Éxodo 21:2 - Li Santil hu

² Cui teꞌxlokꞌ junak xmo̱seb, cuakib chihab ajcuiꞌ ta̱cꞌanjelak chiruheb. Saꞌ li xcuuk chihab libre chic ta̱cana̱k ut incꞌaꞌ tento tixtoj li relic.

Q'eqchi Bible

² Naq taaloq' junaq aj mun, wi a'an aj hebreo, waqib' chihab' taak'anjelaq, ut sa' li xwuq taakanaaq chi ach'ab'anb'il, chi maak'a' tixtoj re li relik.

Éxodo 21:2 ပူးပေါင်းရင်းမြစ်များ

Deuteronomio 15:18

Me̱cꞌoxla nak chꞌaꞌaj chokꞌ e̱re xcanabanquil libre le̱ mo̱s. Julticokꞌ e̱re nak quicꞌanjelac che̱ru chiru cuakib chihab ut incꞌaꞌ terto xtojbal joꞌ eb li tojbil mo̱s. Cui te̱ba̱nu chi joꞌcan, li Ka̱cuaꞌ le̱ Dios texrosobtesi ut us tex-e̱lk riqꞌuin chixjunil li te̱ba̱nu.

Éxodo 12:44

Eb li lokꞌbil mo̱s cui xeꞌxcꞌul li circuncisión ta̱ru̱k teꞌxtzaca li tzacae̱mk aꞌan.

Nehemías 5:8

Ut quinye reheb: —Xkisiheb rubel xcuanquil li jalan tenamit li kech tenamitil. Xkaba̱nu li joꞌ qꞌuial coru xba̱nunquil. Ut la̱ex chic yo̱quex chi rahobtesi̱nc reheb li kech tenamitil. Ut anakcuan, ¿ma toj takisiheb cuiꞌchic rubel e̱cuanquil la̱ex? chanquin reheb. Ut ma̱ jun reheb quichakꞌoc xban nak incꞌaꞌ chic queꞌxtau cꞌaꞌru queꞌxye.

Deuteronomio 31:10

Ut laj Moisés quixye reheb: —Rajlal saꞌ li xcuuk chihab nak nacuyeꞌ xma̱queb riqꞌuin lix cꞌaseb, ta̱cuil li chakꞌrab chiruheb li tenamit nak yo̱keb chi ninkꞌei̱c saꞌ li cocꞌ muheba̱l yi̱banbil riqꞌuin rukꞌ cheꞌ.

Deuteronomio 15:1

Rajlal cuukub chihab te̱cuy xma̱queb li ani cuanqueb xcꞌas e̱riqꞌuin.

Éxodo 22:3

Abanan cui ac xcutanoꞌ nak ta̱taꞌekꞌ laj e̱lkꞌ ut ta̱camsi̱k, li ani ta̱camsi̱nk re tento nak tixtoj xma̱c. Cui laj e̱lkꞌ incꞌaꞌ nacamsi̱c, tento nak tixqꞌue re̱kaj li joꞌ qꞌuial ac xrelkꞌa. Abanan cui laj e̱lkꞌ ma̱cꞌaꞌ xtumin, tento nak ta̱cꞌayi̱k aꞌan re xtojbal li joꞌ qꞌuial ac xrelkꞌa.

1 Corintios 6:20

Lokꞌbilex chic chi terto e̱tzꞌak. Joꞌcan nak ti̱cak le̱ yuꞌam ut chelokꞌoni li Dios xban nak rehex chic.

San Mateo 18:25

Ut xban nak ma̱cꞌaꞌ cꞌaꞌru cuan re li cui̱nk aꞌan re tixtoj cuiꞌ lix cꞌas, joꞌcan nak li rey quixtakla xcꞌayinquil aꞌan rech xxiquic li rixakil, ut li ralal xcꞌajol ut chixjunil li cꞌaꞌru cuan re, re xtojbal lix cꞌas.

2 Reyes 4:1

Cuan jun li ixk quicam xbe̱lom. Lix be̱lom, aꞌan profeta nak quicuan. Li ixk quicuulac riqꞌuin li profeta Eliseo ut quixye re: —Ka̱cuaꞌ, lin be̱lom quicam. La̱at nacanau nak aꞌan quixxucua ru li Dios. Abanan cuan xcꞌas. Ut li cui̱nk li cuan cuiꞌ lix cꞌas yo̱ chixpatzꞌbal li kacꞌas. Aꞌan ta̱raj xcꞌambaleb lin yum cuib chokꞌ xmo̱s chokꞌ re̱kaj li kacꞌas, chan.

Génesis 27:36

Laj Esaú quixye re lix yucuaꞌ: —Ma̱re xban aꞌan nak xeqꞌue aj Jacob chokꞌ xcꞌabaꞌ. Ac xcaꞌ sut xba̱nunquil cue chi joꞌcaꞌin. Xbe̱n cua quixmakꞌ chicuu li primogenitura. Ut anakcuan xmakꞌ cuiꞌchic chicuu li usilal li oc raj cue xcꞌulbal riqꞌuin li Dios. ¿Ma incꞌaꞌ ta biꞌ naru tina̱cuosobtesi ajcuiꞌ la̱in? chan laj Esaú.

Génesis 27:28

Aꞌ taxak li Ka̱cuaꞌ Dios tixqꞌue chak li hab saꞌ xbe̱n la̱ cuacui̱mk. Tixqꞌue ajcuiꞌ a̱cue li cha̱bil chꞌochꞌ re nak sa talajeꞌqꞌuik la̱ cuacui̱mk joꞌ ajcuiꞌ la̱ quiꞌil kꞌe̱n.

Éxodo 21:3

Cui xjunes ta̱oc riqꞌuineb, xjunes ajcuiꞌ ta̱e̱lk. Ut cui cuan rixakil nak ta̱oc, tixcꞌam chirix li rixakil joꞌqueb ajcuiꞌ li ralal xcꞌajol.

Éxodo 21:7

Ut cui ani tixcꞌayi lix rabin chokꞌ lokꞌbil mo̱s, li xkaꞌal aꞌan incꞌaꞌ chic ta̱e̱lk libre joꞌ nak nequeꞌel li mo̱s cui̱nk.

Levítico 25:54

Cui incꞌaꞌ nalokꞌeꞌ cuiꞌchic saꞌ eb li cutan aꞌan, li cui̱nk rochbeneb li ralal xcꞌajol teꞌcana̱k libre saꞌ li chihab re sahil chꞌo̱lejil.