Éxodo 20:8 - Li Santil hu

⁸ Julticak e̱re li hiloba̱l cutan re nak oxlokꞌinbilak che̱ru.

Q'eqchi Bible

⁸ “Jultikaq aawe li sábado re naq taasantob'resi.

Éxodo 20:8 ပူးပေါင်းရင်းမြစ်များ

Levítico 26:2

Cheqꞌuehak ban xlokꞌal li hiloba̱l cutan ut che-oxlokꞌihak lin tabernáculo. La̱in li Ka̱cuaꞌ ninyehoc re aꞌin.

Levítico 19:3

Chexucua̱k ru le̱ naꞌ e̱yucuaꞌ. Ut te̱oxlokꞌi li hiloba̱l cutan. La̱in li Ka̱cuaꞌ le̱ Dios xinyehoc re aꞌin.

Génesis 2:3

Li Dios quirosobtesi li xcuuk li cutan ut quixsantobresi xban nak saꞌ li cutan aꞌan quihilan riqꞌuin chixjunil li cꞌanjel li quixba̱nu.

Levítico 23:3

Cuakib cutan textrabajik ut saꞌ li xcuuk li cutan ma̱ jun li cꞌanjel te̱ba̱nu xban nak aꞌan li hiloba̱l cutan kꞌaxal lokꞌ re texhila̱nk cuiꞌ. Tine̱lokꞌoni aꞌ yal bar cua̱nkex.

Levítico 19:30

Che-oxlokꞌi li hiloba̱l cutan ut te̱qꞌue xlokꞌal li naꞌajej li ninlokꞌoni̱c cuiꞌ. La̱in li Ka̱cuaꞌ ninyehoc re aꞌin.

Éxodo 23:12

Chiru cuakib cutan te̱ba̱nu li joꞌ qꞌuial le̱ cꞌanjel li te̱raj xba̱nunquil. Ut saꞌ xcuuk li cutan texhila̱nk, la̱ex joꞌ ajcuiꞌ le̱ bo̱yx, ut le̱ bu̱r. Ut teꞌhila̱nk ajcuiꞌ le̱ mo̱s joꞌqueb ajcuiꞌ li jalan xtenamit li cuan e̱riqꞌuin.

Génesis 2:2

Nak ac xba̱nu chixjunil li cꞌanjel aꞌin, li Dios quihilan saꞌ xcuuk li cutan.

Deuteronomio 5:12

Julticak e̱re li hiloba̱l cutan re nak oxlokꞌinbilak che̱ru, joꞌ quixye e̱re li Ka̱cuaꞌ le̱ Dios.

Nehemías 9:14

Ut caqꞌue ajcuiꞌ reheb li chakꞌrab chirix li hiloba̱l cutan li kꞌaxal lokꞌ cha̱cuu. Li chakꞌrab aꞌin ac quicꞌuteꞌ ajcuiꞌ chak chiruheb xban laj Moisés laj cꞌanjel cha̱cuu.

Nehemías 13:15

Saꞌ eb li cutan aꞌan quinqꞌue ajcuiꞌ retal nak cuanqueb laj Judá yo̱queb chi cꞌanjelac saꞌ li hiloba̱l cutan. Cuan yo̱queb chi yatzꞌoc uvas. Ut cuan yo̱queb chixqꞌuebal chi i̱ka̱nc lix bu̱reb. Nequeꞌxcꞌam Jerusalén lix trigo, lix vino, lix uvas, lix higo ut chixjunil li ru li racui̱mkeb saꞌ li hiloba̱l cutan. Ut la̱in quebinkꞌus ut quinye reheb nak incꞌaꞌ teꞌcꞌayi̱nk saꞌ li hiloba̱l cutan.

Isaías 56:2

Us xak reheb li nequeꞌxba̱nu li cꞌaꞌru ninye. Tincuosobtesiheb li nequeꞌx-oxlokꞌi li hiloba̱l cutan ut incꞌaꞌ nequeꞌxmux ru. Ut tincuosobtesiheb li incꞌaꞌ nequeꞌxba̱nu li ma̱usilal, chan li Ka̱cuaꞌ.

Jeremías 17:22

Chi moco te̱risi li i̱k saꞌ le̱ rochoch saꞌ li hiloba̱l cutan. Ut incꞌaꞌ texcꞌanjelak. Cheqꞌuehak xlokꞌal li hiloba̱l cutan joꞌ quinye reheb le̱ xeꞌto̱nil yucuaꞌ.

Jeremías 17:24

La̱in li Ka̱cuaꞌ ninye: Cheba̱nuhak chi anchal e̱chꞌo̱l li cꞌaꞌru ninye e̱re. Incꞌaꞌ te̱numsi li cꞌaꞌak re ru saꞌ eb li oqueba̱l re li tenamit chiru li hiloba̱l cutan ut incꞌaꞌ texcꞌanjelak. Cheqꞌuehak xlokꞌal li hiloba̱l cutan.

Éxodo 31:12

Ut li Dios quixye re laj Moisés:

Éxodo 35:1

Laj Moisés quixchꞌutubeb chixjunileb li ralal xcꞌajol laj Israel ut quixye reheb: —Li Ka̱cuaꞌ xqꞌue jun li chakꞌrab tento takaba̱nu. Aꞌan aꞌin:

Números 15:32

Saꞌ jun li cutan nak toj cuanqueb saꞌ li chaki chꞌochꞌ eb laj Israel, jun li cui̱nk co̱ chixsicꞌbal xsiꞌ saꞌ li hiloba̱l cutan.

Isaías 58:13

Qꞌuehomak xlokꞌal li hiloba̱l cutan ut incꞌaꞌ te̱ba̱nu li cꞌaꞌru nequeraj e̱junes saꞌ lin santil cutan. Aꞌinak jun cutan re sahil chꞌo̱lejil ut kꞌaxal lokꞌ. Cheqꞌuehak xlokꞌal ut me̱mux ru. Me̱ba̱nu li cꞌaꞌru nequeraj la̱ex ut mex-a̱tinac chi ma̱cꞌaꞌ rajbal.

Jeremías 17:21

Aꞌan aꞌin li naxye li Ka̱cuaꞌ: Cui nequera le̱ yuꞌam, mex-i̱kan saꞌ li hiloba̱l cutan chi moco te̱rocsi li cꞌaꞌak re ru saꞌ eb li oqueba̱l re li tenamit Jerusalén.

Ezequiel 20:20

Cheqꞌuehak xlokꞌal lin hiloba̱l cutan li quinsantobresi chokꞌ retalil chokꞌ cue ut chokꞌ e̱re ajcuiꞌ la̱ex nak la̱in le̱ Dios.