Éxodo 22:3 - Li Santil hu

³ Abanan cui ac xcutanoꞌ nak ta̱taꞌekꞌ laj e̱lkꞌ ut ta̱camsi̱k, li ani ta̱camsi̱nk re tento nak tixtoj xma̱c. Cui laj e̱lkꞌ incꞌaꞌ nacamsi̱c, tento nak tixqꞌue re̱kaj li joꞌ qꞌuial ac xrelkꞌa. Abanan cui laj e̱lkꞌ ma̱cꞌaꞌ xtumin, tento nak ta̱cꞌayi̱k aꞌan re xtojbal li joꞌ qꞌuial ac xrelkꞌa.

Q'eqchi Bible

³ Ab'an wi taak'ulmanq a'in naq akaq x'elk li saq'e, eeqajuninb'ilaq li xkik'el. “Laj elq' tento tixk'e reeqaj li jo'nimal xrelq'a, ut wi maak'a' wank re, taak'ayimanq jo' reeqaj li xrelq'a.

Éxodo 22:3 ပူးပေါင်းရင်းမြစ်များ

Éxodo 21:2

Cui teꞌxlokꞌ junak xmo̱seb, cuakib chihab ajcuiꞌ ta̱cꞌanjelak chiruheb. Saꞌ li xcuuk chihab libre chic ta̱cana̱k ut incꞌaꞌ tento tixtoj li relic.

San Mateo 18:25

Ut xban nak ma̱cꞌaꞌ cꞌaꞌru cuan re li cui̱nk aꞌan re tixtoj cuiꞌ lix cꞌas, joꞌcan nak li rey quixtakla xcꞌayinquil aꞌan rech xxiquic li rixakil, ut li ralal xcꞌajol ut chixjunil li cꞌaꞌru cuan re, re xtojbal lix cꞌas.

Isaías 50:1

Aꞌan aꞌin li naxye li Ka̱cuaꞌ: —Ma̱re la̱ex xecꞌoxla nak la̱in xintzꞌekta̱na lin tenamit Israel joꞌ nak naxtzꞌekta̱na rixakil junak li cui̱nk li naxjach rib. Cui joꞌcan xinba̱nu, ¿bar cuan li hu re jachoc ib? Malaj ut xecꞌoxla nak la̱in xexincꞌayi xban xtojbal incꞌas. ¿Ma incꞌaꞌ ta biꞌ nequenau nak xban le̱ ma̱c nak xexcꞌameꞌ chi najt? ¿Ma ma̱cuaꞌ ta biꞌ xban nak xekꞌetkꞌeti e̱rib nak xexcꞌameꞌ chi najt?

Jueces 10:7

Ut li Ka̱cuaꞌ Dios quijoskꞌoꞌ saꞌ xbe̱neb laj Israel. Joꞌcan nak quixkꞌaxtesiheb saꞌ rukꞌeb laj filisteo ut saꞌ rukꞌeb laj Amón.

Jueces 2:14

Cꞌajoꞌ nak quichal xjoskꞌil li Dios saꞌ xbe̱neb laj Israel. Joꞌcan nak quixkꞌaxtesiheb saꞌ rukꞌeb laj e̱lkꞌ ut qui-elkꞌa̱c chixjunil li cꞌaꞌru cuan reheb. Quixkꞌaxtesiheb saꞌ rukꞌeb li xicꞌ nequeꞌiloc reheb, li cuanqueb chi nachꞌ riqꞌuineb ut eb aꞌan chic queꞌnumta saꞌ xbe̱neb. Ut eb laj Israel incꞌaꞌ queꞌxcuy xcolbaleb rib chiruheb.

Éxodo 22:2

Cui laj e̱lkꞌ ta̱taꞌekꞌ chiru kꞌojyi̱n nak yo̱k chi elkꞌac, ut cui saꞌ li ho̱nal aꞌan ta̱camsi̱k, li ani ta̱camsi̱nk re, ta̱cana̱k chi ma̱cꞌaꞌ xma̱c.

Génesis 44:10

Li mo̱s quixye reheb: —Chi-uxma̱nk taxak joꞌ xaye. Li ani tintau cuiꞌ li secꞌ, aꞌan ta̱cana̱k chokꞌ aj cꞌanjel chicuu chi junaj cua. Ut la̱ex li jun chꞌol chic naru texxic xban nak ma̱cuaꞌ la̱ex cuan e̱re, chan.

Éxodo 21:34

tento nak laj e̱chal re li jul ta̱tojok re li xul li xtꞌaneꞌ saꞌ jul. Ut li xul camenak ta̱cana̱k chokꞌ re.

Isaías 40:2

Chex-a̱tinak riqꞌuineb lin tenamit Jerusalén saꞌ kꞌunil. Cheye reheb nak tzꞌakal li raylal li ac xeꞌxcꞌul. Cuybil sachbil chic lix ma̱queb. Nabal lix tojbal rix lix ma̱queb xinqꞌue, chan li Dios.