Éxodo 20:24 - Li Santil hu

²⁴ Te̱yi̱b jun li artal chokꞌ cue yi̱banbil riqꞌuin chꞌochꞌ. Ut saꞌ xbe̱n li artal aꞌan te̱qꞌue le̱ cꞌatbil mayej. Aran ajcuiꞌ te̱mayeja chicuu le̱ carner ut le̱ bo̱yx re xtzꞌa̱manquil xcuybal e̱ma̱c. Li bar tinye e̱re, aran te̱yi̱b le̱ artal ut la̱in cua̱nkin e̱riqꞌuin ut aran texcuosobtesi.

Q'eqchi Bible

²⁴ Chayiib' jun lin'artal rik'in ch'och', re naq sa' xb'een taayeechi'i laak'atb'il xul ut laamayej, eb' laakarneer ut eb' laab'ooyx. Sa' chixjunil li na'ajej b'arwi' twaj naq taajultikamanq link'ab'a', tinchalq aawik'in ut tatwosob'tesi.

Éxodo 20:24 ပူးပေါင်းရင်းမြစ်များ

Deuteronomio 12:5

Li Ka̱cuaꞌ ban ta̱sicꞌok ru li naꞌajej bar te̱lokꞌoni cuiꞌ lix cꞌabaꞌ. Ut la̱ex texxic saꞌ li naꞌajej aꞌan chixlokꞌoninquil li Ka̱cuaꞌ.

2 Crónicas 6:6

Abanan anakcuan xinsicꞌ ru li tenamit Jerusalén re nak aran teꞌxyi̱b jun li templo re tineꞌxlokꞌoni cuiꞌ. Ut xinsicꞌ ru laj David re nak aꞌan ta̱takla̱nk saꞌ xbe̱neb lin tenamit Israel,” chan li Dios re lin yucuaꞌ.

1 Reyes 9:3

Ut li Ka̱cuaꞌ quixye re: —Xcuabi la̱ tij nak xatzꞌa̱ma chicuu. La̱in xinsantobresi li templo aꞌin li xayi̱b re tinlokꞌoni̱k cuiꞌ chi junelic. La̱in junelic tincua̱nk saꞌ li templo ut la̱in tin-ilok re chi junelic.

2 Crónicas 7:16

La̱in xinsicꞌ ru ut xinsantobresi li templo aꞌin re nak la̱in tincua̱nk arin chi junelic. La̱in tin-ilok re ut junelic cua̱nk saꞌ inchꞌo̱l.

Deuteronomio 12:11

Li Ka̱cuaꞌ le̱ Dios tixsicꞌ ru jun li naꞌajej li ta̱lokꞌoni̱k cuiꞌ. Ut la̱ex te̱cꞌam aran le̱ mayej li te̱qꞌue re li Ka̱cuaꞌ. Te̱cꞌam aran le̱ cꞌatbil mayej ut li mayej li junju̱nk saꞌ xlaje̱tkil, ut li mayej li na-ala saꞌ e̱chꞌo̱l xqꞌuebal, joꞌ ajcuiꞌ li mayej li te̱qꞌue nak nequeyechiꞌi xba̱nunquil li cꞌaꞌak re ru re li Ka̱cuaꞌ Dios.

Deuteronomio 16:11

Ut ta̱sahokꞌ saꞌ e̱chꞌo̱l chiru li Ka̱cuaꞌ le̱ Dios saꞌ li naꞌajej li quixsicꞌ ru re te̱lokꞌoni cuiꞌ. Ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol joꞌ eb ajcuiꞌ le̱ mo̱s ixk ut le̱ mo̱s cui̱nk. Ut ta̱sahokꞌ ajcuiꞌ saꞌ xchꞌo̱leb laj levita ut eb li jalaneb xtenamit li cuanqueb saꞌ e̱ya̱nk ut eb li ma̱cꞌaꞌ xnaꞌ xyucuaꞌ joꞌ eb ajcuiꞌ li xma̱lcaꞌan li cuanqueb saꞌ e̱ya̱nk.

