Éxodo 20:3 - Li Santil hu

³ Incꞌaꞌ naru nacuan jalanil dios e̱riqꞌuin chicuu la̱in.

Q'eqchi Bible

³ “Miwank jalan chik aayos chiwu laa'in.

Éxodo 20:3 ပူးပေါင်းရင်းမြစ်များ

Deuteronomio 5:7

Incꞌaꞌ naru nacuan jalanil dios e̱riqꞌuin chicuu la̱in.

San Mateo 4:10

Tojoꞌnak li Jesús quichakꞌoc ut quixye re: —Elen chicuu la̱at aj tza, xban nak joꞌcaꞌin tzꞌi̱banbil saꞌ li Santil Hu: Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak.— (Deut. 6:13)

Salmos 81:9

Micuan jalanil dios e̱riqꞌuin chi moco te̱lokꞌoni ru lix dioseb li jalaneb xtenamit,

Isaías 46:9

Chijulticokꞌ e̱re li cꞌaꞌru quicꞌulman najter kꞌe cutan. La̱in li Dios. Ma̱ jun chic dios cuan. Caꞌaj cuiꞌ la̱in ut ma̱ ani juntakꞌe̱t cuiqꞌuin.

Deuteronomio 6:5

Te̱ra li Ka̱cuaꞌ le̱ Dios chi anchal e̱chꞌo̱l, chi anchal e̱cꞌaꞌux ut chi anchal e̱metzꞌe̱u.

Jeremías 25:6

Me̱lokꞌoniheb li jalanil dios chi moco texcꞌanjelak chiruheb, chi moco te̱ta̱keheb. Me̱chikꞌ injoskꞌil riqꞌuin xlokꞌoninquil li cꞌaꞌru xeyi̱b riqꞌuin le̱ rukꞌ re nak la̱in incꞌaꞌ tinqꞌue raylal saꞌ e̱be̱n,” chanqueb.

Deuteronomio 6:14

Incꞌaꞌ te̱lokꞌoni li jalanil dios li nequeꞌxlokꞌoni li cuanqueb chi xjun sutam le̱ tenamit.

Jeremías 35:15

Nabal sut quintakla lin profetas e̱riqꞌuin. Queꞌxye e̱re nak che̱junilex te̱jal le̱ cꞌaꞌux ut te̱canab xba̱nunquil li ma̱usilal. Queꞌxye e̱re nak incꞌaꞌ te̱lokꞌoniheb li jalanil dios, chi moco texcꞌanjelak chiruheb. Cui te̱ba̱nu chi joꞌcan texcua̱nk saꞌ li naꞌajej li quinqꞌue reheb le̱ xeꞌto̱nil yucuaꞌ ut e̱re ajcuiꞌ la̱ex, chanqueb. Abanan, la̱ex incꞌaꞌ xex-abin chicuu.

1 Corintios 8:6

Abanan la̱o aj pa̱banel nakanau nak jun ajcuiꞌ li Dios cuan. Ut li Dios Acuabej aꞌan li quiyi̱ban re chixjunil li cꞌaꞌru cuan. Coxyoꞌobtesi la̱o re nak takalokꞌoni aꞌan. Ut jun ajcuiꞌ li Ka̱cuaꞌ cuan, aꞌ li Jesucristo. Ut saꞌ xcꞌabaꞌ aꞌan cuan chixjunil ut saꞌ xcꞌabaꞌ aꞌan nak cuan li colba-ib.

Apocalipsis 19:10

La̱in quincuikꞌib cuib chiru chixlokꞌoninquil. Ut aꞌan quixye cue: —Ma̱ba̱nu aꞌan. La̱in yal aj cꞌanjelin chiru li Dios joꞌ la̱at, ut joꞌ eb ajcuiꞌ la̱ cuech aj pa̱banelil, li nequeꞌxpa̱b lix ya̱lal li quixchꞌolob li Jesús. Li Dios, aꞌan li ta̱lokꞌoni, chan cue, xban nak li quixchꞌolob li Jesús, aꞌan ajcuiꞌ li musikꞌanbil reheb li profeta.—

Colosenses 2:18

Cuan li nequeꞌxye nak cha̱bileb ut chanchan nak nequeꞌxcubsi ribeb. Abanan moco ya̱l ta. Lix naꞌlebeb moco qꞌuebil ta xban li Dios. Li cꞌaꞌru nequeꞌxba̱nu, aꞌan yal cꞌoxlanbil. Nequeꞌxlokꞌoni li ángel ut nequeꞌxye cui incꞌaꞌ te̱ba̱nu joꞌ nequeꞌxba̱nu eb aꞌan, incꞌaꞌ te̱cꞌul li yechiꞌinbil e̱re xban li Dios. Abanan me̱pa̱b li cꞌaꞌru nequeꞌxye xban nak moco ya̱l ta.

