Éxodo 20:7 - Li Santil hu

⁷ Me̱patzꞌ xcꞌabaꞌ li Ka̱cuaꞌ le̱ Dios saꞌ yoꞌobanbil a̱tin. Li Ka̱cuaꞌ Dios moco tixcanab ta chi incꞌaꞌ tixtoj xma̱c li ani tixpatzꞌ xcꞌabaꞌ chi ma̱cꞌaꞌ rajbal.

Q'eqchi Bible

⁷ “Maapatz' xk'ab'a' li Qaawa' laaYos sa' tik'ti', xb'aan naq li Qaawa' ink'a' tixkanab' chi ink'a' ta tixtoj xmaak li ani taapatz'oq xk'ab'a' sa' tik'ti'.

Éxodo 20:7 ပူးပေါင်းရင်းမြစ်များ

Deuteronomio 5:11

Me̱patzꞌ xcꞌabaꞌ li Ka̱cuaꞌ le̱ Dios saꞌ yoꞌobanbil a̱tin. Li Ka̱cuaꞌ Dios moco tixcanab ta chi incꞌaꞌ tixtoj xma̱c li ani tixpatzꞌ lix cꞌabaꞌ chi ma̱cꞌaꞌ rajbal.

Levítico 19:12

Me̱ba̱nu li juramento saꞌ incꞌabaꞌ la̱in chi ma̱cꞌaꞌ rajbal. Cui te̱ba̱nu chi joꞌcan te̱mux ru lin cꞌabaꞌ. La̱in li Ka̱cuaꞌ xinyehoc re aꞌin.

Santiago 5:12

Ex inherma̱n, cuan chic jun li naꞌleb tento te̱nau ut aꞌan aꞌin: nak tex-a̱tinak, me̱patzꞌ xcꞌabaꞌ li Dios saꞌ pacꞌba a̱tin, chi moco saꞌ xcꞌabaꞌ li choxa, chi moco saꞌ xcꞌabaꞌ li ruchichꞌochꞌ, chi moco chepatzꞌ saꞌ xcꞌabaꞌ li cꞌaꞌak re ru cuan. Cui te̱ye nak ya̱l, junes ya̱l te̱ye, ut nak te̱ye incꞌaꞌ, junes incꞌaꞌ te̱ye re nak incꞌaꞌ ta̱rakekꞌ a̱tin saꞌ e̱be̱n xban li Dios.

Jeremías 4:2

Cui te̱tzꞌekta̱naheb li yi̱banbil dios naru te̱ba̱nu li juramento saꞌ incꞌabaꞌ la̱in li yoꞌyo̱quil Dios. Te̱ba̱nu saꞌ xya̱lal ut saꞌ ti̱quilal. Ut saꞌ incꞌabaꞌ la̱in chixjunileb li tenamit teꞌosobtesi̱k ut tineꞌxlokꞌoni, chan li Dios.

Josué 9:20

Incꞌaꞌ takacamsiheb. Ma̱re ta̱cha̱lk xjoskꞌil li Dios saꞌ kabe̱n cui takakꞌet li contrato li xkaba̱nu riqꞌuineb.

Josué 2:17

Eb aꞌan queꞌchakꞌoc ut queꞌxye: —La̱o takaba̱nu li cꞌaꞌru xkaye saꞌ li juramento joꞌ xatzꞌa̱ma chiku.

Josué 2:12

Joꞌcan nak la̱in nintzꞌa̱ma che̱ru nak te̱ba̱nu li juramento saꞌ xcꞌabaꞌ li Ka̱cuaꞌ le̱ Dios nak te̱ba̱nu usilal reheb li cuechꞌalal joꞌ nak xinba̱nu usilal e̱re la̱in. Te̱qꞌue junak retalil cue re nak tinnau nak ya̱l nak te̱ba̱nu li cꞌaꞌru yo̱quin chixtzꞌa̱manquil che̱ru.

Proverbios 30:9

Cui nabal ta̱qꞌue cue, ma̱re tatintzꞌekta̱na ut ma̱re tinye nak incꞌaꞌ ninnau a̱cuu. Ut cui incꞌaꞌ tzꞌakal li cꞌaꞌru cuan cue, ma̱re tin-elkꞌak ut tincꞌut a̱xuta̱n, at inDios, chan.

Deuteronomio 10:20

Chexucua ru li Ka̱cuaꞌ le̱ Dios ut caꞌaj cuiꞌ chiru aꞌan texcꞌanjelak. Chexcua̱nk saꞌ ti̱quilal chiru. Ut caꞌaj cuiꞌ saꞌ xcꞌabaꞌ aꞌan te̱ba̱nu li juramento.

2 Corintios 1:23

La̱in incꞌaꞌ xcuaj e̱kꞌusbal. Joꞌcan nak incꞌaꞌ xco̱in e̱riqꞌuin aran Corinto. Li Dios naxnau nak ya̱l li yo̱quin chixyebal.

1 Reyes 2:9

Abanan, la̱at incꞌaꞌ ta̱cuy xma̱c. La̱at cuan a̱naꞌleb, ut ta̱nau chanru ta̱ba̱nu re nak camsinbil nak ta̱osokꞌ, chan laj David.

Deuteronomio 6:13

Chelokꞌonihak li Ka̱cuaꞌ le̱ Dios ut caꞌaj cuiꞌ chiru aꞌan texcꞌanjelak. Ut nak te̱ba̱nu junak juramento, te̱ba̱nu saꞌ xcꞌabaꞌ aꞌan.

2 Reyes 5:20

nak laj Giezi lix mo̱s li profeta Eliseo quixye saꞌ xchꞌo̱l: —Lin patrón xcanab chi xic laj Naamán laj Siria chi ma̱cꞌaꞌ xcꞌul. Incꞌaꞌ xcꞌul li cꞌaꞌru xcꞌam chak re tixsi re. Saꞌ xcꞌabaꞌ li Ka̱cuaꞌ Dios, tinxic chi junpa̱t re nak tixsi bayak cue, chan.

Salmos 139:20

Eb li cui̱nk aꞌan nacateꞌxmajecua ut nequeꞌxpatzꞌ la̱ cꞌabaꞌ chi ma̱cꞌaꞌ rajbal.

Jeremías 34:16

Abanan anakcuan xejal cuiꞌchic le̱ naꞌleb ut xekꞌet li contrato li xeba̱nu cuiqꞌuin. Xechap cuiꞌchic le̱ lokꞌbil mo̱s, joꞌ ixk, joꞌ cui̱nk, usta ac xerachꞌab junxil. Ut xepuersiheb cuiꞌchic chi cꞌanjelac chokꞌ lokꞌbil mo̱s.

Ezequiel 39:7

Riqꞌuin li cꞌaꞌru tinba̱nu tincꞌutbesi chiruheb lin tenamit Israel nak lin cꞌabaꞌ, aꞌan Santo. Incꞌaꞌ chic tinqꞌue chi muxecꞌ lin santil cꞌabaꞌ. Ut chixjunileb li xni̱nkal ru tenamit teꞌxqꞌue retal nak la̱in li Ka̱cuaꞌ lix santil Dioseb laj Israel.

Génesis 27:20

Laj Isaac quixye re: —At cualal, ¿ma saꞌ junpa̱t xatau chak li xinpatzꞌ a̱cue? chan. Ut laj Jacob quichakꞌoc ut quixye re, —Li Ka̱cuaꞌ Dios li nacalokꞌoni, aꞌan xtenkꞌan cue chixtaubal chi junpa̱t, chan.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.