2 Crónicas 12:13

Quiniman xcuanquil laj Roboam nak cuan chokꞌ rey aran Jerusalén. Jun roxcꞌa̱l chihab cuan re nak qui-oc chokꞌ rey. Cuuklaju chihab quicuan saꞌ xcuanquil aran Jerusalén saꞌ li tenamit li quixsicꞌ ru li Dios saꞌ xya̱nkeb lix te̱paleb li ralal xcꞌajol laj Israel re nak aran ta̱lokꞌoni̱k. Lix naꞌ laj Roboam, aꞌan lix Naama, Amón xtenamit.

Deuteronomio 26:2

te̱sicꞌ li xbe̱n ru le̱ racui̱mk li x-el saꞌ li chꞌochꞌ li xqꞌue e̱re li Ka̱cuaꞌ le̱ Dios. Te̱qꞌue li ru le̱ racui̱mk saꞌ jun li chacach ut te̱cꞌam saꞌ li naꞌajej li tixsicꞌ ru li Ka̱cuaꞌ re te̱lokꞌoni cuiꞌ.

Esdras 6:12

Aꞌ taxak li Dios, li quisicꞌoc ru Jerusalén chokꞌ xnaꞌaj, aꞌan taxak chisachok ruheb li rey malaj ut li tenamit li teꞌraj chꞌiꞌchꞌiꞌi̱nc malaj ut teꞌraj xsachbal ru lix templo li Dios. La̱in, li rey Darío, xinqꞌue li chakꞌrab aꞌin. Ut chi-uxma̱nk chi junpa̱t joꞌ xinye.—

1 Reyes 8:29

Junelic taxak chacuilak li naꞌajej aꞌin. Chi kꞌek chi cutan ta̱cuil li templo aꞌin li tatcua̱nk cuiꞌ. Chacuabi taxak lin tij, la̱in laj cꞌanjel cha̱cuu.

San Mateo 18:20

Yalak bar cua̱nkeb cuib oxib chꞌutchꞌu̱keb saꞌ incꞌabaꞌ, aran ajcuiꞌ cua̱nkin la̱in saꞌ xya̱nkeb aꞌan, chan li Jesús.

1 Reyes 8:43

Ut la̱at, at Ka̱cuaꞌ, toj saꞌ li choxa li cuancat cuiꞌ, ta̱cuabi lix tijeb. Ut ta̱sume li cꞌaꞌru teꞌxtzꞌa̱ma cha̱cuu li jalaneb xtenamit re nak chixjunileb li cuanqueb saꞌ ruchichꞌochꞌ teꞌxnau nak nim a̱cuanquil ut teꞌxxucua a̱cuu joꞌ nakaba̱nu la̱o aj Israel. Ut re ajcuiꞌ nak teꞌxqꞌue retal nak la̱at li tatlokꞌoni̱k saꞌ li templo aꞌin li xinyi̱b la̱in.

Deuteronomio 14:23

Ut texxic saꞌ li naꞌajej li sicꞌbil ru xban li Ka̱cuaꞌ bar te̱lokꞌoni cuiꞌ. Ut aran chiru li Ka̱cuaꞌ te̱tzaca li junju̱nk saꞌ xlaje̱tkil li ru le̱ racui̱mk, li acꞌ vino ut li aceite joꞌ ajcuiꞌ li xbe̱n ral le̱ cuacax ut li xbe̱n ral le̱ carner. Te̱ba̱nu chi joꞌcan re nak te̱tzol e̱rib chixxucuanquil ru li Ka̱cuaꞌ le̱ Dios chi junelic.

Salmos 74:7

Nak ac queꞌxpoꞌ chixjunil, queꞌxcꞌat. Queꞌxmux ru la̱ santil templo li quiqꞌueheꞌ cuiꞌ a̱lokꞌal.

