Éxodo 22:29 - Li Santil hu

²⁹ Rajlal te̱mayeja cue li xbe̱n u le̱ racui̱mk joꞌ ajcuiꞌ li xyaꞌal li ru le̱ uvas. Ut te̱kꞌaxtesi ajcuiꞌ cue li xbe̱n le̱ ralal.

Q'eqchi Bible

²⁹ “Matb'ayk chi xyeechi'inkil we li xchaab'ilal laaq'olom ut laa'uub'. Chak'e we li xb'een aawalal.

Éxodo 22:29 ပူးပေါင်းရင်းမြစ်များ

Éxodo 23:16

Li xcab li ninkꞌe li te̱ba̱nu, aꞌan nak te̱sicꞌ li xbe̱n ru le̱ racui̱mk li nequerau saꞌ le̱ chꞌochꞌ. Ut li rox li ninkꞌe li te̱ba̱nu, aꞌan saꞌ rosoꞌjic li chihab nak te̱xoc chixjunil li ru le̱ racui̱mk li na-el saꞌ le̱ chꞌochꞌ.

Santiago 1:18

Xban nak joꞌcan quiraj li Dios, joꞌcan nak quixye nak chiru li Dios chanchano li xbe̱n ru li racui̱mk li quixyoꞌobtesi chak.

Éxodo 23:19

Te̱sicꞌ li xbe̱n ru le̱ racui̱mk li kꞌaxal cha̱bil. Aꞌan li te̱cꞌam saꞌ lin templo la̱in li Ka̱cuaꞌ le̱ Dios. Ut incꞌaꞌ te̱chik xtibel li chꞌina chiba̱t saꞌ xyaꞌal lix tuꞌ lix naꞌ.

Romanos 8:23

Ma̱cuaꞌ caꞌaj cuiꞌ li ruchichꞌochꞌ naxcꞌul li raylal. Nayotꞌeꞌ ajcuiꞌ li kachꞌo̱l la̱o aj pa̱banel xban li raylal nakacꞌul, usta ac xkacꞌul li Santil Musikꞌej. Li Santil Musikꞌej aꞌan xbe̱n li kama̱tan naxqꞌue ke li Dios. Yo̱co chiroybeninquil nak li Dios toxcꞌul joꞌ tzꞌakal ralal xcꞌajol ut ta̱jala̱k li katzꞌejcual ut tixqꞌue li kalokꞌal.

San Mateo 6:33

Li cꞌaꞌru li te̱sicꞌ xbe̱n cua, aꞌan lix nimajcual cuanquilal li Dios ut lix ti̱quilal, ut chixjunil li cꞌaꞌak re ru aꞌin talajqꞌuehekꞌ e̱re chokꞌ xtzꞌakob.

Miqueas 7:1

Tokꞌob xak cuu. Chanchanin jun li cui̱nk li naxsicꞌ li ru li acui̱mk saꞌ sakꞌehil abanan ma̱cꞌaꞌ chic ru. Ac sicꞌbil. Xinsicꞌ li ru li uva abanan ac sicꞌbil ajcuiꞌ ut la̱in aꞌ raj li xbe̱n ru xcuaj, abanan incꞌaꞌ chic xintau.

Éxodo 34:19

Chixjunileb li xbe̱n le̱ ralal cue la̱in joꞌ eb ajcuiꞌ li xbe̱n raleb le̱ queto̱mk, li cocꞌ te̱lom.

Éxodo 13:12

Nak cua̱nkex aran la̱ex te̱kꞌaxtesi saꞌ rukꞌ li Dios li xbe̱n e̱ralal. Ut te̱kꞌaxtesi ajcuiꞌ re chixjunil li xbe̱n raleb le̱ queto̱mk li te̱lom.

Ezequiel 20:40

Abanan mokon che̱junilex la̱ex aj Israel tine̱lokꞌoni saꞌ lin santil naꞌajej saꞌ li tzu̱l Sión li cuan aran Israel. Ta̱sahokꞌ inchꞌo̱l e̱riqꞌuin xban nak che̱junilex texcꞌanjelak chicuu. La̱in tinye e̱re nak te̱cꞌam le̱ mayej chicuu ut la̱in tincꞌul. Te̱cꞌam chak cue li xbe̱n ru le̱ racui̱mk ut li cꞌaꞌru lokꞌ che̱ru.

2 Crónicas 31:5

Nak queꞌrabi resil li esilal aꞌin, queꞌxqꞌue chi nabal li xbe̱n ru li racui̱mkeb laj Israel. Queꞌxqꞌue ajcuiꞌ li vino, li aceite, li xyaꞌal cab, ut li xbe̱n ru li racui̱mkeb. Ut queꞌxqꞌue ajcuiꞌ li junju̱nk saꞌ xlaje̱tkil re chixjunil li cꞌaꞌru cuan reheb.

2 Reyes 4:42

Saꞌ jun chic li cutan jun li cui̱nk quicuulac riqꞌuin laj Eliseo. Chalenak chak saꞌ li tenamit Baal-salisa. Quixcꞌam junmay li caxlan cua yi̱banbil riqꞌuin li xbe̱n ru li cebada ut quixcꞌam ajcuiꞌ li xbe̱n ru li trigo. Quixsi re laj Eliseo. Laj Eliseo quixye re lix mo̱s nak tixqꞌue reheb li tenamit re teꞌcuaꞌak.

Éxodo 23:15

Cheba̱nu li ninkꞌe nak te̱cuaꞌ li caxlan cua chi ma̱cꞌaꞌ xchꞌamal. Cuukub cutan te̱cuaꞌ li caxlan cua li ma̱cꞌaꞌ xchꞌamal. Te̱ba̱nu joꞌ quinye e̱re. Te̱ba̱nu saꞌ li po Abib xcꞌabaꞌ xban nak aꞌan li po nak quex-el chak saꞌ li tenamit Egipto. Ma̱ jun ta̱oque̱nk saꞌ li ninkꞌe aꞌan chi incꞌaꞌ tixcꞌam xmayej saꞌ lin templo.

Éxodo 34:20

Li xbe̱n raleb li bu̱r, carner te̱qꞌue chokꞌ ru̱chil. Cui incꞌaꞌ te̱qꞌue ru̱chil tento nak te̱tok xcux li chꞌina bu̱r. Ut tento nak te̱qꞌue ru̱chil li xbe̱n e̱ralal. Chixjunilex texmayejak joꞌ xinye e̱re.

Números 18:13

Chixjunil li xbe̱n ru li acui̱mk li nequeꞌxqꞌue cue chokꞌ xmayejeb la̱in tinqꞌue e̱re. Chixjunileb li cuanqueb saꞌ le̱ rochoch, li incꞌaꞌ muxbileb ru, naru teꞌxtzaca li mayej aꞌin.

Levítico 22:27

—Nak ta̱yoꞌla̱k junak cuacax, junak carner, malaj ut junak chiba̱t, ta̱cana̱k riqꞌuin lix naꞌ chiru cuukub cutan. Chalen saꞌ lix cuakxak li cutan ta̱cꞌulekꞌ joꞌ jun li cꞌatbil mayej chiru li Ka̱cuaꞌ.

Deuteronomio 15:19

Te̱kꞌaxtesi re li Ka̱cuaꞌ le̱ Dios li xbe̱n ral le̱ cuacax li te̱lom, ut li xbe̱n ral le̱ carner li te̱lom. Incꞌaꞌ te̱qꞌue chi cꞌanjelac li xbe̱n ral le̱ bo̱yx ut me̱bes rix li xbe̱n ral le̱ carner.