Éxodo 20:18 - Li Santil hu

¹⁸ Eb laj Israel queꞌrabi nak natenloc li ca̱k ut queꞌril nak nareploc. Queꞌrabi xya̱b li trompeta ut queꞌril nak nabukuknac li sib. Chixjunileb nequeꞌsicsot xbaneb xxiu ut queꞌjiloc chirixeb saꞌ junpa̱t.

Q'eqchi Bible

¹⁸ Chixjunileb' li tenamit ke'xk'e reetal li kaaq ut li raq'kaaq, li xyaab' tronpeet ut li xsib'el li tzuul; ke'siksotk xb'aan xxiweb' ut ke'kanaak chi najt:

Éxodo 20:18 ပူးပေါင်းရင်းမြစ်များ

Jeremías 23:23

La̱in li Ka̱cuaꞌ Dios. Cuanquin yalak bar chi nachꞌ ut chi najt.

Génesis 3:10

Ut laj Adán quichakꞌoc ut quixye: —Xcuabi nak yo̱cat chi be̱c saꞌ xnaꞌaj li acui̱mk. Ut xinxucuac xban nak tꞌustꞌu̱quin. Xinmuk cuib cha̱cuu, chan.

Deuteronomio 4:36

Toj saꞌ choxa quia̱tinac chak e̱riqꞌuin re xcꞌutbal che̱ru cꞌaꞌru te̱ba̱nu. Ut arin saꞌ ruchichꞌochꞌ quixcꞌut che̱ru li xam ut querabi lix ya̱b xcux saꞌ li xam nak quexra̱tina.

Deuteronomio 5:5

La̱in quinqꞌue cuib saꞌ e̱yi la̱ex ut li Ka̱cuaꞌ re nak tinye e̱re cꞌaꞌru naxye li Ka̱cuaꞌ. La̱ex quexxucuac xban li xam. Joꞌcan nak incꞌaꞌ quextakeꞌ saꞌ li tzu̱l.

Deuteronomio 5:25

Abanan, ¿cꞌaꞌut nak takaqꞌue kib chi ca̱mc? To-osokꞌ xban li xam li kꞌaxal xiu xiu. Incꞌaꞌ chic takacuy cui li Dios ta̱a̱tinak cuiꞌchic kiqꞌuin.

Deuteronomio 18:16

Saꞌ li cutan nak chꞌutchꞌu̱quex che̱junilex saꞌ li tzu̱l Horeb queye chi joꞌcaꞌin, “Incꞌaꞌ chic nakaj rabinquil li xya̱b xcux li Ka̱cuaꞌ li kaDios, chi moco nakaj rilbal li nimla xam. Incꞌaꞌ chic takacuy. Toca̱mk xban,” chanquex.

Salmos 81:7

Nak cuanquex saꞌ raylal xetzꞌa̱ma e̱tenkꞌanquil chicuu ut la̱in xexincol. La̱in xinsume toj saꞌ li chok li na-ecꞌan cuiꞌ li ca̱k. Ut aran cuan cuiꞌ li haꞌ Meriba quinyal rix le̱ pa̱ba̱l.

Génesis 15:17

Nak kꞌojyi̱n chi us, laj Abram quiril nak cuta̱mil chiru jun xnaꞌaj li xam yo̱ chi e̱lc xsibel ut jun lochlo̱quil xam quinumeꞌ saꞌ xyiheb li xul li jachbileb.

Deuteronomio 5:23

Nak querabi lix ya̱b xcux li Ka̱cuaꞌ nak quia̱tinac chak saꞌ li kꞌojyi̱n ru ut yo̱ chi cꞌatc li tzu̱l, eb li nequeꞌcꞌamoc be ut eb li nequeꞌtaklan saꞌ xbe̱neb li junju̱nk xte̱paleb laj Israel queꞌcuulac cuiqꞌuin.

Deuteronomio 5:27

At Ka̱cuaꞌ Moisés, tatjilok cuiꞌchic la̱at ut ta̱cuabi chixjunil li cꞌaꞌru tixye li Ka̱cuaꞌ li kaDios. Chirix aꞌan ta̱ye ke cꞌaꞌru tixye ut la̱o takabi ut takaba̱nu li cꞌaꞌru tixye ke”, chanqueb.