Nehemías 1:9

Abanan caye ajcuiꞌ nak cui tosukꞌi̱k cuiꞌchic a̱cuiqꞌuin ut cui takaba̱nu li cꞌaꞌru caye saꞌ la̱ chakꞌrab, toa̱cꞌam cuiꞌchic saꞌ li tenamit li casicꞌ ru chokꞌ a̱naꞌaj, usta ac chaꞌchaꞌinbil ku saꞌ eb li najtil tenamit.

2 Samuel 6:12

Quiyeheꞌ resil re li rey David chanru nak li Ka̱cuaꞌ quirosobtesi laj Obed-edom joꞌ ajcuiꞌ chixjunil li cꞌaꞌru cuan re saꞌ xcꞌabaꞌ li Lokꞌlaj Ca̱x. Joꞌcan nak co̱ chirisinquil li Lokꞌlaj Ca̱x saꞌ rochoch laj Obed-edom re tixcꞌam Jerusalén ut kꞌaxal sa saꞌ xchꞌo̱l.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Salmos 78:68

Quixsicꞌ ban ruheb li ralal xcꞌajol laj Judá. Ut saꞌ lix tenamiteb quixyi̱b lix templo saꞌ li tzu̱l Sión li raro xban.

Deuteronomio 12:21

Cui najt cuan li naꞌajej li tixsicꞌ ru li Dios re ta̱lokꞌoni̱k cuiꞌ, naru te̱camsi li xul li te̱sicꞌ ru saꞌ xya̱nkeb le̱ queto̱mk li quixqꞌue e̱re li Ka̱cuaꞌ. Ut naru te̱tzaca saꞌ le̱ tenamit lix tibel li joꞌ qꞌuial te̱raj.

1 Timoteo 2:8

Yalak bar chꞌutchꞌu̱quex chixlokꞌoninquil li Dios, nacuaj nak eb li cui̱nk teꞌcꞌamok be chi tijoc. Abanan, tento nak ti̱cak xchꞌo̱leb li cui̱nk aꞌin ut ma̱cꞌaꞌak xjoskꞌil chi moco teꞌcuechꞌi̱nk.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Salmos 76:2

Li templo li nacuan cuiꞌ li Dios, aꞌan cuan saꞌ li tzu̱l Sión aran Salem. (Jerusalén nayeman ajcuiꞌ re.)

Salmos 134:3

Aꞌ taxak li nimajcual Dios li cuan Sión chi-osobtesi̱nk e̱re. Aꞌ taxak li Ka̱cuaꞌ li quiyi̱ban re li choxa ut li ruchichꞌochꞌ chi-osobtesi̱nk e̱re.

Salmos 128:5

Aꞌ taxak li Ka̱cuaꞌ li cuan Sión chi-osobtesi̱nk a̱cue joꞌ najtil tatcua̱nk saꞌ ruchichꞌochꞌ. Ut ta̱cuil taxak nak us yo̱k chi e̱lc chixjunil saꞌ li tenamit Jerusalén.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Deuteronomio 7:13

Li Ka̱cuaꞌ texra ut texrosobtesi ut tixqꞌue chi qꞌuia̱nc le̱ ralal e̱cꞌajol ut ta̱rosobtesiheb. Ut tixqꞌue ajcuiꞌ chi nabalocꞌ li ru le̱ racui̱mk. Tixqꞌue nabal le̱ trigo, le̱ vino ut le̱ aceite. Tixqꞌue nabal li ral le̱ cuacax ut le̱ carner saꞌ li naꞌajej li quixyechiꞌi riqꞌuin juramento reheb le̱ xeꞌto̱nil yucuaꞌ.

Éxodo 10:25

Laj Moisés quixye re: —Tento nak takacꞌam li kaqueto̱mk re nak tomayejak chiru li kaDios. Takacꞌat li kamayej.

