Éxodo 20:20 - Li Santil hu

²⁰ Laj Moisés quixye reheb: —Mexxucuac. Li Dios xchal chi xyalbal le̱ pa̱ba̱l. Usan cui te̱xucua ru li Dios ut incꞌaꞌ chic texma̱cobk, chan.

Q'eqchi Bible

²⁰ Kichaq'ok laj Moisés ut kixye reheb' li tenamit: “Mexxiwak! Li Yos xk'ulunk chi xyalb'al eerix. A'an naraj naq junelik teek'e eech'ool chi roxloq'inkil, re naq mexmaakob'k”.

Éxodo 20:20 ပူးပေါင်းရင်းမြစ်များ

Deuteronomio 13:3

me̱pa̱b li cꞌaꞌru tixye e̱re li profeta aꞌan, chi moco li naxye xya̱lal li matcꞌ. Li Ka̱cuaꞌ le̱ Dios yo̱k chixyalbal e̱rix re rilbal ma nequera li Ka̱cuaꞌ chi anchal e̱chꞌo̱l ut chi anchal e̱metzꞌe̱u.

Proverbios 3:7

Me̱cꞌoxla nak kꞌaxal cuan e̱naꞌleb e̱junes e̱rib. Chexucua̱k ban ru li Ka̱cuaꞌ ut canabomak xba̱nunquil li incꞌaꞌ us.

1 Samuel 12:20

Laj Samuel quixye reheb: —Mexxucuac. Ya̱l nak xexma̱cob. Abanan me̱tzꞌekta̱na chic li Ka̱cuaꞌ. Chexcꞌanjelak ban chiru chi anchal le̱ chꞌo̱l, chan.

Isaías 8:13

Chaqꞌue retal nak santin la̱in li nimajcual Dios. Ta̱xucua cuu la̱in.

Proverbios 16:6

Riqꞌuin xba̱nunquil li ya̱l ut li cha̱bilal naru nacuyeꞌ li ma̱c. Ut riqꞌuin xqꞌuebal xlokꞌal li Ka̱cuaꞌ naru xcanabanquil li ma̱usilal.

Li xHu LAJ JOB 28:28

Ut quixye reheb li cristian, “Li ani cuan xnaꞌleb, aꞌan li nacꞌanjelac chicuu chi tzꞌakal. Ut li ani se̱b xchꞌo̱l, aꞌan li naxcanab xba̱nunquil li ma̱usilal,” chan li Dios.—

Deuteronomio 8:2

Chijulticokꞌ e̱re chanru nak li Ka̱cuaꞌ le̱ Dios quicꞌamoc be che̱ru chiru caꞌcꞌa̱l chihab nak cuanquex chak saꞌ li chaki chꞌochꞌ. Quixtakla li raylal saꞌ e̱be̱n re xyalbal e̱rix, ut re te̱cubsi e̱rib, ut re ajcuiꞌ nak tixnau cꞌaꞌru cuan saꞌ le̱ chꞌo̱l, ma te̱ba̱nu lix chakꞌrab malaj ut incꞌaꞌ.

Génesis 22:1

Mokon chic li Dios quixyal rix lix pa̱ba̱l laj Abraham. Li Dios quixye re: —Abraham.— Ut aꞌan quixye: —Cueꞌquin, Ka̱cuaꞌ.—

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

Proverbios 1:7

Li ani ta̱raj ta̱cua̱nk xnaꞌleb, tento nak tixxucua ru li Ka̱cuaꞌ. Eb li ma̱cꞌaꞌeb xnaꞌleb nequeꞌxtzꞌekta̱na li cha̱bil naꞌleb ut nequeꞌxtzꞌekta̱na ajcuiꞌ lix kꞌusbaleb.

Nehemías 5:15

Eb li queꞌcuan chi takla̱nc saꞌ xbe̱neb li tenamit nak toj ma̱jiꞌ nin-oc la̱in, kꞌaxal cuiꞌchic nabal li tumin queꞌxpatzꞌ reheb li tenamit. Rajlal cutan numenak caꞌcꞌa̱l chi tumin plata queꞌxpatzꞌ re xcuaheb ut xvino. Ut eb li nequeꞌcꞌanjelac chiruheb queꞌxrahobtesi li tenamit. Abanan la̱in incꞌaꞌ quinba̱nu chi joꞌcan xban nak ninxucua ru li Dios.

