Éxodo 20:9 - Li Santil hu

⁹ Cuakib cutan texcꞌanjelak ut te̱ba̱nu chixjunil le̱ trabaj.

Q'eqchi Bible

⁹ Wank waqib' kutan aawe re tatk'anjelaq ut taab'aanu chixjunil laak'anjel,

Éxodo 20:9 ပူးပေါင်းရင်းမြစ်များ

San Lucas 13:14

Cꞌajoꞌ nak quijoskꞌoꞌ li nataklan saꞌ li cab li nequeꞌxchꞌutub cuiꞌ ribeb laj judío xban nak li Jesús quixqꞌuirtesi li ixk saꞌ li hiloba̱l cutan. Ut quixye reheb li cuanqueb aran: —Cuakib cutan cuan re nak naru texcꞌanjelak. Chiruheb a cutan aꞌan naru nequexchal chi banecꞌ ut incꞌaꞌ texcha̱lk chi banecꞌ saꞌ li hiloba̱l cutan, chan.

Éxodo 34:21

Cuakib cutan textrabajik. Saꞌ xcuuk li cutan texhila̱nk. Usta xkꞌehil li a̱uc, usta xkꞌehil li kꞌoloc joꞌcaꞌin te̱ba̱nu.

Éxodo 23:12

Chiru cuakib cutan te̱ba̱nu li joꞌ qꞌuial le̱ cꞌanjel li te̱raj xba̱nunquil. Ut saꞌ xcuuk li cutan texhila̱nk, la̱ex joꞌ ajcuiꞌ le̱ bo̱yx, ut le̱ bu̱r. Ut teꞌhila̱nk ajcuiꞌ le̱ mo̱s joꞌqueb ajcuiꞌ li jalan xtenamit li cuan e̱riqꞌuin.

Levítico 23:3

Cuakib cutan textrabajik ut saꞌ li xcuuk li cutan ma̱ jun li cꞌanjel te̱ba̱nu xban nak aꞌan li hiloba̱l cutan kꞌaxal lokꞌ re texhila̱nk cuiꞌ. Tine̱lokꞌoni aꞌ yal bar cua̱nkex.

Éxodo 35:2

Cuakib cutan ajcuiꞌ textrabajik ut saꞌ li xcuuk li cutan texhila̱nk xban nak li cutan aꞌan santobresinbilak re nak te̱qꞌue xlokꞌal li Ka̱cuaꞌ. Ani ta̱trabajik saꞌ li hiloba̱l cutan, aꞌan ta̱camsi̱k.

Éxodo 16:26

Saꞌ xcuuk li cutan ma̱cꞌaꞌ ta̱cua̱nk xban nak hiloba̱l cutan aꞌan. Cuakib cutan ajcuiꞌ te̱xoc le̱ tzacae̱mk, chan laj Moisés.

Éxodo 31:15

Cuakib cutan textrabajik. Ut li xcuuk li cutan, aꞌan jun lokꞌlaj hiloba̱l cutan. Ut aꞌan jun santil cutan chiru li Ka̱cuaꞌ Dios. Li ani natrabajic chiru li hiloba̱l cutan, ta̱camsi̱k”, chaꞌakat reheb.

Éxodo 35:3

Chi moco le̱ xam te̱tzꞌab saꞌ le̱ rochoch saꞌ li hiloba̱l cutan.

Deuteronomio 5:13

Cuakib cutan texcꞌanjelak ut te̱ba̱nu chixjunil le̱ trabaj.

Ezequiel 46:1

Li Ka̱cuaꞌ li nimajcual Dios naxye chi joꞌcaꞌin: —Li oqueba̱l re li neba̱l li cuan chi saꞌ, saꞌ li este tzꞌaptzꞌo̱k chiru li cuakib cutan nak eb li tenamit yo̱keb chi cꞌanjelac. Abanan ta̱tema̱nk nak ta̱cuulak li hiloba̱l cutan ut saꞌ xkꞌehil nak nequeꞌxninkꞌei li xyoꞌlajic li po.