Filipenses 3:19

Eb aꞌan incꞌaꞌ us yo̱queb. Li cꞌaꞌru nequeꞌxrahi ru xba̱nunquil, aꞌan chic lix dioseb chiruheb xban nak junes aꞌan chic nequeꞌxcꞌoxla. Nequeꞌxnimobresi ribeb riqꞌuin xba̱nunquil li incꞌaꞌ us, usta xuta̱nal raj chokꞌ reheb. Junes li cꞌaꞌru cuan saꞌ ruchichꞌochꞌ nequeꞌxcꞌoxla. Eb aꞌan teꞌsachekꞌ saꞌ li tojba ma̱c.

Efesios 5:5

Te̱nau chi tzꞌakal nak li nequeꞌxba̱nu ma̱usilal incꞌaꞌ teꞌtzꞌako̱nk saꞌ lix nimajcual xcuanquilal li Cristo ut li Dios. Chi moco eb laj coꞌbe̱t ut eb laj yumbe̱t chi moco li nequeꞌxrahi li jalan aj e xban nak li ma̱c aꞌan juntakꞌe̱t riqꞌuin xlokꞌoninquil li jalanil dios.

Isaías 26:4

Checꞌojobak e̱chꞌo̱l riqꞌuin li Ka̱cuaꞌ xban nak aꞌan laj Colol e̱re chi junelic. Aꞌan chanchan jun li sako̱nac li incꞌaꞌ najala.

Éxodo 15:11

Ma̱cꞌaꞌ chic junak dios joꞌ la̱at, at Ka̱cuaꞌ. Ma̱ ani chic junak cuan xti̱quilal joꞌ la̱ ti̱quilal la̱at. Ma̱ ani chic junak nim xcuanquil joꞌ la̱ nimajcual cuanquilal la̱at. Ma̱ ani chic junak naru ta̱ba̱nu̱nk re li sachba chꞌo̱lej xaba̱nu la̱at.

Éxodo 20:23

Me̱yi̱b e̱dios riqꞌuin plata chi moco riqꞌuin oro. Caꞌaj cuiꞌ la̱in li tine̱lokꞌoni.

Isaías 44:8

Ex intenamit, mexxucuac. La̱ex nequenau nak chalen chak junxil la̱in quinchꞌolob xya̱lal cꞌaꞌru ta̱cꞌulma̱nk. ¿Ma cuan ta biꞌ junak chic Dios chicuu la̱in? La̱ex nequenau nak ma̱cꞌaꞌ chic junak dios chicuu la̱in. Caꞌaj cuiꞌ la̱in.—

Isaías 43:10

La̱in li Ka̱cuaꞌ ninyehoc re chi joꞌcaꞌin: —La̱ex aj Israel, la̱exak li texchꞌoloba̱nk li ya̱l nak la̱in li tzꞌakal Dios. La̱ex laj cꞌanjel chicuu. La̱in xinsicꞌoc e̱re re nak te̱nau cuu ut tine̱pa̱b. Te̱tau ru nak la̱in li Ka̱cuaꞌ. Moco cuanjenak ta chak junak Dios junxil chicuu la̱in, chi moco ta̱cua̱nk mokon.

Salmos 73:25

Caꞌaj cuiꞌ la̱at nacattenkꞌan cue. Ma̱ ani chic naru ta̱tenkꞌa̱nk cue, chi moco saꞌ choxa, chi moco saꞌ ruchichꞌochꞌ. Caꞌaj cuiꞌ a̱cuiqꞌuin nincꞌojob inchꞌo̱l.

Salmos 29:2

Chelokꞌoni li Ka̱cuaꞌ xban nak kꞌaxal lokꞌ lix cꞌabaꞌ. Chelokꞌoni saꞌ lix santil naꞌaj.

Apocalipsis 22:9

Abanan li ángel quixye cue: —Ma̱ba̱nu chi joꞌcan. Mina̱lokꞌoni. La̱in yal aj cꞌanjelin joꞌ la̱at, joꞌeb ajcuiꞌ li profeta la̱ cuech aj pa̱banelil, joꞌqueb ajcuiꞌ li nequeꞌpa̱ban re li a̱tin li tzꞌi̱banbil saꞌ li hu aꞌin. Aꞌ li Dios, aꞌan li ta̱lokꞌoni ru, chan.

