Éxodo 21:16 - Li Santil hu

¹⁶ Joꞌcan ajcuiꞌ li ani ta̱relkꞌa junak ras ri̱tzꞌin, usta ac xcꞌayi jalan aj e, malaj ut toj cua̱nk riqꞌuin, aꞌan tento ajcuiꞌ ta̱camsi̱k.

Q'eqchi Bible

¹⁶ “Li trelq'a ras riitz'in re xk'ayinkil malaj re tkanaaq sa' ruq', tento taakamq.

Éxodo 21:16 ပူးပေါင်းရင်းမြစ်များ

Deuteronomio 24:7

Cui junak li cui̱nk ta̱relkꞌa li rech aj Israelil ut tixqꞌue joꞌ jun lix mo̱s malaj ut naxcꞌayi, tento nak ta̱camsi̱k li ani qui-elkꞌan re. Tento nak te̱risi saꞌ e̱ya̱nk chixjunil li ma̱usilal aꞌan.

1 Timoteo 1:10

Li chakꞌrab reheb laj coꞌbe̱t laj yumbe̱t ut reheb li nequeꞌma̱cob riqꞌuin rech cui̱nkilal rech ixkilal. Reheb ajcuiꞌ li nequeꞌelkꞌac cristian. Reheb ajcuiꞌ li nequeꞌticꞌtiꞌic ut li nequeꞌxpatzꞌ xcꞌabaꞌ li Dios riqꞌuin yoꞌobanbil a̱tin. Li chakꞌrab reheb chixjunileb li nequeꞌxba̱nu li cꞌaꞌak chic re ru chi ma̱usilal li napoꞌoc ru li katijbal li tzꞌakal ya̱l.

Éxodo 22:4

Ut cui teꞌxtau li xul chi yoꞌyo riqꞌuin, li ac xrelkꞌa usta bo̱yx, malaj ut bu̱r, malaj ut carner, tento tixqꞌue re̱kaj cuib sut xqꞌuial chiru li ac xrelkꞌa.

Génesis 37:28

Nak yo̱queb chi numecꞌ saꞌ li naꞌajej aꞌan eb laj madianita rochbeneb laj ismaelita, eb li ras laj José queꞌrisi saꞌ li jul ut queꞌxcꞌayi reheb laj ismaelita. Junmay ajcuiꞌ chi tumin plata queꞌxcꞌayi cuiꞌ laj José. Ut chirix aꞌan, queꞌxcꞌam toj Egipto.

Génesis 40:15

La̱in yal quineꞌrelkꞌa chak junxil saꞌ xtenamiteb laj hebreo. Ma̱cuaꞌ incꞌulub cua̱nc arin saꞌ tzꞌalam xban nak ma̱cꞌaꞌ inma̱c, chan laj José.

Apocalipsis 18:12

Ma̱ ani chic ta̱lokꞌok re li oro, chi moco li plata, chi moco li cha̱bil pec li terto xtzꞌak, chi moco li perlas. Ma̱ ani chic ta̱lokꞌok re li cha̱bil tꞌicr lino, chi moco li púrpura, chi moco li seda, chi moco li escarlata. Ma̱ ani chic ta̱lokꞌok re li qꞌuila pa̱y ru chi sununquil cheꞌ. Ut ma̱ ani chic ta̱lokꞌok re li cꞌaꞌak re ru yi̱banbil riqꞌuin marfil, chi moco riqꞌuin li cha̱bil cheꞌ, chi moco riqꞌuin li chꞌi̱chꞌ hierro ut cobre, chi moco li yi̱banbil riqꞌuin li pec mármol.

Éxodo 20:15

Mex-elkꞌac.

Éxodo 21:15

Li ani tixsacꞌ xnaꞌ xyucuaꞌ, aꞌan tento ta̱camsi̱k.