Josué 24:14

Laj Josué quixye ajcuiꞌ reheb laj Israel: —Anakcuan ut chexucua ru li Ka̱cuaꞌ ut chexcꞌanjelak chiru chi anchal le̱ chꞌo̱l ut chi tzꞌakal re ru. Isihomakeb saꞌ e̱ya̱nk li yi̱banbil dios li queꞌxlokꞌoni le̱ xeꞌto̱nil yucuaꞌ nak cuanqueb aran jun pacꞌal li nimaꞌ Éufrates ut nak cuanqueb aran Egipto. Chexcꞌanjelak ban chiru li Ka̱cuaꞌ chi anchal e̱chꞌo̱l.

Deuteronomio 10:12

¿Cꞌaꞌru naraj li Ka̱cuaꞌ le̱ Dios e̱riqꞌuin nak nequecꞌoxla la̱ex aj Israel? Li cꞌaꞌru naraj li Dios, aꞌan nak la̱ex te̱xucua ru li Ka̱cuaꞌ le̱ Dios, ut texcua̱nk joꞌ naraj aꞌan. Te̱ra ut texcꞌanjelak chiru chi anchal le̱ chꞌo̱l ut chi anchal le̱ ra̱m.

Deuteronomio 6:2

Tincꞌut li chakꞌrab che̱ru re nak la̱ex ut eb le̱ ralal e̱cꞌajol ut eb le̱ ri te̱xucua ru li Ka̱cuaꞌ le̱ Dios. Junelic te̱ba̱nu lix chakꞌrab ut le̱ taklanquil xban re nak ta̱najtokꞌ rok le̱ yuꞌam.

Deuteronomio 4:10

Chijulticokꞌ e̱re li cutan nak quexinchꞌutub chiru li Ka̱cuaꞌ le̱ Dios aran Horeb nak quixye cue li Ka̱cuaꞌ, “Chꞌutubeb chixjunileb li tenamit re teꞌrabi lin chakꞌrab re nak teꞌxqꞌue inlokꞌal joꞌ najtil chic yoꞌyo̱keb. Ut re ajcuiꞌ nak teꞌxcꞌut chiruheb li ralal xcꞌajol”, chan li Dios.

Génesis 22:12

Lix ángel li Ka̱cuaꞌ Dios quixye re: —Ma̱camsi la̱ cualal. Ma̱cꞌaꞌ ta̱ba̱nu re. Ninnau nak nacapa̱b chi tzꞌakal li Dios. La̱ cualal jun ajcuiꞌ ut aꞌan xaqꞌue raj chokꞌ re la̱ mayej chiru li Dios, chan.

Génesis 20:11

Laj Abraham quichakꞌoc ut quixye re: —La̱in xincꞌoxla nak incꞌaꞌ nequepa̱b li Ka̱cuaꞌ Dios saꞌ li tenamit aꞌin. Cuan saꞌ inchꞌo̱l nak ma̱re tine̱camsi xban li cuixakil.

Éxodo 14:13

Laj Moisés quixye reheb: —Mexxucuac. Cacuubresihomak ban e̱chꞌo̱l. Ho̱n nequeril chanru nak tocolekꞌ xban li Ka̱cuaꞌ Dios. Eb laj Egipto li yo̱quex chi rilbal anakcuan ma̱ jun cua chic te̱ril ruheb.

Deuteronomio 6:24

Li Ka̱cuaꞌ quixye ke nak takaba̱nu chixjunil li chakꞌrab aꞌin ut takaxucua ru li Ka̱cuaꞌ li kaDios re nak ta̱najtokꞌ rok li kayuꞌam ut us toe̱lk riqꞌuin li cꞌaꞌru takaba̱nu joꞌ nak cuanco anakcuan.

Isaías 41:13

La̱in li Ka̱cuaꞌ le̱ Dios. La̱in nequexinchap riqꞌuin le̱ nim ukꞌ. La̱in ninyehoc e̱re: Mexxucuac. La̱in tintenkꞌa̱nk e̱re.

Deuteronomio 8:16

Nak cuanquex saꞌ li chaki chꞌochꞌ quixqꞌue li maná re te̱cuaꞌ, li incꞌaꞌ naubil ru xbaneb le̱ xeꞌto̱nil yucuaꞌ. Quixtakla li raylal saꞌ e̱be̱n re te̱cubsi e̱rib ut re xyalbal e̱rix re nak us tex-e̱lk mokon nak cua̱nkex saꞌ li naꞌajej aꞌan.