Éxodo 18:12

Ut laj Jetro quixqꞌue lix cꞌatbil mayej chiru li Ka̱cuaꞌ Dios. Laj Aarón rochbeneb li cui̱nk li nequeꞌcꞌamoc be saꞌ xya̱nkeb laj Israel, queꞌchal ut queꞌcuaꞌac rochben re xlokꞌoninquil li Ka̱cuaꞌ Dios.

Éxodo 20:25

Cui riqꞌuin pec yi̱banbil li artal li te̱yi̱b chokꞌ cue, me̱tukub ru li pec. Cui te̱pechꞌ riqꞌuin chꞌi̱chꞌ, te̱mux ru li pec ut incꞌaꞌ chic us chokꞌ re lin artal.

Éxodo 24:5

Laj Moisés quixtaklaheb li sa̱j cui̱nk aj Israel chi mayejac chiru li Dios. Queꞌxcamsi li bo̱yx ut queꞌxcꞌat chokꞌ xmayej chiru li Dios re xpatzꞌbal xcuybal xma̱queb.

Éxodo 27:1

Ut te̱yi̱b ajcuiꞌ jun li artal riqꞌuin li cheꞌ acacia. Te̱yi̱b chi ca̱ xucu̱t. Cuib metro riqꞌuin o̱b xcaꞌcꞌa̱l centímetro xnimal li ru ut cuib metro riqꞌuin o̱b xcaꞌcꞌa̱l centímetro xnimal li rok. Ut o̱b xcaꞌcꞌa̱l centímetro li xteram.

Levítico 17:9

Cui ut incꞌaꞌ tixcꞌam saꞌ li oqueba̱l re li tabernáculo re tixmayeja chiru li Dios, li jun aꞌan ta̱isi̱k saꞌ e̱ya̱nk la̱ex aj Israel.

2 Reyes 5:17

Ut laj Naamán quixye re: —Nintzꞌa̱ma junak usilal cha̱cuu. Si chokꞌ cue cuib i̱k li chꞌochꞌ aꞌin re teꞌxcꞌam lin bu̱r saꞌ lin tenamit xban nak chalen anakcuan incꞌaꞌ chic tinmayejak chiru jalanil dios chi moco tincꞌat inmayej chiru. Caꞌaj cuiꞌ chiru li Ka̱cuaꞌ li tzꞌakal Dios tinmayejak.

Isaías 64:5

La̱at nacattenkꞌan reheb li nequeꞌxba̱nu li us chi anchaleb xchꞌo̱l ut junelic cuan saꞌ xchꞌo̱leb li cꞌaꞌru nacacuaj la̱at. Abanan xban nak junelic yo̱co chi ma̱cobc cha̱cuu, joꞌcan nak xatjoskꞌoꞌ kiqꞌuin. ¿Ma naru ta biꞌ nak tocolekꞌ xban li ma̱c xkaba̱nu?

Éxodo 24:4

Ut chixjunil li cꞌaꞌru quixye li Dios, quixtzꞌi̱ba retalil saꞌ jun li hu laj Moisés. Joꞌ cuulajak chic nak toj ekꞌela laj Moisés quicuacli ut quixyi̱b jun li artal saꞌ xto̱n li tzu̱l. Quixyi̱b ajcuiꞌ riqꞌuin pec cablaju li okech ut quixxakab aran. Li cablaju chi okech, aꞌan retalil li cablaju xte̱paleb aj Israel.

Salmos 101:2

La̱in nacuaj cua̱nc saꞌ ti̱quilal. Chasume taxak li cꞌaꞌru nintzꞌa̱ma cha̱cuu ut china̱tenkꞌa. Ut la̱in saꞌ xya̱lal tincua̱nk nak cua̱nkin saꞌ li cuochoch.

Salmos 122:2

Ut anakcuan cuanco chire li oqueba̱l re li tenamit Jerusalén.