Éxodo 22:14 - Li Santil hu

¹⁴ Cui ani tixtoꞌoni junak li xul ut ma̱re ta̱ca̱mk malaj ut ta̱tochꞌekꞌ chiru chi ma̱ anihak laj e̱chal re, tento nak tixtoj chiru laj e̱chal re li xul li xtoꞌoni.

Q'eqchi Bible

¹⁴ “Wi junaq winq tixpatz' chi to' junaq xul re li ras riitz'in ut li xul ra tixk'ul malaj taakamq naq maa'anihaq laj eechal re, tento tixtoj.

Éxodo 22:14 ပူးပေါင်းရင်းမြစ်များ

Deuteronomio 15:2

Joꞌcaꞌin te̱ba̱nu. Li ani quixqꞌue chi toꞌ lix tumin tixcuy xma̱c li ani cuan xcꞌas riqꞌuin. Incꞌaꞌ naru tixye reheb li rech aj Israel nak tixtoj lix cꞌas xban nak li Ka̱cuaꞌ quixye nak incꞌaꞌ chic tento nak teꞌxtoj xcꞌas.

Levítico 24:18

Ut li ani tixcamsi junak reheb lix queto̱mk li ras ri̱tzꞌin, tento nak tixqꞌue re̱kaj li xul li xcamsi.

Éxodo 21:34

tento nak laj e̱chal re li jul ta̱tojok re li xul li xtꞌaneꞌ saꞌ jul. Ut li xul camenak ta̱cana̱k chokꞌ re.

San Lucas 6:35

Joꞌcan ut nak cherahakeb li ani xicꞌ nequeꞌiloc e̱re. Cheba̱nuhak usilal reheb. Ut cheqꞌuehak chi toꞌ re li cꞌaꞌru tixpatzꞌ e̱re chi incꞌaꞌ te̱roybeni re̱kaj. Cui te̱ba̱nu aꞌan, kꞌaxal nim le̱ kꞌajca̱munquil li ta̱qꞌuehekꞌ e̱re ut la̱exak li ralal xcꞌajol li nimajcual Dios. Aꞌan kꞌaxal nim xcuyum saꞌ xbe̱neb li incꞌaꞌ useb xnaꞌleb li incꞌaꞌ nequeꞌxnau bantioxi̱nc.

Éxodo 22:11

tento nak li jun li quicanaba̱c cuiꞌ li xul tixye li juramento saꞌ incꞌabaꞌ la̱in li Ka̱cuaꞌ Dios chiru laj e̱chal re nak aꞌan incꞌaꞌ xcheꞌ. Ut tento nak ta̱cꞌojla̱k xchꞌo̱l laj e̱chal re lix xul riqꞌuin li a̱tin aꞌan. Ut li jun chic incꞌaꞌ ta̱tojok.

San Mateo 5:42

Li ani tixtzꞌa̱ma cꞌaꞌru re a̱cue, qꞌue re. Ut li ani ta̱ajok toꞌoni̱nc a̱cuiqꞌuin, ma̱kꞌetkꞌeti a̱cuib chiru.

Salmos 37:21

Li incꞌaꞌ useb xnaꞌleb nequeꞌtoꞌonin ut incꞌaꞌ chic nequeꞌxqꞌue re̱kaj li nequeꞌxtoꞌoni. Abanan li ti̱queb xchꞌo̱l nequeꞌuxta̱nan u ut nequeꞌsihin chi sa saꞌ xchꞌo̱leb.

Nehemías 5:4

Ut cuan cuiꞌchic queꞌyehoc re: —La̱o xkapatzꞌ katumin chi toꞌ re ta̱ru̱k takatoj li tento xtojbal re li rey. Ut xkaqꞌue li kachꞌochꞌ chi prenda joꞌ ajcuiꞌ li kacui̱mk, chanqueb.

Éxodo 22:13

Ut cui li xul ta̱tiꞌekꞌ xban junak joskꞌ aj xul, tento nak tixcꞌam lix bakel re nak laj e̱chal re tixpa̱b nak xul quitiꞌoc re. Ut incꞌaꞌ tento nak tixtoj re laj e̱chal re.

Éxodo 22:15

Abanan cui cua̱nk laj e̱chal re nak ta̱ca̱mk li xul, li xtoꞌonin re incꞌaꞌ tento tixtoj. Ut cui ac tojbil li xtoꞌoninquil, caꞌaj cuiꞌ aꞌan tixcꞌul laj e̱chal re.