiꞌ le̱ bo̱yx, ut le̱ bu̱r. Ut teꞌhila̱nk ajcuiꞌ le̱ mo̱s joꞌqueb ajcuiꞌ li jalan xtenamit li cuan e̱riqꞌuin.

Q'eqchi Bible

¹² “Chiru waqib' kutan tatk'anjelaq, ab'an sa' li xwuq tathilanq, re naq te'hilanq laab'ooyx ut laab'uur, ut te'k'ulunq xch'ool li xyum laamoos ut li jalan xtenamit.

Éxodo 23:12 ပူးပေါင်းရင်းမြစ်များ

San Lucas 13:14

Cꞌajoꞌ nak quijoskꞌoꞌ li nataklan saꞌ li cab li nequeꞌxchꞌutub cuiꞌ ribeb laj judío xban nak li Jesús quixqꞌuirtesi li ixk saꞌ li hiloba̱l cutan. Ut quixye reheb li cuanqueb aran: —Cuakib cutan cuan re nak naru texcꞌanjelak. Chiruheb a cutan aꞌan naru nequexchal chi banecꞌ ut incꞌaꞌ texcha̱lk chi banecꞌ saꞌ li hiloba̱l cutan, chan.

Éxodo 35:3

Chi moco le̱ xam te̱tzꞌab saꞌ le̱ rochoch saꞌ li hiloba̱l cutan.

Isaías 58:3

Abanan eb li cristian nequeꞌxye: —¿Cꞌaꞌru rajbal nak xkaba̱nu li ka-ayu̱n? La̱at incꞌaꞌ xaqꞌue retal. ¿Cꞌaꞌut nak xkacubsi kib? La̱at incꞌaꞌ xaqꞌue retal li xkaba̱nu, chanqueb. Abanan li Dios quixye reheb: —Saꞌ eb li cutan nak nequeba̱nu le̱ ayu̱n, nequeba̱nu li cꞌaꞌru nequeraj ut nequerahobtesiheb li nequeꞌcꞌanjelac che̱ru.

Éxodo 34:21

Cuakib cutan textrabajik. Saꞌ xcuuk li cutan texhila̱nk. Usta xkꞌehil li a̱uc, usta xkꞌehil li kꞌoloc joꞌcaꞌin te̱ba̱nu.

San Marcos 2:27

Ut quixye ajcuiꞌ reheb: —Aꞌ li cui̱nk ut li ixk aꞌaneb li kꞌaxal lokꞌ chiru li hiloba̱l cutan. Toj ma̱cꞌaꞌ li hiloba̱l cutan nak ac queꞌyoꞌobtesi̱c chak ut li hiloba̱l cutan quiqꞌueheꞌ re xtenkꞌanquileb li cui̱nk ut li ixk.

Éxodo 16:23

Laj Moisés quixye reheb: —Joꞌcan xye li Ka̱cuaꞌ Dios. Cuulaj li hiloba̱l cutan. Aꞌan jun lokꞌlaj cutan chiru li Ka̱cuaꞌ Dios. Te̱jora li joꞌ qꞌuial te̱raj ut te̱chik li joꞌ qꞌuial te̱raj ut li ta̱elaꞌa̱nk naru te̱xoc re cuulaj, chan.

Éxodo 23:11

Abanan saꞌ xcuuk li chihab te̱canab chi hila̱nc li chꞌochꞌ ut me̱xoc li na-el yal xjunes re nak ta̱ru̱k teꞌtzaca̱nk li nebaꞌ li cuanqueb saꞌ le̱ tenamit, ut re ajcuiꞌ nak teꞌcuaꞌak eb li xul li cuanqueb saꞌ cꞌaleba̱l. Joꞌcan ajcuiꞌ te̱ba̱nu riqꞌuin li acui̱mk uvas ut olivos.

Éxodo 35:2

Cuakib cutan ajcuiꞌ textrabajik ut saꞌ li xcuuk li cutan texhila̱nk xban nak li cutan aꞌan santobresinbilak re nak te̱qꞌue xlokꞌal li Ka̱cuaꞌ. Ani ta̱trabajik saꞌ li hiloba̱l cutan, aꞌan ta̱camsi̱k.

Levítico 23:3

Cuakib cutan textrabajik ut saꞌ li xcuuk li cutan ma̱ jun li cꞌanjel te̱ba̱nu xban nak aꞌan li hiloba̱l cutan kꞌaxal lokꞌ re texhila̱nk cuiꞌ. Tine̱lokꞌoni aꞌ yal bar cua̱nkex.

Nehemías 13:16

Ut cuanqueb Jerusalén xcomoneb laj Tiro nequeꞌxcꞌam Jerusalén li car joꞌ ajcuiꞌ li cꞌaꞌak chic re ru re teꞌxcꞌayi reheb laj Judá saꞌ li hiloba̱l cutan.