Éxodo 22:21 - Li Santil hu

²¹ Me̱balakꞌiheb li jalaneb xtenamit chi moco te̱ba̱nu raylal reheb, xban nak jalan ajcuiꞌ e̱tenamit la̱ex nak quexcuan chak saꞌ li tenamit Egipto.

Q'eqchi Bible

²¹ “Maahob' li jalan xtenamit chi moko taarahob'tesi, xb'aan naq ab'lex ajwi' laa'ex naq kexwank chaq sa' li tenamit Ejiipt.

Éxodo 22:21 ပူးပေါင်းရင်းမြစ်များ

Deuteronomio 10:19

Joꞌcan nak la̱ex cherahakeb li jalaneb xtenamit xban nak la̱ex jalan ajcuiꞌ e̱tenamit nak quexcuan chak Egipto.

Éxodo 23:9

Me̱rahobtesiheb li jalaneb xtenamit. La̱ex ac nequenau chanru li cua̱nc saꞌ jalan tenamit xban nak jalan ajcuiꞌ le̱ tenamit la̱ex nak quexcuan chak Egipto.

Levítico 19:33

Me̱rahobtesiheb li jalaneb xtenamit li cuanqueb saꞌ e̱ya̱nk.

Zacarías 7:10

Me̱rahobtesiheb li xma̱lcaꞌan chi moco li ma̱cꞌaꞌ xnaꞌ xyucuaꞌ. Me̱ba̱nu raylal re li jalaneb xtenamit chi moco reheb li nebaꞌ. Chi moco te̱cꞌoxla xba̱nunquil raylal reheb le̱ ras e̱ri̱tzꞌin, chan li Dios.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Jeremías 7:6

Incꞌaꞌ te̱rahobtesi li jalan xtenamiteb, chi moco li ma̱cꞌaꞌ xnaꞌ xyucuaꞌeb ut li xma̱lcaꞌan, chi moco te̱qꞌue chi camsi̱c li ma̱cꞌaꞌ xma̱queb ut incꞌaꞌ te̱bok raylal saꞌ e̱be̱n riqꞌuin nak nequelokꞌoni li yi̱banbil dios.

Deuteronomio 23:7

Incꞌaꞌ xicꞌ te̱ril eb laj Edom xban nak eb aꞌan le̱ rechꞌalal. Ut incꞌaꞌ xicꞌ te̱ril eb laj Egipto xban nak quexcuan saꞌ lix tenamiteb.

Levítico 25:35

Cui junak le̱ rech tenamitil ta̱nebaꞌokꞌ ut tixtzꞌa̱ma xtenkꞌanquil e̱riqꞌuin, tento nak la̱ex te̱tenkꞌa re nak ta̱ru̱k ta̱cua̱nk saꞌ e̱ya̱nk. Te̱ba̱nu re joꞌ nequeba̱nu reheb li jalaneb xtenamit malaj ut li yal numecꞌ re, re nak ta̱ru̱k ta̱cua̱nk saꞌ e̱ya̱nk.

Éxodo 20:2

La̱in li Ka̱cuaꞌ le̱ Dios. La̱in xin-isin chak e̱re saꞌ li tenamit Egipto, saꞌ li naꞌajej li xexrahobtesi̱c cuiꞌ chak.

Jeremías 22:3

La̱in li Ka̱cuaꞌ yo̱quin chi a̱tinac a̱cuiqꞌuin. Cheba̱nuhak li us ut texcua̱nk saꞌ ti̱quilal. Checoleb li rahobtesinbileb chiruheb li nequeꞌrahobtesin reheb. Me̱balakꞌiheb ut me̱relkꞌa cꞌaꞌru reheb li jalaneb xtenamit. Ut me̱ba̱nu raylal reheb li ma̱cꞌaꞌeb xnaꞌ xyucuaꞌ, chi moco reheb li xma̱lcaꞌan. Me̱camsiheb saꞌ li naꞌajej aꞌin li ma̱cꞌaꞌeb xma̱c.

Deuteronomio 15:15

Chijulticokꞌ e̱re chanru nak quexcuan chak la̱ex chokꞌ rahobtesinbil mo̱s aran Egipto ut li Ka̱cuaꞌ le̱ Dios quicoloc chak e̱re. Joꞌcan nak la̱in xinqꞌue e̱re li chakꞌrab aꞌin anakcuan.