1 Corintios 8:4

Anakcuan tina̱tinak chirix li tzacae̱mk mayejanbil chiruheb li yi̱banbil dios. La̱o nakanau nak li yi̱banbil dios ma̱cꞌaꞌ nequeꞌoc cuiꞌ xban nak moco dioseb ta. Nakanau nak jun ajcuiꞌ li Dios cuan.

Éxodo 32:8

Saꞌ junpa̱t queꞌxkꞌet li cua̱tin. Ut queꞌxyi̱b jun cuacax oro chokꞌ xdioseb. Yo̱queb chi mayejac chiru ut yo̱queb chixlokꞌoninquil. Yo̱queb chixyebal, “Li cuacax aꞌin, aꞌan li kadios, la̱o aj Israel. Li dios aꞌin, aꞌan li qui-isin chak ke saꞌ li tenamit Egipto”, chanqueb.

Éxodo 34:14

Me̱lokꞌoni jalanil dios xban nak la̱in li Ka̱cuaꞌ Dios ut incꞌaꞌ nacuulac chicuu nak jalan te̱qꞌue xlokꞌal.

Isaías 42:8

La̱in li Ka̱cuaꞌ. “Nimajcual Dios” incꞌabaꞌ. La̱in incꞌaꞌ nacuaj te̱qꞌue lin lokꞌal re jalan chic, chi moco naru te̱lokꞌoni li yi̱banbil dios xban nak caꞌaj cuiꞌ la̱in li tzꞌakal Dios.

Jeremías 7:9

La̱ex nequex-elkꞌac, nequexcamsin, nequemux ru le̱ sumlajic, nequepatzꞌ xcꞌabaꞌ li Dios chi ma̱cꞌaꞌ rajbal, nequecꞌat li pom chiru li yi̱banbil dios Baal ut nequelokꞌoniheb li yi̱banbil dios li incꞌaꞌ quenau chak ru junxil.

Oseas 13:4

Li Ka̱cuaꞌ quixye: —La̱in li Ka̱cuaꞌ le̱ Dios li quin-isin chak e̱re Egipto. Ma̱cꞌaꞌ chic junak Dios chicuu la̱in chi moco cuan chic junak aj Colol e̱re. Caꞌaj cuiꞌ la̱in.

Éxodo 22:19

Li ani tixchꞌic rib riqꞌuin xul, tento ta̱camsi̱k.

Éxodo 23:24

Ut me̱cuikꞌib e̱rib chiru lix yi̱banbil dios eb aꞌan, chi moco chexcꞌanjelak chiruheb. Me̱ba̱nu joꞌ nequeꞌxba̱nu eb aꞌan. Te̱jucꞌ ban lix yi̱banbil dios ut te̱sach ruheb chi junaj cua.

Jueces 6:10

Ut quinye ajcuiꞌ e̱re nak la̱in li Ka̱cuaꞌ le̱ Dios. Quinye e̱re nak incꞌaꞌ te̱lokꞌoni lix dioseb laj amorreo li cuanqueb saꞌ li naꞌajej li xex-oc cuiꞌ chi cua̱nc. Abanan la̱ex incꞌaꞌ queba̱nu li cꞌaꞌru quinye e̱re,” chan li Dios.—

1 Reyes 11:4

Nak ac ti̱x chic laj Salomón quijala xcꞌaꞌux xbaneb li rixakil ut qui-oc chixlokꞌoninquil li jalanil dios. Ut incꞌaꞌ yo̱ chixba̱nunquil li ti̱quilal chi anchal xchꞌo̱l chiru li Ka̱cuaꞌ joꞌ quixba̱nu laj David lix yucuaꞌ.

Salmos 81:10

xban nak la̱in li Ka̱cuaꞌ le̱ Dios. La̱in xin-isin e̱re saꞌ li naꞌajej Egipto. Chextzꞌa̱ma̱nk cuiqꞌuin ut la̱in tinqꞌue li cꞌaꞌru e̱re chi nabal, chanquin reheb.

Daniel 3:18

Ut cui incꞌaꞌ toxcol, at rey, chanauhak nak incꞌaꞌ ajcuiꞌ takalokꞌoniheb la̱ dios chi moco takalokꞌoni li jalam u̱ch oro li xayi̱b, chanqueb.