Éxodo 22:27 - Li Santil hu

²⁷ xban nak caꞌaj cuiꞌ aꞌan li tꞌicr li naxtzꞌap cuiꞌ rib. ¿Chanru nak tixtzꞌap rib nak ta̱oc chi cua̱rc chi ma̱cꞌaꞌ lix tꞌicr? Nak tixtzꞌa̱ma xtenkꞌanquil cue, la̱in tincuabi xban nak la̱in nin-uxta̱nan u.

Q'eqchi Bible

²⁷ xb'aan naq chiru a'an naxtz'ap rib', a'an li xb'aatal: k'aru taawarq wi'? Wi tixyaab'a link'ab'a', laa'in twab'i xb'aan naq aj uxtaanin.

Éxodo 22:27 ပူးပေါင်းရင်းမြစ်များ

Éxodo 34:6

Li Dios quinumeꞌ chiru laj Moisés ut quixye re: —La̱in li Ka̱cuaꞌ Dios. La̱in li nimajcual Dios. La̱in li nintokꞌoban u ut la̱in ajcuiꞌ nin-uxta̱nan u. La̱in incꞌaꞌ ninjoskꞌoꞌ chi junpa̱t. Numtajenak lin rahom. Ma̱ jaruj ninpaltoꞌ. Cuanquin chi junelic.

2 Crónicas 30:9

Cui texsukꞌi̱k riqꞌuin li Ka̱cuaꞌ, teꞌuxta̱na̱k ruheb le̱ rechꞌalal ut eb le̱ ralal e̱cꞌajol xbaneb li queꞌcꞌamoc reheb chi pre̱xil ut teꞌsukꞌi̱k cuiꞌchic saꞌ li naꞌajej aꞌin xban nak li Ka̱cuaꞌ le̱ Dios, aꞌan na-uxta̱nan u ut natokꞌoban u. Incꞌaꞌ textzꞌekta̱na cui texsukꞌi̱k cuiꞌchic riqꞌuin, chan li rey saꞌ li hu li quixtakla.

Salmos 86:15

Abanan la̱at, at Ka̱cuaꞌ, at inDios, nim la̱ cuuxta̱n ut nim la̱ cuyum. La̱at incꞌaꞌ nacatjoskꞌoꞌ saꞌ junpa̱t. Kꞌaxal nim ban la̱ cuusilal. La̱at aj rahonel ut la̱at li ya̱l.

Salmos 72:12

Aꞌan ta̱colok reheb li rahobtesinbileb joꞌqueb ajcuiꞌ li nebaꞌ li ma̱ ani natenkꞌan reheb.

Salmos 34:6

Nak kꞌaxal ra cuanquin, quintzꞌa̱ma intenkꞌanquil re li Ka̱cuaꞌ, ut aꞌan quixsume li quintzꞌa̱ma re ut quinixcol chiru li raylal.

Éxodo 22:23

Cui la̱ex te̱rahobtesiheb, la̱in tincuabi nak teꞌxtzꞌa̱ma xtenkꞌanquileb cue.

Isaías 19:20

Aꞌaneb li retalil nak li Ka̱cuaꞌ cuan aran Egipto. Nak li tenamit teꞌxya̱ba xcꞌabaꞌ li Ka̱cuaꞌ xban li raylal li yo̱keb chixcꞌulbal, li Ka̱cuaꞌ tixtakla junak li ta̱colok reheb ut tixtenkꞌaheb.

Deuteronomio 24:10

Nak te̱toꞌoni li cꞌaꞌak re ru re le̱ ras e̱ri̱tzꞌin, mex-oc saꞌ rochoch chixcꞌulbal li tꞌicr tixqꞌue e̱re chokꞌ prenda.

2 Samuel 16:5

Li rey David quicuulac Bahurim. Aran cuan jun li cui̱nk aj Simei xcꞌabaꞌ. Aꞌan ralal laj Gera xcomoneb li ralal xcꞌajol laj Saúl. Qui-oc chixmajecuanquil laj David.

1 Reyes 2:8

Cuan a̱cuiqꞌuin laj Simei li ralal laj Gera. Aꞌan xcomoneb li ralal xcꞌajol laj Benjamín, Bahurim xtenamit. Laj Simei, aꞌan cꞌajoꞌ nak quinixmajecua saꞌ li cutan nak co̱in Mahanaim. Mokon chic co̱ chincꞌulbal saꞌ li nimaꞌ Jordán. La̱in xinye re saꞌ xcꞌabaꞌ li Ka̱cuaꞌ nak incꞌaꞌ tincamsi.

1 Reyes 2:9

Abanan, la̱at incꞌaꞌ ta̱cuy xma̱c. La̱at cuan a̱naꞌleb, ut ta̱nau chanru ta̱ba̱nu re nak camsinbil nak ta̱osokꞌ, chan laj David.

Eclesiastés 10:20

Ma̱cuechꞌ rix li rey chi moco riqꞌuin la̱ cꞌaꞌux. Ut incꞌaꞌ tat-a̱tinak chirix li biom usta a̱junes cua̱nkat saꞌ la̱ cuochoch, xban nak cuanqueb cocꞌ xul nequeꞌrupupic. Ma̱re teꞌxye chak re li cꞌaꞌru ta̱ye.