Levítico 19:13

Me̱rahobtesiheb le̱ ras e̱ri̱tzꞌin, chi moco te̱relkꞌa li cꞌaꞌru reheb. Ut te̱toj le̱ mo̱s saꞌ xkꞌehil. Me̱canab chokꞌ re cuulaj.

Levítico 19:34

Te̱ba̱nu reheb joꞌ nequeba̱nu reheb le̱ rech tenamitil. Cheraheb joꞌ nak nequera e̱rib la̱ex. Chijulticokꞌ e̱re nak la̱ex jalan le̱ tenamit nak quexcuan chak Egipto. La̱in li Ka̱cuaꞌ le̱ Dios xinyehoc re aꞌin.

Deuteronomio 1:16

Ut la̱in quinye reheb li teꞌrakok a̱tin saꞌ e̱be̱n, “Te̱qꞌue retal chi us li cꞌaꞌru nequeꞌxye li yo̱queb chi cuechꞌi̱nc. Ut texrakok a̱tin saꞌ xya̱lal saꞌ xbe̱neb, usta a̱cuech aj Israelil malaj ut li jalan xtenamit li cuanqueb saꞌ e̱ya̱nk.

Deuteronomio 23:16

Te̱canab chi cua̱nc e̱riqꞌuin saꞌ li tenamit li naraj ut saꞌ li naꞌajej li nacuulac chiru. Ut incꞌaꞌ te̱rahobtesi.

Deuteronomio 27:19

Tzꞌekta̱nanbil li ani naxba̱nu ma̱usilal reheb li jalan xtenamiteb, malaj ut li ma̱cꞌaꞌ xnaꞌ xyucuaꞌ, malaj ut li xma̱lcaꞌan. Ut chixjunileb li tenamit teꞌxye: Joꞌcan taxak.

Salmos 146:9

Li nimajcual Dios narileb li jalaneb xtenamit. Ut narileb ajcuiꞌ li ma̱cꞌaꞌ xnaꞌ xyucuaꞌeb. Ut aꞌan ajcuiꞌ na-iloc reheb li xma̱lcaꞌan. Abanan li Dios naxsach ru li cꞌaꞌru nequeꞌxcꞌoxla xba̱nunquil eb li incꞌaꞌ useb xnaꞌleb.

Ezequiel 22:7

Eb aꞌan incꞌaꞌ nequeꞌxra xnaꞌ xyucuaꞌeb. Nequeꞌxrahobtesiheb li jalan xtenamiteb. Ut nequeꞌxba̱nu raylal reheb li ma̱cꞌaꞌ xnaꞌ xyucuaꞌeb joꞌ eb ajcuiꞌ li xma̱lcaꞌan.

Deuteronomio 10:18

Aꞌan na-iloc reheb li ma̱cꞌaꞌeb xnaꞌ xyucuaꞌ joꞌ ajcuiꞌ eb li xma̱lcaꞌan. Naxraheb li jalaneb xtenamit ut naxqꞌue xcua rucꞌaheb ut naxqꞌue ajcuiꞌ rakꞌeb.

Deuteronomio 24:17

Me̱ba̱nu ma̱usilal reheb li jalaneb xtenamit li cuanqueb saꞌ e̱ya̱nk, joꞌ eb ajcuiꞌ li ma̱cꞌaꞌ xnaꞌ xyucuaꞌ. Ut incꞌaꞌ te̱cꞌul chokꞌ prenda li rakꞌ li xma̱lcaꞌan.

Li xHu LAJ JOB 6:27

La̱ex te̱raj xba̱nunquil cue joꞌ nequeꞌxba̱nu reheb li ma̱cꞌaꞌ xnaꞌ xyucuaꞌ. Te̱raj inbalakꞌinquil joꞌ nak nequeꞌxbalakꞌiheb li rami̱g.

Isaías 1:17

Chetzol xba̱nunquil li us. Chesicꞌ li ti̱quilal. Chekꞌuseb li nequeꞌxrahobtesi ras ri̱tzꞌin. Cheba̱nuhak usilal reheb li nebaꞌ. Ut chetokꞌoba ruheb li xma̱lcaꞌan.